1 Bakalenga 14:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Matuku onso akakokesha Yalobama bantu akadi bidimu makumi abidi ne bibidi; wakalala tulu ne bankambua bandi; Nadaba, muana wandi, wakakokesha mu muaba wandi.

MUKANDA WA MYIDI MUKULU

²⁰ Yerobowame mumane kushala mu bukalenga bidimu makumi abidi ne bibidi, kufuaye. Muanende wa balume Nadabe kumupingana mu bukalenga.

1 Bakalenga 14:20 ပူးပေါင်းရင်းမြစ်များ

1 Bakalenga 11:43

Solomo wakalala tulu ne bankambua bandi, wakajikibua mu musoko wa Davidi, tatu wandi; Lehabama, muanʼandi wa balume, wakakokesha mu muaba wandi.

1 Bakalenga 14:19

Bienzedibia Yalobama bikuabo, muakaluanganeye ne muakakokesheye bidi bifunda mu mukanda wa kulondolola kua malu a bakelenge ba Isalele.

1 Bakalenga 14:21

Lehabama, muana wa Solomo, wakakokesha mu Yuda. Lehabama wakadi ne bidimu makumi anai ne tshimue hakabangeye kukokesha, yeye wakakokesha bidimu dikumi ne muanda mutekete mu Yelushalema, musoko wakasungula Yehowa munkatshi mua bisamba bionso bia Bena Isalele bua kutekamu dina diandi; dina dia mamu wandi diakadi Nâma, Muena Amona.

1 Bakalenga 2:10

Davidi wakalala tulu ne bankambua bandi, bakamujika mu musoko wa Davidi.

2 Kulondolola 13:2

Yeye wakakokesha mu Yelushalema bidimu bisatu; dina dia mamu wandi diakadi Mikaya, muana mukashi wa Uliele wa mu Gibea. Abiya ne Yalobama bakadi baluangana nvita.

2 Kulondolola 13:20

Yalobama kakaheta bukole kabidi mu matuku a Abiya; Yehowa wakamushiha, wakafua.

Yobe 14:12

nunku muntu udi ulala hanshi kena ubika kabidi; tô ne hajimina diulu kabena batabala, kabena ba bahisha ku tulu tuabo.

Misambu 3:5

Nakalala hanshi, nakadila tulu; nakabika ku tulu, bualu bua Yehowa wakundama.

Misambu 4:8

Nendale hanshi, nendale tulu mu ditalala kabidi, bualu bua wewe nkayebe, Yehowa, udi unvuishila muaba wa kusomba talalâ.