1 Bakalenga 13:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hakunvua muprofete wakamu hingishila mu nshila lumu elu, yeye wakamba ne, Au mmuntu wa Nzambi wakahidia dî dia mukana mua Yehowa: nunku Yehowa wakamutua kudi nyama wa ntambue, yeye wakamuhandulula, wakamushiha bu mu dî dia Yehowa diakamuambileye.

MUKANDA WA MYIDI MUKULU

²⁶ Muambi mukulumpe awu ke uvua mupingaje mu Betele muambi wa ku ditunga dia bena Yuda ukavua mu njila. Nanku, muambi mukulumpe awu umvua lumu lua lufu luende, kuambaye ne: — Tshitalu atshi, ntshia muambi wa ku ditunga dia bena Yuda. Yeye uvua mutombokele Maweja-Nangila. Maweja-Nangila mmutumine muambi nyama wa ntambue awu, bua kumuluishaye, kumushipa, bu muvua Maweja-Nangila mumane kumulaya.

1 Bakalenga 13:26 ပူးပေါင်းရင်းမြစ်များ

2 Samuele 12:10

Nunku muele wa mata kawena umuka ku nsubu kuebe tshiendelele bualu bua wewe wakandengulula, wakangata mukashi wa Uliya, Muena Hiti, bu mukashi webe.

2 Samuele 12:14

Kadi bua bualu ebu bubi buwakenza wewe wakavuishila bena lukuna ba Yehowa tshikondo tshia kumuhendabo, nunku muana uwakalela neafue biandi bulelela.

1 Bakalenga 13:25

Bantu bakadi bahitaku bakatangila tshitalu tshiandi mu nshila ne nyama wa ntambue muimane ha buihi nʼatshi; bakamba bualu ebu mu musoko muakadi muprofete mununu mushikame.

1 Bakalenga 13:27

Yeye wakambila bana bandi ba balume ne, Nungelele tshiseba ha nyima ha mpunda. Bakamuelela tshiseba ha nyima nʼandi.

Misambu 119:120

Mubidi wanyi udi uzakala bua dikutshina dianyi; ne ndi ntshina kulumbulula kuebe.

Nsumuinu 11:31

Tangila, nebaleshe muntu muakane difutu diandi ha buloba; nebatumbe kufuta muntu mubi ne muenji wa malu mabi!

Yezekiyele 9:6

shihai bantu bakulumpe, bansongalume ne mishikankunde, bana batekete ne bakashi; kadi kanuyi ha buihi ne muntu umue udi ne tshimanyinu atshi. Bangilai ku nsubu wanyi wa tshijila. Nunku bakabanga kushiha bakulu bakadi ku mpala kua nsubu.

Lewitiki 10:3

Nunku Mose wakambila Alona ne, Ebu mbualu bakamba Yehowa ne, Nenjidibue kudi bantu balualua ha buihi nʼanyi, nentumbishibue ku mesu kua bantu bonso Alona wakahuwa talalâ.

1 Korente 11:30

Bua bualu ebu ba bungi ba munkatshi muenu badi batekete, badi ne mabedi, ne bakuabo bakumbana badi balala tulu mu lufu.

1 Petro 4:17

Bualu bua tshikondo tshia dilumbuluisha kubangadi ku ba mu nsubu wa Nzambi tshiakulua, ne biadianjiladi kubanga kutudi, kunshikidilu kua badi kabai batumikila lumu luimpe lua Nzambi nekuikale tshinyi?