1 Bakalenga 13:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakela dî diakamuambila Yehowa ku tshioshelu atshi, wamba ne, Tshioshelu, tshioshelu, Yehowa udi wamba ne, Muana wa balume nealedibue mu nsubu wa Davidi, dina diandi Yoshiya: yeye neafile bakuidi badi bosha musenga wa manananshi ha mutu hebe bu mulambu wa kuosha; neboshe mifuba ya bantu ha mutu hebe.

MUKANDA WA MYIDI MUKULU

² Nanku, muambi kuela diyi divua Maweja-Nangila mumuambile, ubenga tshilambuilu atshi, wamba ne: — Tshilambuilu! Tshilambuilu! Teleja tshidi Maweja-Nangila wamba! Nebalele muana wa balume mu nzubu wa Davide. Nebamuinyike ne: Yosiyase. Nanku, Yosiyase nealambule batuangaji badi bakuata mudimu miaba ya kutendelela mvidie, pambidi pebe wewe tshilambuilu, muaba uvuabu boshila milambu. Tshilambuilu, pambidi pebe, neboshilepu too ne mifuba ya bantu!

1 Bakalenga 13:2 ပူးပေါင်းရင်းမြစ်များ

1 Bakalenga 13:32

Bualu bua mei a Yehowa akambeye bua tshioshelu tshia mu Betele ne bitendelelu bionso bidi ku mikuna ne mu misoko ya Samalea, bulelela, nênjibue.

2 Kulondolola 34:1

Yoshiya wakadi ne bidimu muanda mukulu hakabangeye kukokesha; wakakokesha mu Yelushalema bidimu makumi asatu ne tshimue.

2 Kulondolola 34:3

Bualu bua mu tshidimu tshia muanda mukulu tshia bukelenge buandi, hakatshidiye muana, yeye wakabanga kukeba Yehowa, Nzambi wa Davidi, nkambua wandi; mu tshidimu tshia dikumi ne bibidi yeye wakabanga kumusha bioshelu biakadi ha mutu ha mikuna ne mitshi ya Bashela ne mpingu yakasongabo ne mpingu yakatulabo mu Yuda ne Yelushalema.

Yeshaya 1:2

Diulu, unvua biebe, ne wewe buloba, teleja matshu ebe, bualu bua Yehowa wakuamba dî ne, Nakudisha, nakukolesha bana, ne bakuntombokela.

Yeshaya 42:9

Monai, malu a diambedi akumana kulua, ndi nnuambila malu mahia-mahia; ndi nnuambila malu â diambedi kayi manji kumueneka.

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Yeshaya 58:1

Bandisha dî diebe bikole, kudikandi nansha, bandisha dî diebe bu dî dia mpungi, manyisha bantu banyi kushiha kuabo kua mikenji ne bana ba Yakoba mihi yabo.

Yirmeya 1:2

Dî dia Yehowa diakalua kudiye mu matuku a Yoshiya, muana wa Amona, mukelenge wa Yuda, mu tshidimu tshia dikumi ne tshisatu tshia bukokeshi buandi.

Yirmeya 22:29

Wewe buloba, buloba, buloba, unvua dî dia Yehowa!

Yezekiyele 36:1

Wewe kabidi, muana wa muntu, ambila mikuna ya mu Isalele dî dia baprofete, uyambile ne. Nuenu mikuna ya mu Isalele, unvuai dî dia Yehowa!

Yezekiyele 36:4

bua malu â, nuenu mikuna ya mu Isalele, unvuai dî dia Mukelenge Yehowa! Mukelenge Yehowa udi wamhila mikuna mile ne mikuna mikese, bihongo ne bibanda, miaba yakubutuka ne misoko yakushala bikulu, biakulua bu tshintu tshia kunyengabo ne kusekabo kudi bisamba bikuabo bidi binunyunguluka.

Yezekiyele 38:4

Nenkuimanyike, nenteke ndobo mu mbanga yebe; nenkutume ku nvita ne masalayi ebe onso, tubalu tuebe ne bena tubalu bebe, buonso buabo baluatshishe bivualu bia biamu, tshisumbu tshinene tshia masalayi mambule ngabu wa ha tshiadi ne ngabu wa ku diboko, ne buonso buabo bakuate miele ya nvita mu bianza: biabo.

Luke 19:40

Yeye wakabakudimuna dî ne, Biahuabo, mabue nêle mbila.

Dielulula 32:1

Diulu, teleja matshu, nengambe, buloba bunvue mei a mukana muanyi.