1 Bakalenga 13:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yeye wakamuambila ne, Kadi meme ndi muprofete bu wewe: muanjelo wakangambila dî ma Yehowa ne, Uhingane nʼandi mu nsubu webe, adieku, anueku. Kadi yeye wakamushima.

MUKANDA WA MYIDI MUKULU

¹⁸ Kadi, muambi mukulumpe kusuminyina bikole, wamba ne: — Meme kabidi ndi muambi bu wewe. Mutumibue wa Mvidi Mukulu uvua muakule nanyi mu dina dia Maweja-Nangila. Uvua muntume bua tupingane nebe ku nzubu kuanyi bua wewe kudia ne kunua. Bulelela, uvua ushima bionsu ebi.

1 Bakalenga 13:18 ပူးပေါင်းရင်းမြစ်များ

Genese 27:24

Isaka wakamuebesha ne, Wewe udi muanʼanyi Esau bulelela, anyi? Yeye wakamba ne, E.

Genese 3:13

Yehowa Nzambi wakambila mukashi ne, Bualu ebu buwakuenza budi tshinyi? Mukashi wakamba ne, Nyoka wakundinga, nakudia.

1 Bakalenga 13:19

Nunku yeye wakahingana nʼandi, wakadia mu nsubu muandi, wakanuamu.

1 Bakalenga 20:35

Muntu mukuabo wa bana ba balume ba baprofete wakambila mukuandi dî dia Yehowa ne, Ndi nkusengelela ne, Untute. Kadi muntu wakahidia kumututa.

1 Bakalenga 22:22

Yehowa wakamuebesha ne, Bishi? Wakamba ne, Nenye, nengikale bu nyuma wa kudinga mukana mua baprofete bandi bonso. Yeye wakamuambila ne, Wewe neumudinge, neumuhite bukole; ya, wenze nunku.

Nsumuinu 12:19

Muntu udi wamba mei malelela neashaleku kashidi, kadi udi wamba mei a mashimi udiku anu katuha kihi.

Nsumuinu 12:22

Mishiku idi yamba mashimi idi itondesha Yehowa, kadi badi benza malu a bushuwa badi bamusankisha.

Nsumuinu 19:5

Mumonyi udi ne mashimi kena uhanga kukengeshibua; udi uhatula mei a mashimi mukana muandi kena uhanduka.

Yeshaya 36:10

Nakudiluila mpindiu bua kubutula muaba eu Yehowa kayi nʼanyi, anyi? Yehowa mene wakungambila ne, Ya uluishe bena buloba ebu, ubabutule.

Yeshaya 9:15

Nkolomo ne muena butumbi nyeye udi mutu mene, ne muprofete udi uyisha mashimi udi mukila.

Yirmeya 23:14

Nakumona malu mahite bubi munkatshi mua baprofete ba mu Yelushalema kabidi; badi benda masandi, badi benda mu mashimi; badi bakolesha maboko a benji ba malu mabi, nunku kakuena muntu udi walukila kundi, ulekela bubi buandi; nunku buonso buabo bakulua bu Bena Sodoma ku mesu kuanyi, ne bena musoko eu bakulua bu Bena Amola.

Yirmeya 23:17

Batu bambila bantu babi bampetula ne, Yehowa wakuamba ne, Nenuikale ne ditalala. Badi bambila muntu yonso udi wenda mu tshitshu tshia mu mutshima wandi ne, Dikenga kadiena dikukuata.

Yirmeya 23:32

Yehowa udi wamba ne, Tangilai, ndi mbenga baprofete badi bamba mei a mashimi bua bilota biabo, badi babiawila bantu bakuabo, badi benzesha bantu banyi bua kuenzabo malu mabi ne ku mashimi abo ku kufuna kuabo; kadi tshiakabatuma, tshiakabelela mukenji bua kuyabo; Yehowa udi wamba ne, Kabena bakuatshisha bantu aba, nansha kakese.

Yirmeya 29:31

Utumine badi mu buhika ebu ai edi ne, Yehowa udi wamba bua Shemaya, Muena Nehelama ne, Bualu bua Shemaya wakunuambila mei a, ne meme tshiena mumutume nansha, ne yeye wakunuenzesha bua nuenu kueyemena mei a mashimi;

Yirmeya 29:32

nunku Yehowa udi wamba ne, Monai, nenkengeshe Shemaya, Muena Nehelama, ne bana bandi kabidi. Yeye kena wikala ne muntu umuehele washala munkatshi mua bantu aba, ne kena umona diakalengele dindi nvuishila bantu banyi, bualu bua yeye wakuamba mei a kutombokela nʼau Yehowa.

Yirmeya 5:12

Bakahidia Yehowa, bamba ne, Kanyeye nansha; makenga kaena atukuata tuetu; katuena tumona muele wa nvita anyi tshiole.

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Yezekiyele 13:22

Bualu bua ku mashimi enu nuakunyingalasha mutshima wa muntu muakane, undi tshiyi munyingalashe; nuakukolesha mutshima wa muntu mubi bua yeye kalekedi kuenda mu nshila wandi mubi bua kuhandisha muoyo wandi.

Yezekiyele 13:8

Bua bualu ebu Mukelenge Yehowa udi wamba ne, Bualu bua nuakuamba mei a mashimi ne nuakumona bikena kumona bidi bidinga bantu, nunku, Mukelenge Yehowa udi wamba ne, Ndi nnuhidia.

Dibadika 22:35

Muanjelo wa Yehowa wakambila Belâma ne, Ya biebe ne balume aba kadi wewe wambe anu dî dinaknambila. Nunku Belâma wakaya ne miloho ya Balaka.

Matayi 24:24

Bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu binene ne malu a kukema bualu bua kuhambuisha badi basungula kadi Nzambi mene mene; biamanyabo mua kuenza nunku.

Matayi 7:15

Nuende badimuke kudi baprofete badi ne mashimi, batu balua kunudi baluate biseba bia mikoko, kadi munda muabo mudi nkashama idi ne luonji.

Rome 16:18

Bua badi benza nunku kabena bakuatshila Mukelenge wetu Kilisto mudimu, kadi badi bakuatshila anu mafu abo mudimu; ne bua mei abo a lubombo ne a kutumbisha nʼau bantu hatuhu badi badinga mitshima ya badi kabai badimuke.

2 Korente 11:3

Kadi ndi ntshina ne, Bu muakadi nyoka udinga Eva ne budimu buandi, bumue meshi enu neahambuishibue ku dilamata diau ne butoke buau bidi kudi Kilisto.

Ngalate 1:8

Kadi bikata tuetu anyi muanjelo wa mu diulu tunuambila lumu lukuabo ludi kalui lumu luimpe lutuakanuambila, ikale biandi ne mulau.

1 Timote 4:1

Kadi Nyuma udi wamba batoke ne, Halua bikondo bia kunshikidilu ha buihi, bantu bakuabo nebalekele ditabusha diabo, balamata ku nyuma idi ihambuisha ne ku mayisha a bademon;

1 Timote 4:2

bualu bua lubombo lua bantu badi bamba mei a mashimi, badi boshibua mu muoyo-mukese wabo ne tshiamu tshibia ne kadilu.

2 Petro 2:1

Kadi baprofete ba mashimi bakabika munkatshi mua bantu kabidi, bu mudi bayishi ba mashimi balua kubika munkatshi muenu, nebalue mu musokoko ne malu manutahulule ku dibutuke, bavila Mukelenge wakabahikula, badivuishila dibutuka dia lukasa.

1 Yone 4:1

Bananga, kanuitabushi nyuma yonso, kadi nutete nyuma ne, Idi ya Nzambi, anyi; bualu bua baprofete ba bungi ba mashimi bakamuangalaka ha buloba.

Didimanyisha 19:20

Nyama wa luonji wakakuatshibua, ne bakamukuata ne muprofete wa mashimi wakenza bimanyinu ku mpala kuandi biakadingeye nʼabi bantu bakangata tshimanyinu tshia nyama wa luonji ne bakakukuila tshifuanyikishi tshiandi, bubidi buabo bakedibua ne muoyo mu dishiba dia kahia kadi katema ne soufre.

Balombodi 13:3

Muanjelo wa Yehowa wakamueneka kudi mukashi, wakamuambila ne, Tangila, wewe udi nkumba, kuena muanze kulela; kadi wewe newimite difu, neulele muana wa balume.