1 Bakalenga 12:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yehowa udi wamba ne, Kanuyi bua kuluangana ne bana benu, Bena Isalele: muntu ne muntu ahingane ku nsubu kuandi, bualu ebu buakufuma anu kundi meme. Nunku kakunyua dî dia Yehowa; bakahingana mu nshila yabo bu muakadi dî dia Yehowa.

MUKANDA WA MYIDI MUKULU

²⁴ Maweja-Nangila udi wamba ne: “Kanuyi kuluisha bana benu bena Izrayele nansha. Muntu yonsu wa kunudi apingane ku nzubu kuende. Bualu meme Maweja-Nangila, ndi mukumbaje bionsu bidi bienzeka ebi.” Robowame ne bena Yuda bumvue diyi dia Maweja-Nangila, kuitababu. Kupinganabu ku nzubu yabu.

1 Bakalenga 12:24 ပူးပေါင်းရင်းမြစ်များ

Genese 24:50

Labana ne Betuele bakamba ne, Bualu ebu buakufuma kudi Yehowa, tuetu katuena mua kukuambila dî dibi anyi dî dimpe.

1 Bakalenga 12:15

Nunku mukelenge kakunvuila bantu: bua bualu ebu buakafuma kudi Yehowa bua kujadikeye dî diandi diakambileye Yalobama, muana wa Nebata mukana mua Ahiya, Muena Shilo.

1 Bakalenga 12:25

Hashishe Yalobama wakasa musoko wa Shekeme mu mikuna ya Efelayima, wakashikamamu; wakumukaku, wakasa Penuele.

1 Bakalenga 14:30

Lehabama ne Yalobama bakadi baluangana nvita matuku onso.

2 Kulondolola 11:4

Yehowa udi wamba ne, Kanuyi, kanuluanganyi ne bana benu; nuhingane muntu ne muntu ku nsubu wandi bua bualu ebu budi bufuma kundi. Nunku bakitabusha dî dia Yehowa, bakalukila, kabakaya kuluangana ne Yalobama.

2 Kulondolola 22:7

Kubutuka kua Ahazaya kuakadi bua Nzambi, bualu bua yeye wakaya kudi Yolama; bualu bua hakafikeye kudiye, yeye wakaya ne Yeholama bua kuluangana ne Yehu, muana wa Nimishi, nguakelabo manyi ha mutu kudi Yehowa bua kubutuleye ba mu nsubu wa Ahaba.

2 Kulondolola 25:10

Hashishe Amasaya wakatahulula bantu bakalua kudiye ku Efelayima bua kubahingisha kuabo; nunku tshiji tshiabo tshiakadia kudi Bena Yuda; bakahingana kuabo bûla-ngane ne tshiji tshikole.

Osheya 8:4

Bakadisunguila bakelenge, tshiyi mubambile; bakaditekela bakokeshi, kadi tshiakamanya muanda eu; bakadifudila mpingu ku biamu bia argent ne bia or, bua bobo babutudibue.

Dibadika 14:42

Kanuyi bualu bua Yehowa kena munkatshi muenu, kanufu ku mesu kua bantu badi nʼenu lukuna.

Balombodi 14:4

Kadi tatu wandi ne mamu wandi kabakamanya ne, Bualu ebu buakafuma kudi Yehowa, bualu bua yeye wakadi ukeba bualu kudi Bena Peleshete. Ku tshikondo atshi Bena Peleshete bakadi bakokesha Bena Isalele.