1 Bakalenga 12:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hakunvua Bena Isalele bonso lumu ne, Yalobama wakahingana, bakamubikila mu disangisha diabo, bakamuvuisha mukelenge ku mutu kua Bena Isalele bonso; anu tshisamba tshia Yuda tshiakalonda ba mu nsubu wa Davidi.

MUKANDA WA MYIDI MUKULU

²⁰ Bena Izrayele bonsu ba ku mutu, bamane kumvua lumu lua dipingana dia Yerobowame, kudisangisha nkayabu. Kubikidishabu Yerobowame mu tshisangilu atshi, kumusungula bua ikale mukalenga wa bena Izrayele. Nanku, anu tshisamba tshia Yuda nkayatshi kushala kuitaba nzubu wa Davide.

1 Bakalenga 12:20 ပူးပေါင်းရင်းမြစ်များ

2 Samuele 20:2

Nunku Bena Isalele bonso bakalekela kulonda Davidi, bakalonda Sheba, muana wa Bikili; kadi Bena Yuda ba ku Yadene tô ne ku Yelushalema bakalamata mukelenge wabo.

1 Bakalenga 11:13

Kadi tshiena nkunyenga bukelenge buonso nansha, nempe muana webe tshisamba tshimue bualu bua Davidi, muntu wanyi, ne bua Yelushalema unakusungula.

1 Bakalenga 11:26

Yalobama, muana wa Nebata, Muena Efelayima wa mu Zeleda, wakadi muntu wa Solomo, ne mamu wandi wakadi Seluya, mukashi wa mu lufuila, wakatombokela mukelenge kabidi.

1 Bakalenga 11:32

(kadi yeye neikale ne tshisamba tshimue bualu bua Davidi, muntu wanyi, ne tshikuabo bua Yelushalema, musoko unakasungula munkatshi mua bisamba bionso bia Bena Isalele),

1 Bakalenga 11:35

kadi nenyenge bukelenge mu bianza bia muanʼandi mulume, nembufile kûdi, mbisamba dikumi mene mene.

1 Bakalenga 11:36

Nempe muanʼandi tshisamba tshimue, bua Davidi, muntu wanyi ikale ne muinda utema ku mesu kuanyi mu Yelushalema matuku onso, musoko unakasungula bua kutekamu dina dianyi.

1 Bakalenga 11:37

Nenkusungile, bua wewe kukokesha bantu bu mudi mutshima webe musue; wewe newikale mukelenge wa Isalele.

1 Bakalenga 12:17

Kadi Lehabama wakakokesha Bena Isalele bakadi bashikama mu misoko ya Bena Yuda.

2 Bakalenga 17:21

Bualu bua yeye wakahandu tula Bena Isalele kudi nsubu wa Davidi; bakadisunguila Yalobama, muana wa Nebata, mukelenge wabo; Yalobama wakasesuisha Bena Isalele kudi Yehowa, wakabenzesha bualu bubi bunene.

Osheya 11:12

Bena Efelayima badi bannyunguluka ne mashimi, Bena Isalele badi bannyunguluka ne mei a kundinga nʼau; kadi Bena Yuda batshidi bamanyibue kudi Nzambi, ne batshidi beyemena Wa Tshijila.

Osheya 8:4

Bakadisunguila bakelenge, tshiyi mubambile; bakaditekela bakokeshi, kadi tshiakamanya muanda eu; bakadifudila mpingu ku biamu bia argent ne bia or, bua bobo babutudibue.

1 Samuele 10:24

Samuele wakambila bantu bonso ne, Tangilai, yeye wakadi Yehowa musungule kakuena mukuabo bu yeye munkatshi mua bantu bonso. Bantu bonso bakela mbila ne, Mukelenge ikale ne muoyo!