1 Bakalenga 12:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Tatu wanyi wakanunemeshila mutshi wa tshikokedi wa bujitu, kadi meme nennukumbashile majitu makuabo: tatu wanyi wakamutuma ne nsokotshi, kadi meme nennukume ne tuminyiminyi.

MUKANDA WA MYIDI MUKULU

¹¹ Tatu wanyi mmunuambuishe bujitu ku mutshi wa kuambula nawu bujitu. Kadi meme, nensakidila bujitu bukuabu ku mutshi aku. Tatu wanyi uvua unukengesha, unutuuta mikaba bitekete. Kadi meme nennukengeshe, nnutuute mikaba misuika tukanu.”

1 Bakalenga 12:11 ပူးပေါင်းရင်းမြစ်များ

1 Bakalenga 12:10

Bansongalume bakakola nʼandi bakamuambila ne, Wambile bantu aba bakukuambila ne, Tatu webe wakatunemeshila mutshi wa tshikokedi wa bujitu, kudi wewe utuebeshile bujitu bua mutshi au, ubambile nunku ne, Munu wanyi wa kantengenene neuhite tshifuka tshia tatu wanyi bunene.

1 Bakalenga 12:12

Nunku Yalobama ne Bena Isalele bonso bakahingana kudi Lehabama dituku disatu bu muakabambila mukelenge ne, Nuhingane kundi kabidi hahita matuku asatu.

1 Bakalenga 12:14

kadi wakabambila lungenyi luakamuambila bansongalume ne, Tatu wanyi wakanunemeshila mutshi wa tshikokedi, kadi meme nennukumbashile majitu makuabo: tatu wanyi wakamutuma ne nsokotshi, kadi meme nennukume ne tuminyiminyi.

2 Kulondolola 16:10

Ha diba adi Asa wakadi ne mumonyi wa malu tshiji, wakamubuesha mu nsubu wa lukanu; bualu bua tshiji tshikole tshiakamukuata bua bualu ebu. Asa wakakengesha bantu bakuabo mu tshikondo atshi tshiotshimue.

Ekesode 5:18

Yai bienu, enzai mudimu, katuena tunuha bisonsa, kadi nuenu nenulue ne bungi bua tushola bu mutuakuamba.

Muambi 10:16

Mulau kûdi, wewe tshisamba, tshidi ne mukelenge mutshikale muana, tshidi ne haminyampala batu badia mu dinda!

Yeshaya 58:6

Eku kakuena kujila kua bia kudia kunakusungula, anyi? Mbua kusulula nkanu ya malu mabi, mbua kusulula majita adi asuika mutshi wa tshikokedi, mbua kulekela bakengeshibue, ne mbua kutshibula mutshi wa tshikokedi wonso.

Yirmeya 27:11

Yehowa udi wamba ne, Kadi tshisamba tshiabuesha nshingu watshi muinshi mua mutshi wa tshikokedi wa mukelenge wa Babulona ne tshiamukuatshila mudimu, nengitabushe bua ba mu tshisamba atshi bashale mu buloba buabo mene; nebabudime, nebashikamemu.

Yezekiyele 2:6

Wewe, muana wa muntu, kubatshinyi nansha, kutshinyi mei abo kabidi, nansha hikala mingonge ne meba bikunyunguluke, nansha biwikala mushikame munkatshi mua tuminyiminyi; kutshinyi mei abo, kukuatshiki buowa bua mpala yabo, bualu bua badi tshisamba tshia bantombokedi.

1 Samuele 8:18

Mu dituku adi nenudie bua mukelenge unuakadisunguila, kadi Yehowa kena ununvuila mu dituku adi nansha.