1 Bakalenga 10:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Makoho onso a kunua nʼau mukelenge Solomo akadi a or, ne malonga onso a mu nsubu wandi wa ditu dia Lebanona akadi a or mene mene; nansha dimue diakadi dia argent: tshiamu atshi katshiakadi tshia mushinga mukole mu matuku a Solomo.

MUKANDA WA MYIDI MUKULU

²¹ Makopu a mukalenga Shelomu awu, avua anu a tshiamu tshia mpawungi. Kabidi bintu bionsu bia kudila bivua mu nzubu uvuabu babikila ne: “Ditu dia Lebanone,” bivua anu bia tshiamu tshia mpawungi menemene. Kabavua benza bintu bia tshiamu tshitoke tshia mushinga mukole to. Bualu mu tshikondu tshia Shelomu, tshiamu tshitoke tshia mushinga mukole katshivua ne lumu.

1 Bakalenga 10:21 ပူးပေါင်းရင်းမြစ်များ

1 Bakalenga 10:17

Wakenza ngabu ya or yakatulabo nkama isatu; bujitu bua or ya mu ngabu umue buakadi mines isatu; mukelenge wakayiteka nsubu wa ditu dia Lebanona.

1 Bakalenga 10:20

Bifuanyikishi bia nyama ya ntambue dikumi ne bibidi biakadi biteka ku bidiatshilu bisambombo, bibidi ku tshidiatshilu ne tshidiatshilu, tshimue ku luseke tshimue ku luseke; kakuakadi mukuabo bu eu mu bukelenge bukuabo.

1 Bakalenga 10:22

Bualu bua mukelenge wakadi ne matu akenda ha mutu ha mai manene ku Tâshishi hohamue ne matu a Hilama: akaya ku Tâshishi musangu umue mu bidimu bisatu, akafumaku ne or, argent ne mibanga ne nkima ne kaiba.

1 Bakalenga 7:2

Wakibaka nsubu ne mitshi ya ku Lebanona; bule buandi buakadi coudées lukama, ne butshiama buandi buakadi coudées makumi atanu, ne bule buandi bua mulu buakadi coudées makumi asatu; wakadi ne milongo inai ya makunshi a mitshi ya cèdre, ne mikamba ya mitshi ya cèdre ha mutu ha makunshi.

Estere 1:7

Bakabanuisha nvinyo mu makoho a or (dikoho ha buadi dikoho ha buadi), bakadi ne nvinyo ya bukelenge ya bungi bu muakadi bubanji bua mukelenge.

Yobe 28:1

Bulelela, tshina tshidiku tshia bantu kumbula tshiamu tshia argent, ne ditanda didiku dia kufulamu tshiamu tshia or bua kutshilengesha.

Zekâya 9:3

Tulo wakadiashila musoko mukoleshibue ne ngumbu, wakadikungishila argent bu luhuishi, ne or bu bitahikidi mu misesu.

Dielulula 17:17

Yeye kena ne bualu bua kudiangatshila bakashi ba bungi bua kukudimuneye mutshima wandi; yeye kena ne bualu bua kudikumbashila biamu bia argent ne bia or.