1 Bakalenga 1:52 - Mukanda wa Nzambi Dihungila Dikulukulu ne Dihungila Dihia-dihia 2003

⁵² Solomo wakamba ne, Bienzeye malu a kalolo, lusuki lumue lua ku mutu kuandi kaluena luhona hanshi; kadi bikaleye ne malu mabi munda muandi, neafue.

MUKANDA WA MYIDI MUKULU

⁵² Shelomu kuandamuna ne: — Pikala Adoniya wenza malu mimpe, tshiena mua kumuenzela bibi to. Kadi pikalaye ne meji mabi, neafue!

1 Bakalenga 1:52 ပူးပေါင်းရင်းမြစ်များ

2 Samuele 14:11

Hashishe yeye wakamuambila ne, Mukelenge avuluke Yehowa, Nzambi wandi, bua musombuedi wa mashi kashihi kabidi, kabashihi muanʼanyi. Yeye wakamba ne, Bu mudi Yehowa ne muoyo, lusuki lumue lua ku mutu kua muanʼebe kaluena luhona hanshi.

1 Bakalenga 1:51

Bakambila Solomo ne, Monaku, Adoniya udi utamba kutshina mukelenge Solomo, bualu bua yeye wakukuata ku nsengu ya ku tshishihelu wamba ne, Mukelenge Solomo adianjile kuditshiha kundi ne, Tshiena nshiha muntu wanyi ku muele wa nvita.

1 Bakalenga 1:53

Nunku mukelenge Solomo wakatuma bantu, bakalua nʼandi ku tshishihelu. Yeye wakalua, wakakukuila mukelenge Solomo. Solomo wakamuambila ne, Ya ku nsubu kuebe.

Yobe 15:22

Yeye kena witabusha ne, Nempanduke kabidi mu mîdima; badi bamuindila bua kufueye ku muele wa nvita.

Nsumuinu 13:6

Buakane budi bulama muntu udi ne mutshima mutoke, kadi bubi budi bubutula muenji wa malu mabi.

Nsumuinu 21:12

Muntu muakane udi umona ba mu nsubu wa muntu mubi bu mudibo; bantu babi badi bedibua hanshi tô ne habutukabo.

Matayi 10:30

Nsuki ya ku mitu yenu mene mene idi mibala yonso.

Luke 21:18

Lusuki lumue lua ku mitu yenu kaluena lujimina.

Bienzedi 27:34

Nunku ndi nusengelela bua nuenu kudia, bualu ebu nduhandu luenu, bualu bua lusuki lua ku mutu kua umue wenu kaluena lujimina.

1 Samuele 14:45

Bantu bakambila Shaula ne, Yonatana, nguakadi Usungila Bena Isalele ne luhandu elu lunene, neafue biandi, anyi? Nansha, bualu ebu kabuikadiku; bu mudi Yehowa ne muoyo, lusuki lumue lua ku mutu kuandi kalumatshi hanshi; bualu bua wakamatshisha ngana ne Nzambi mudimu lelu eu. Nunku bantu bakasungila Yonatana, kakafua nansha.