1 Bakalenga 1:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe Adoniya, muana wa Hagita, wakadibandisha, wamba ne, Meme nengikale mukelenge: yeye wakadilongoluela makalu ne badi benda ha tubalu ne bantu makumi atanu bua kunyemabo ku mpala kuandi.

MUKANDA WA MYIDI MUKULU

⁵ Tshikondu atshi Adoniya, muana uvua Davide mulele ne mukajende Agite, uvua nsongalume muimpe mutambe. Adoniya kuakula bu mupinganyi wa mukalenga, wamba ne: “Meme nengikale mukalenga!” Bualu katshia Absalome wafua, Adoniya uvua mushale muanabute wa Davide. Uvua mumane kusumba matempu a mvita ne tubalu. Uvua kabidi ne bena mvita makumi atanu, bavua banyema lubilu kumpala kua matempu ende a mvita.

1 Bakalenga 1:5 ပူးပေါင်းရင်းမြစ်များ

2 Samuele 15:1

Ku nyima kua bualu ebu Abashaloma wakadilongoluela dikalu ne tubalu ne bantu makumi atanu bua kuyabo ku mpala kuandi.

2 Samuele 3:4

muinai wakadi Adoniya, muana mulume wa Hagita; muitanu wakadi Shefataya, muana wa Abitala;

1 Bakalenga 1:11

Hashishe Natana wakambila Betasheba, mamu wa Solomo, ne, Kuakunvua lumu ne, Adoniya, muana wa Hagita, udi ukokesha, ne mukelenge wetu Davidi kena mumanye bualu ebu, anyi?

1 Bakalenga 1:4

Nsongakashi eu wakadi mulengele be; yeye wakakuba mukelenge, wakamuenzela mudimu; kadi mukelenge kakamumanya.

1 Bakalenga 2:13

Hashishe Adoniya, muana wa Hagita, wakalua kudi Betasheba, mamu wa Solomo. Yeye wakamuebesha ne, Wewe ulualua ne ditalala, anyi? Yeye wakamukudimuna ne, Ditalala didiku.

1 Bakalenga 2:15

Yeye wakamuambila ne, Wewe udi mumanye ne, Bukelenge ebu buakadi buanyi, ne Bena Isalele bonso bakateka mesu abo kundi bua meme kubakokesha; kadi bukelenge buakukudimuka mpindiu buakulua bua muanʼetu, bualu bua Yehowa wakamuhabu.

1 Bakalenga 2:24

Nunku bu mudi Yehowa ne muoyo, wakunjadika, wakunshikika mu nkuasa wa bukelenge wa tatu wanyi Davidi, wakungenzela nsubu wanyi bu muakandayeye, bulelela, Adoniya neafue biandi lelu.

1 Kulondolola 28:5

ne munkatshi mua bana banyi balume (Nzambi wakumpa bana ba bungi) yeye wakasungula Solomo muanʼanyi bua kushikameye mu nkuasa wa bukelenge bua Yehowa ku mutu kua Bena Isalele.

1 Kulondolola 29:1

Davidi mukelenge wakambila tshisumbu tshia bantu ne, Solomo muanʼanyi, wakasungulabo kudi Nzambi nkayandi, utshidi nsongalume mutekete, ne mudimu eu udi munene; bualu bua mbalasa eu kena wa muntu, udi wa Yehowa Nzambi.

1 Kulondolola 3:2

muana muisatu Abashaloma, muana wa Mâka, muana wa bakashi wa Talemai, mukelenge wa mu Geshû; muana muinai Adoniya, muana wa Hagita;

Ekesode 9:17

Wewe utshidi udibandisha kudi bantu banyi, udi uhidia kubalekela munyi?

Nsumuinu 16:18

Kudisua kudi kuya ku mpala kua dibutuka, mutshima wa kudibandisha udi uya ku mpala kua dihona.

Nsumuinu 18:12

Mutshima wa kudisua udi uya ku mpala kua dibutuka; kudihuekesha kudi kuya ku mpala kua butumbi.

Yeshaya 2:7

Buloba buabo budi bûle tente ne argent ne or, ne kakuena kunfudilu kua biuma biabo; buloba buabo budi bule tente ne tubalu, ne kakuena kunfudilu kua makalu abo.

Luke 14:11

Bualu bua wadibandisha nebamuhuekeshe, wadihuekesha nebamubandishe.

Luke 18:14

Ndi nuambila ne, Muntu au wakuhueka ku nsubu kuandi mubinge, mukuabo muhile; bualu bua wadibandisha nebamuhuekeshe, wadihuekesha nebamubandishe.

Balombodi 9:2

Ntu nnusengelela ne, Nukonke bena Shekeme bonso mu matshu abo ne, Bualu kai budi butambe buimpe ku mesu kuenu bua bana balume bonso ba Yelubâla badi makumi muanda mutekete banukokeshe, anyi bua muntu umue anukokeshe? Nuvuluke kabidi ne meme ndi bu mufuba wa mifuba yenu ne bu musunyi wa misunyi yenu.