1 Bakalenga 1:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Sadoka muakuidi ne Natana muprofete bamueleku manyi ha mutu bua kumubuesha mu bukelenge ku mutu kua Bena Isalele; elai mpungi, nuambe ne, Mukelenge Solomo ikale ne muoyo tshiendelele!

MUKANDA WA MYIDI MUKULU

³⁴ Muaba awu, mutuangaji Sadoke, ne muambi Natane, nebamuele mafuta pa mutu bua kumujidila, bua ashale mukalenga wa bena Izrayele. Pashishe, nuele mpungi, nuele mbila, nuamba ne: “Mukalenga Shelomu akuate ku mundundu.”

1 Bakalenga 1:34 ပူးပေါင်းရင်းမြစ်များ

2 Samuele 15:10

Kadi Abashaloma wakatuma batentekedi ku bisamba bionso bia Bena Isalele, benda bamba ne, Hanunvua dî dia mpungi, nenuambe ne, Abashaloma udi mukelenge mu Hebelone.

2 Samuele 2:4

Bena Yuda bakadisangishaku, bakela Davidi manyi ha mutu bua kumuteka mukelenge wa Bena Yuda. Bakambila Davidi ne, Bena Yabesha-gilada bakajika Shaula.

2 Samuele 5:3

Nunku bakulu bonso ba mu Isalele bakalua kudi mukelenge mu Hebelone; mukelenge Davidi wakahunga nʼabo tshihungidi ku mesu kua Yehowa mu Hebelone; bakela Davidi manyi ha mutu bua kuikaleye mukelenge wa Bena Isalele.

1 Bakalenga 1:25

Bualu bua yeye wakuhuka lelu, wakushihela Nzambi ngombe ne bana ba ngombe ba manyi ne mikoko ya bungi, wakuhaula bana ba balume bonso ba mukelenge, ne tupitene tua masalayi andi, ne Ebeyatâ muakuidi. Katataka mona, badiadia, banuanua ku mpala kuandi bamba ne, Mukelenge Adoniya ikale ne muoyo musangu mule!

1 Bakalenga 1:35

Hashishe, nulonde ku nyima kuandi, ne yeye nealue, neashikame mu nkuasa wanyi wa bukelenge, bualu bua yeye neikale mukelenge mu muaba wanyi: nakamusungula mukelenge ku mutu kua Bena Isalele ne kua Bena Yuda.

1 Bakalenga 1:39

Sadoka muakuidi wakangata lusengu lua manyi lua mu Ntenta, wakela manyi ha mutu ha Solomo. Bakela mpungi; bantu bonso bakamba ne, Mukelenge Solomo ikale ne muoyo tshiendelele!

1 Bakalenga 19:16

wele Yehu, muana wa Nimishi, manyi ha mutu bua kuikaleye mukelenge ku mutu kua Bena Isalele; wele Elisha, muana wa Shafata wa mu Abele-mehola, manyi ha mutu bua kuikaleye muprofete mu muaba webe.

2 Bakalenga 11:12

Hashishe bakaluhuka ne muana wa mukelenge, bakateka tshifulu tshia butumbi ha mutu handi; bakamuha mukanda wa dihungila, bakamujadika mukelenge, bakamuela manyi ha mutu handi; bakamututshila nkashi, bamba ne, Mukelenge ikale ne muoyo!

2 Bakalenga 11:14

Yeye wakamona mukelenge muimane ha tshiambidi bu mudi tshilele tshiabo ne tupitene ne bedi ba mpungi bimane ha buihi ne mukelenge; bantu bonso bakadi hasanka, bela mpungi. Hashishe Atalaya wakadihanda bilulu biandi, wakela dî diandi ne, Bakungelela tshifufu! Bakungelela tshifufu!

2 Bakalenga 9:13

Hashishe bakaya lubilu, muntu ne muntu, wakangata tshilulu tshiandi, bakabijingila muinshi mua makasa andi hanshi ha tshibandilu, bakela mpungi, bamba ne, Yehu udi mukelenge.

2 Bakalenga 9:3

Hashishe hatula kalondo ka manyi, wahongoluela ha mutu handi, umuambile ne, Yehowa udi wamba ne, Nakukusungula mukelenge ku mutu kua Bena Isalele. Hashishe unzulula tshibi, ya lubilu, kujingakanyi.

2 Bakalenga 9:6

Wakajuka, wakabuela nʼandi mu nsubu; wakahongolola manyi ha mutu handi, wakamuambila ne, Yehowa, Nzambi wa Isalele, udi Wamba ne, Nakukusungula mukelenge ku mutu kua bantu ba Yehowa, Bena Isalele mene.

2 Kulondolola 23:11

Hashishe bakalua ne muana wa mukelenge, bakamuashila tshifulu tshia bukelenge, bakamuha mukanda wa dihungila; bakamuhingisha mu bukelenge; Yehoyada ne bana bandi bakamuela manyi ha mutu, bakamba ne, Mukelenge ikale ne muoyo musangu mule!

Misambu 45:7

Udi unanga malu makane ne udi ne malu mabi lukuna. Bua bualu ebu Nzambi, Nzambi webe mene, wakukuna manyi a disanka ha mutu hebe ne diela dia manyi ditamba diakeleye bakuebe.

Misambu 89:20

Nakusangana Davidi, muntu wanyi; nakumuela manyi anyi a tshijila ha mutu handi;

Misambu 89:36

Milongo ya tunkanunuma tuandi neyilondangane kashidi, nkuasa wandi wa bukelenge neikaleku ku mpala kuanyi bu mudi diba tshiendelele.

Yeshaya 45:1

Yehowa udi wamhila muntu wandi udiye muele manyi ha mutu dî, Kolesha mene, unakukuata ku tshianza tshiandi tshia bukole, bua kutulula bisamba bia bantu ku mpala kuandi, ne bua kusulula mikaba ya ku bimono bia bakelenge; bua kunzulula bibi ku mpala kuandi, ne bua bibi kabinshidi kabidi.

Bienzedi 10:38

nudi bamanye kabidi bualu bua Yesu wa mu Nazaleta bu muakamuela Nzambi Nyuma Muimpe ne bukole; yeye wakendakana wenza malu mimpe, wondaha ukolesha bonso bakadi bakengeshibua kudi diabolo, bua Nzambi wakadi nʼandi.

1 Samuele 10:1

Hashishe Samuele wakangata mulondo wa manyi, wakâhongolola ha mutu handi, wakamutua mishiku, wakamba ne, Yehowa kakakuela manyi bua wewe wikale mukelenge ku mutu kua buhianyi buandi, anyi?

1 Samuele 10:24

Samuele wakambila bantu bonso ne, Tangilai, yeye wakadi Yehowa musungule kakuena mukuabo bu yeye munkatshi mua bantu bonso. Bantu bonso bakela mbila ne, Mukelenge ikale ne muoyo!

1 Samuele 16:3

Ubikile Yishai ku tshishihelu, nenkuleshe bualu bûdi ne bua kuenza; wewe newele manyi ha mutu ha undi nkuambila dina diandi.