1 Bakalenga 1:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Ya biebe kudi mukelenge Davidi, umuambile ne, Mukelenge wanyi, wewe kuakuditshiha kudi muntu webe mukashi ne, Muanʼebe Solomo neakokeshe bantu ku nyima kuanyi bulelela, ne yeye neashikame mu nkuasa wanyi wa bukelenge, anyi? Munyi mudi Adoniya ukokesha bantu?

MUKANDA WA MYIDI MUKULU

¹³ Uye kudi mukalenga Davide, umuambile ne: “Mukalenga, uvua mumane kundaya ne: muananyi Shelomu neakupingane mu bukalenga. Neasombe mu nkuasa webe wa bumfumu. Kadi, Adoniya ukadi mukalenga bua tshinyi?”

1 Bakalenga 1:13 ပူးပေါင်းရင်းမြစ်များ

1 Bakalenga 1:11

Hashishe Natana wakambila Betasheba, mamu wa Solomo, ne, Kuakunvua lumu ne, Adoniya, muana wa Hagita, udi ukokesha, ne mukelenge wetu Davidi kena mumanye bualu ebu, anyi?

1 Bakalenga 1:14

Mona, hautshidi wakulaku ne mukelenge, meme kabidi nembuelemu ku nyima kuebe ne nenjadike mei ebe.

1 Bakalenga 1:17

Yeye wakamukudimuna ne, Mukelenge wanyi wakaditshiha kudi muntu wandi mukashi ku mpala kua Yehowa, Nzambi webe, ne, Bulelela, Solomo, muanʼebe wa balume, neakokeshe bantu ku nyima kuanyi, ne yeye neashikame mu nkuasa wanyi wa bukelenge.

1 Bakalenga 1:24

Natana wakambila mukelenge ne, Wewe, mukelenge wanyi, wakuamba ne, Adoniya neakokeshe ku nyima kuanyi, neashikame mu nkuasa wanyi wa bukelenge, anyi?

1 Bakalenga 1:30

bulelela, bu munakuditshiha kûdi ku mpala kua Yehowa, Nzambi wa Isalele, ne, Bulelela, Solomo muanʼebe neakokeshe ku nyima kuanyi, neashikame mu nkuasa wanyi wa bukelenge, nunku nengenze bualu ebu lelu.

1 Bakalenga 1:35

Hashishe, nulonde ku nyima kuandi, ne yeye nealue, neashikame mu nkuasa wanyi wa bukelenge, bualu bua yeye neikale mukelenge mu muaba wanyi: nakamusungula mukelenge ku mutu kua Bena Isalele ne kua Bena Yuda.

1 Bakalenga 1:48

Mukelenge wakamba kabidi ne, Nunku disanka dinene dikale kudi Yehowa, Nzambi wa Isalele, wakumpa umue bua kushikameye mu nkuasa wanyi wa bukelenge lelu, mesu anyi atangile bualu ebu.

1 Bakalenga 2:12

Solomo wakashikama mu nkuasa wa bukelenge wa Davidi, tatu wandi; bukelenge buandi buakajadikibua bikole.

1 Kulondolola 28:5

ne munkatshi mua bana banyi balume (Nzambi wakumpa bana ba bungi) yeye wakasungula Solomo muanʼanyi bua kushikameye mu nkuasa wa bukelenge bua Yehowa ku mutu kua Bena Isalele.

1 Kulondolola 29:23

Hashishe Solomo wakashikama mu nkuasa wa Yehowa bu mukelenge mu muaba wa Davidi tatu wandi, wakadi ne diakalengele; Bena Isalele bonso bakamutumikila.

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Yirmeya 33:21

nunku nebamanye mua kushiha tshihungidi tshinakahunga ne Davidi muntu wanyi, bua yeye kikadi ne muana mulume wa kushikama mu nkuasa wandi wa bukelenge bua kukokesheye, ne tshinakahunga ne Bena Lewi bakuidi, bankuatshidi ba mudimu.

Dielulula 17:18

Hashikameye ha nkuasa wandi wa bukelenge, yeye neadifundile mukanda wa mikenji idi mifunda mu mukanda au udi mu bianza bia bakuidi ba mu Bena Lewi;