Valamuli 7:13 - Tshwa Bible

¹³ Laha Gideoni a nga chikela, ku wa hi kona a munhu a nga hlawutela a noro ka munwe wa va ka kabye, aku: Nzi lorile noro; nzi lorile a xikhekhetselo xa xibaba xa sevada na xi khingirikela lomu wugovelweni ga vaMidiani, kala xi chikela laha tendeni xi giba, giwa lahasi gi ku baratata.

Valamuli 7:13 ပူးပေါင်းရင်းမြစ်များ

1 Va le Korinte 1:27

Kanilezi Nungungulu i lo hlawula lezi za wupumbu za misava, lezaku a fela ku wisa tingana lava va tlharihileko; Nungungulu i lo hlawula lezi za gome za misava, lezaku a fela ku wisa tingana lezi zi nga ni ntamu; Tis. 8:2

Valamuli 3:15

Kanilezi laha a vanana va ka Israeli va nga rila ka Jehova, yena i lo va vuxela muhlanguti, a nga Ehudi nʼwana Gera, a muBenjamini, a wanuna wa libhabha. A vanana va ka Israeli va lo rumela nzuvo ha yena ka Egloni a hosi ya vaMoabi.

Valamuli 3:31

Anzhako ka Ehudi ku lo lanzela Xamgare nʼwana Anati, loyi a nga hihirita 600 wa vaFilistia hi mbhanya wa tikavi. Yenawu i lo hlanguta Israeli.

Valamuli 4:21

Zonake Jaeli kata Hehera i lo hlomula a xikhongwani xa tenda, a teka a nkono a nyanima aya ka Sisera, a ya belela xikhongwani laha xitlongweni xakwe, xi si phondla xi zima lahasi; a si fisa lezo, hakuva i wa etlele wurongo ga tshongotshongo hi kukarala.

Valamuli 4:9

Debora aku: Hakunene, nzi ta famba na wena: kanilezi u nga tava na wudzunzo pfhumbeni ga kona, hakuva Jehova i ta nyikela Sisera canjeni ga wasati. Debora i lo suka aya Kedexi na Barake.

Valamuli 6:15

Gideoni aku kakwe: Hosi yanga, nzi ta va hlangutisa kuyini vaIsraeli ke? Cuwuka ngango wa hina, hi wona wa lahasi ka lixaka la ka Manasa; mina nzi xisiva-marumbu xa kona ndlwini ya dadani.

Valamuli 7:12

A vaMidiani ni vaAmaleki, ni vanana va le Mutsuwuka-gambo, vontlhe va wa mbambamele lomu nzhelelweni khwatsi i humbi kutala, ni makameli yabye ya tsanza-vahlayi ma wa ku khwatsi i seke ga bimbi a kutala:

Valamuli 7:14

Inaloye a hlamula, aku: A noro lowu a wu wuli xinwani xilo, loku ku nga hi supado ya Gideoni nʼwana Joaxi, a wanuna wa ka Israeli. Jehova i nyikele vaMidiani ni yimpi yontlhe mandleni yakwe.

Valamuli 8:10

Makunu Zeba na Zalmuna va wa chikele le Karkora ni mabutho yabye, 15,000 wa vavanuna lava va nga wa sele ka wontihe mabutho ya le Mutsuwuka-gambo, hakuva ku wa delwe 120,000 wa vavanuna va hlomileko.