Valamuli 20:10 - Tshwa Bible

¹⁰ Ka tontlhe tixaka ta ka Israeli, hi ta teka 10 wa vavanuna kada 100, ni 100 kada 1,000, ni 1,000 kada 10,000, kasi ku ya teka timbuva ta vanhu, hiya le Gibea ga ka Benjamini hi ya phota lezi va maheleko Israeli.

Valamuli 20:10 ပူးပေါင်းရင်းမြစ်များ

Levi 18:24

Mu nga ti nyenyezisi hi xinwe xa lezi zilo, hakuva a matiko laya nzi ma hlongoleko mahlweni ka nwina, ma ti nyenyezisile hi zontlhe lezo zilo.

Deuteronome 22:21

va ta mu humesa laha nyangweni ya yindlu ya raru wakwe, zonake a vanhu va muti wabye va ta mu gandla hi maribye, kala afa, hakuva i mahile a zilo zo nyenyeza nguvu ka Israeli hi ku bhaya lomu ndlwini ka raru wakwe. Hikwalaho u ta susa kubiha xikari ka nwina.

Joxua 7:15

Makunu a munhu loye a ta nga kumiwa na hi ni zilo za ku yila, yena i ta hisiwa ni zontlhe lezi a nga nazo, hakuva i hambunyetile xivumelwano xa Jehova, a maha zilo zi bihileko nguvu ka Israeli. Deut. 13:15; 1 Sam. 14:38, 39

Valamuli 20:11

Zinghaho vontlhe vavanuna va ka Israeli va lo tsombana va bohana hi moya munwe, va vukela a muti lowo.

Valamuli 20:6

Zonake nzi lo teka a mundlukulu wa mina nzi mu phaphulela zipanze nzi zi rumela tikweni gontlhe ga tshomba ya ka Israeli, hakuva a vanhu va le Gibea va mahile kubiha ni manyala xikari ka Israeli.

Valamuli 20:9

Kanilezi lexi hi to maha ka vanhu va 16 Gibea, hi tolwa navo.

Valamuli 21:1

Makunu a vavanuna va ka Israeli va wa hlambanyile le Mizpa, vaku: Ku nga ta kuva kona ni munwe wa hina a ta nga nyikela a nhwana wakwe a tekwa hi va ka Benjamini.