Tisimu 75:10 - Tshwa Bible

¹⁰ A timhonzo tontlhe ta laʼvo biha nzi ta ti tsema, Kanilezi a timhonzo ta laʼvo lulama ti ta tlakuswa.

Tisimu 75:10 ပူးပေါင်းရင်းမြစ်များ

Tisimu 101:8

Mixo ni mixo nzi ta lovisa a vaonhi vontlhe va tiko, Kasi nzi heta vontlhe vamahi va kubiha lomu mutini wa Jehova. Rom. 13:4

Tisimu 148:14

I tlakusile a limhonzo la vanhu vakwe, Lezaku a dumiswa hi vakubasa vakwe vontlhe; Va nga vana va Israeli, a tiko gi nga kusuhani kakwe. Dumisani Jehova!

Tisimu 89:17

Hakuva wena u wumbhuri ga ntamu wabye, Hi wuxinji ga wena u tlakusa a limhonzo la hina.

Tisimu 92:10

Kanilezi u ta tlakusa a limhonzo la mina kukotisa la nyari, Nzi totiwa hi mafura maswa.

Jeremia 48:25

A limhonzo la Moabi li tsenwilwe, a woko gakwe gi tshobyilwe, ku wula Jehova.

Luka 1:69

I hi vuxela a limhonzo la kuhanyisa A ndlwini ka Davida a nanza gakwe, Tis. 132:17

1 Samueli 2:1

Hana i lo khongela, aku: A mbilu ya mina yi tsakela Jehova. A limhonzo la mina li tlakusilwe hi Jehova, A nomu wa mina wu ahlamele a valala va mina; Hakuva nza bhuma lomu kuhanyiseni ka wena.