Tisimu 66:10 - Tshwa Bible

¹⁰ Hakuva wena Nungungulu u hi ringile, U hi hlutile kota lezi siliva yi hlutiwako. Mav. 17:3; 1 Ped. 1:7

Tisimu 66:10 ပူးပေါင်းရင်းမြစ်များ

Joba 23:10

Yena wa tiva a ndlela leyi nzi fambileko ha yona, Loku a nzi ringa, nzi ta huma nzi basile kukotisa nzalama.

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Mavingu 17:3

A mbita yo nyekisela nja siliva, ni nzhimbo ngwa nzalama; anilezi Jehova i ringa timbilu.

Mavingu 25:4

Susa manyelo ka siliva, onake a muwumbi i ta maha a xibya ha yona.

Isaya 48:10

Languta, nzi ku hlutile, kanilezi a nzi kumangi siliva; Nzi ku ringile lomu mpingweni ga hlokiselelo.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Malaki 3:3

I ta tshama a nyekisa ni ku basisa a siliva; i ta basisa a vana va ka Levi, a va hluta khwatsi i nzalama ni siliva, zonake va ta humesa minyikelo ka Jehova hi nongameto.

Deuteronome 13:3

u nga ingisi timhaka ta muprofeti loye ni mulori loye, hakuva Jehova Nungungulu wa nwina hi yena a mu ringako, kasi ku tiva lezaku xana ma ranza Jehova Nungungulu wa nwina hi timbilu tontlhe ta nwina ni mihefemulo yontlhe ya nwina.

Deuteronome 8:16

loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.