Tisimu 56:8 - Tshwa Bible

⁸ U hlayile a masiku ya kunzulanzula ka mina; Chela a mihloti ya mina lomu ka nghotso ya wena; A yi tsaliwangi lomu bhukwini ga wena ke?

Tisimu 56:8 ပူးပေါင်းရင်းမြစ်များ

2 Tihosi 20:5

Tlhela uya ka Hezekia, a murangeli wa vanhu va mina, u yaku kakwe: Jehova Nungungulu wa dadani wa wena Davida, i ngalo: Nzi zwile mukhongelo wa wena, nzi wonile mihloti ya wena; nzi ta ku hanyisa. Hi siku ga wunharu u ta kanziha uta ndlwini ya Jehova.

Joba 16:20

A vanghana va mina va nzi monya; A mahlo ya mina ma halata mihloti ka Nungungulu,

Tisimu 121:8

Jehova i ta ku hlayisa kuhumeni ka wena ni kuwuyeni ka wena, Kusukela lezi ni kala kupinzuka. Deut. 28:6

Tisimu 139:16

A mahlo ya wena ma nzi wonile na nza ha wumbiwa, Ni masiku ya mina wontihe ma lo tsaliwa bhukwini ga wena, Ma hlayilwe na ma nga se kuva kona.

Tisimu 39:12

Jehova, zwana mukombelo wa mina, dembela ndleve kurileni ka mina, U nga miyeli loku nzi kari nzi rila mihloti; Hakuva nzi mupfhumba ka wena, Nzi muluveli khwatsi hi vadadani va mina vontlhe. Gen. 47:9; Maheb. 11:13; 1 Ped. 2:11

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Jeremia 18:23

Kanilezi wena Jehova wa gi tiva A kungo gabye gontlhe go hlota ku nzi daya; U nga tsetseleli a kubiha kabye, Hambu a ku vinya a xionho xabye mahlweni ka wena; A va khunguvanyeka mahlweni ka wena, Va mahele lezi xikhatini xa zanga ya wena.

Malaki 3:16

Zonake lava va chavako Jehova va wulawula munwe ka munwani, na Jehova i dembile ndleve a ingisela, ku tsaliwa a bhuku ka xialakanyiso mahlweni kakwe, ku tsaliwa lava va chavako Jehova ni lava va alakanyako vito gakwe.

Mateu 10:30

Kanilezi nwina, hambu ni misisi ya tihloko ta nwina yi hlayilwe. 2 Sam. 14:11; Lu. 21:18; Miti. 27:34

2 Va le Korinte 11:26

Zikhati zinyingi nzi wa hi mapfhumbeni, nzi hi timhangweni ta micongo, nzi wela mandleni ya vaphangi, nzi lava ku dawa hi va ka hina, ni vamatiko, nzi wa hi timhangweni ta lomu mitini, ni ta le xiwuleni, ni ta lomu bimbini, ni ta lomu xikari ka vamakabye va mawunwa. Miti. 9:23; 13:50; 14:5; 17:5; 19:23; 21:31; 23:10

Maheberu 11:13

Vontlhe lava va lofa kukholweni, na va nga se ku amukela lezi zi tsumbisilweko, kanilezi va wa zi wonile, va zi tsakela na zi hi kule, va ti wula lezaku vapfhumba ni vaenzi laha misaveni. Gen. 23:4; 47:9; Joh. 8:56

Maheberu 11:38

lava a tiko gi nga kala gi nga va fanelangi, va lo nzulanzula lomu xiwuleni, ni le zitsungeni ni lomu mikovotlweni ni minkeleni ya lomu misaveni. 1 Tih. 18:4

Maheberu 11:8

Hi kukholwa Abrahama i lo ingisa laha a nga vitanwa, a suka aya tikweni lego a ta nga ya nyikwa gona giva tshomba yakwe: i lo rura na a nga ku tivi laha a yako kona. Gen. 12:1, 4

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10

Kuvululelwa 7:17

Hakuva a Yivana yi nga laha xikari mahlweni ka xitshamu xa wuhosi yi tava murisi wabye, yi va hletela tihlobyeni ta mati ya wutomi; Nungungulu i ta hlanguta mihloti yontlhe mahlweni yabye. Tis. 23:1; 36:8; Isa. 25:8

1 Samueli 19:18

Davida i lo huluka a tsutsuma aya ka Samueli le Rama a ya mu hlawutela zontlhe lezi Saule a mahileko ka yena. Zonake yena na Samueli va lo suka va ya tshama le Naiote.

1 Samueli 27:1

Zonake Davida i lo alakanya mbilwini yakwe, aku: Ginwani siku nzi ta kala nzi dawa hi Saule; ku hava yinwani ndlela, ahandle ko tsutsumela tikweni ga vaFilistia, kasi Saule a fela ku kala a nga ha nzi hloti lomu tikweni gontlhe ga ka Israeli; zonake nzi ta pona canjeni gakwe.