Tisimu 55:17 - Tshwa Bible

¹⁷ Nzi ta kombela, nziba huwa laha gambyeni, ni mixo ni hlikanhi; Yena i tazwa a gezu ga mina. Dan. 6:10

Tisimu 55:17 ပူးပေါင်းရင်းမြစ်များ

Joba 19:7

Languta, mina nza rila hi kubiwa, kanilezi a nzi zwiwi; Nza kombela ku vuniwa, kanilezi a ku na nongameto.

Tisimu 119:62

Nzi ta vuka xikari ka wusiku nzi ku bonga, Hi kota ya kulamula ka wena ku lulamileko. Miti. 16:25

Tisimu 141:2

A mukombelo, a wute mahlweni ka wena khwatsi libani; Ni kutlakuswa ka mandla ya mina a ku fane ni muphahlo wa laha gambyeni. Ekso. 30:7; 1 Tim. 2:8; Kuv. 5:8

Tisimu 72:12

Hakuva i ta hlanguta a muvumali loyi a rilako, Ni loyi a tsimbeketilweko, loyi a nga hiko na muvuni.

Tisimu 77:2

Hi siku ga kuxaniseka nzi lo lava Hosi, Nzi lo nawuluta a woko ga mina ni wusiku, nzi nga karali; A muhefemulo wa mina wu lo ala ku tangaliswa.

Tisimu 88:13

Kanilezi nza rila ka wena, Jehova, A mukombelo wa mina wu ta ku khinga laha mixweni.

Tisimu 92:2

A ku tlhatlhambutela a wunene ga wena laha mixweni, Ni kutsumbeka ka wena laha wusikwini,

Mikosi 3:8

Ina, loku nzi rila nzi lava ku vuniwa, O vala mukombelo wa mina. Joba 19:7; Tis. 22:2

Danieli 6:10

Laha Danieli a ngazwa lezaku a nayo wu tiyisilwe, i loya ndlwini yakwe, laha a tinjhanela ta kwaruto yakwe ya le hehla ti nga vululwe ngomama ni Jerusalema, a khizama hi madzolo a khongela makhati manharu hi siku, na a bonga Nungungulu wakwe khwatsi hi zikhati zi hunzileko. 1 Tih. 8:44, 48

Danieli 6:13

Zonake vaku ka hosi: Kanilezi Danieli loyi a nga munwe wa tikhumbi ta ka Juda, a nga ku khataleli wena hosi, ge hambu a nayo lowu wena u wu yimisileko, o ti mahela mikhongelo yakwe makhati manharu hi siku.

Marku 1:35

Laha mixweni na gi nga se tsuwuka i lo vuka a huma, aya wutshanwini ga xiwula, a ya khongela kona.

Marku 6:46

Anzhako na onekene naxo i loya xitsungeni ku ya khongela.

Marku 6:48

I lo va wona ha va karateka hi ku bonza makasiya, hakuva a mheho yi wa hambene navo; hi xirinzo xa wumune xa wusiku i lota kabye na famba hehla ka bimbi; na a ngha a ku khwatsi ku va hunza.

Mitiro 10:3

Hi siku go kari i lo wona muwoniso hi hora ya wuntlhanu ni mune, a ngelosi ya Nungungulu na yi enghena ka yena, yiku ngalo kakwe: Korneliu!

Mitiro 10:30

Korneliu i te ngalo: Hi mune wa masiku ma hunzileko, hi hora yaleyi nzi wa khongela lomu ndlwini ya mina; zonake ku lo yima munhu mahlweni ka mina, na a ambele tinguwo to basa,

Mitiro 10:9

Hi manziko wa kona, kota lezi va nga ha hi ndleleni, na va tshinela mutini, Pedro i lo kanziha hehla ka yindlu a ku ya khongela; ku wa hi hora ya wuntlhanu ni yinwe. Tis. 55:17; Xip. 11:5

Mitiro 3:1

Pedro na Johani a va kari va kanziha vaya tempeleni hi xikhati xa kukhongela, xi nga hi 3 horas wa gambo:

Va le Efesusi 6:18

Khongelani zikhati zontlhe hi mikhongelo ni kukombela hi Moya, mu rinzela hi lihlaza-mbilu ni ku kombelela a vobasa vontlhe. Lu. 18:1; Fil. 1:4

1 Va le Tesalonika 5:17

Khongelani mu nga tsiki. Lu. 18:1

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33