Tisimu 31:19 - Tshwa Bible

¹⁹ Gi kulisile kuyini a wunene ga wena, Legi u gi vekelako lava va ku chavako, Legi u va mahelako gona lava va ku tsumbako, A mahlweni ka vana va vanhu.

Tisimu 31:19 ပူးပေါင်းရင်းမြစ်များ

Tisimu 12:5

Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

Tisimu 16:11

Wena u ta nzi kangeta a ndlela ya wutomi; A mahlweni ka wena ku tele hi litsako, Ni canjeni ga wena ga xinene ku tele hi kuxalala kala kupinzuka.

Tisimu 23:5

Wena wa nzi longisela a meza mahlweni ka valala va mina, U totile a hloko ya mina hi mafura, A gombe ga mina ga pupuma.

Tisimu 68:28

Nungungulu wa wena i leletele lezaku uva ni ntamu. Nungungulu, tiyisa a ntiro lowu u hi maheleko wona,

Tisimu 73:1

Hakunene, Nungungulu i nene ka Israeli, Ka lava va nga ni timbilu to basa. Mat. 5:8

Isaya 26:12

Jehova, u ta vanga kurula xikari ka hina, Hakuva a mitiro ya hina yontlhe hi wena u yi mahileko.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 64:4

Hakuva kusukela kaleloko a ku na nga zwiwa, A ku na nga ingisiwa hi ndleve, Ge hambu ku woniwa hi mahlo a Nungungulu munwani Loyi a mahako mitiro ya kunghahi ka lava va mu langutelako.

Mitsengo 23:23

Hakuva ku hava wutumbe go vukela Jakobe; A ku na wungoma go vukela Israeli. Ku ta wuliwa ha Jakobe na Israeli hi xikhati xa zona, Zini lezi Nungungulu a nga zi mahangiko!

Johani 3:21

Kanilezi loyi a mahako zinene, wata kuwonekeleni, kasi a mitiro yakwe yi fela ku woneka yiku dlunya, lezaku yi tisilwe ka Nungungulu.

Mitiro 15:12

A hlengeletano yontlhe yi lo miyela; yi ingisela Barnabasi na Paule na va hlawutela a ziwoniso ni zirewukiso lezi Nungungulu a zi mahileko ha vona xikari ka vamatiko.

Va le Roma 11:22

Langutani a wunene ga Nungungulu ni mona wakwe: a mona ka lava va ngawa, kanilezi a wunene ga Nungungulu ka wena, loku u simamisa wuneneni gakwe; loku zi nge nghaho wenawu u ta tsemiwa. Joh. 15:2; 1 Kor. 15:2; Maheb. 3:6

1 Va le Korinte 2:9

Kanilezi hi kanela kota lezi ku tsalilweko ku ngalo: A zilo lezi zi nga woniwangiko hi tihlo, ni ndleve yi nga zi zwangiko, Lezi zi nga alakanyiwiko mbilwini ya munhu, Zalezo Nungungulu i zi longisele vona lava va mu ranzako. Isa. 64:4

2 Va le Korinte 5:5

Makunu loyi a hi tirileko a kuva hi ringana lexi xilo hi Nungungulu, loyi a nga hi zimela seve hi Moya. Isa. 29:23; Rom. 8:23; Efe. 1:14

Maheberu 10:34

Hakuva mu lo va zwela wusiwana lava va nga lomu makhotsweni, kambe mu lo vumela hi kutsaka laha mu nga wutlelwa a zibya za nwina, na mu tiva lezaku mu na ni za chukwana, lezi zi te ku tsoma. Lu. 12:33; Miti. 5:41; Fil. 1:7

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9