Tisimu 145:17 - Tshwa Bible

¹⁷ Jehova i lulamile tindleleni takwe tontlhe, I na ni tipswalo mitirweni yakwe yontlhe.

Tisimu 145:17 ပူးပေါင်းရင်းမြစ်များ

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

2 Samueli 22:31

A ndlela ya Nungungulu yi lulamile, A gezu ga Jehova gi basile; Yena xitlhangu xa vontlhe lava va tsutsumelako ka yena.

Joba 34:10

Hikwalaho zwanani mina, nwina vanhu va kupimisisa! A kubiha ku le kule na Nungungulu, Ni kugoha a ku kona ka Nyamintamu. Deut. 32:4; Rom. 3:5

Joba 34:12

Ina, hizinene Nungungulu a nga mahi kubiha; Ge hambu Nyamintamu a nga ta tshova nongameto.

Tisimu 103:6

Jehova wa yimela hi nongameto Vontlhe lava va tsimbeketilweko.

Tisimu 112:4

Lomu munyameni a wakululama i ta wona kuwonekela; Yena ngwa tipswalo, ni wuxinji, i lulamile.

Tisimu 116:5

Jehova ngwa tipswalo ni kululama, Nungungulu wa hina i na ni wuxinji.

Tisimu 50:6

A matilo ma tlhatlhambuta a kululama kakwe, Hakuva hi Nungungulu wutsumbu a nga mulamuli. (Sela.)

Tisimu 89:14

A kululama ni nongameto ziseketelo za xitshamu xa wena xa wuhosi, A wuxinji ni zinene zi le nghoheni ya wena.

Tisimu 97:2

A marefu ni munyama zi mu ranzele, A kululama ni kulamula ziseketelo za xitshamu xakwe xa wuhosi. Ekso. 19:16

Isaya 45:21

Tshawutelani mhaka, mu yi humesa, A va xuxe khatiginwe. Himani a nga vumba lezi zilo hi kaleloko, A zi byeletela hi mahlweni? A hi mina Jehova ke? A ku na munwani Nungungulu ahandle ka mina, Hi mina nzoce Nungungulu a lulamileko, tlhelo Muhanyisi.

Zefania 3:5

Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5

Kuvululelwa 19:2

hakuva a kulamula kakwe ku nene ku lulamile; hakuva i lamule a xibhayi leʼxa hombe, lexi xi nga holisa misava hi kubhaya ka xona, i photele a nkhata wa malanza yakwe ka xona. Deut. 32:43; Xip. 15:3

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3