Tisimu 116:6 - Tshwa Bible

⁶ Jehova wa lonzowota loyi a nga tlharihangiko; Nzi wa hi khombyeni, i lo nzi vuna.

Tisimu 116:6 ပူးပေါင်းရင်းမြစ်များ

Tisimu 106:43

Zikhati zinyingi i lo va tlhatlhisa, Kanilezi va mu ala makungweni yabye; Va lova kubiheni kabye.

Tisimu 142:6

Ingisa kurila ka mina, Hakuva nzi le hlomulweni wa hombe; Nzi ponise ka vaxanisi va mina, Hakuva va nzi hunza hi ntamu.

Tisimu 19:7

A nayo wa Jehova wu mbhelele, wu humuta muhefemulo; A wukustumunyu ga Jehova gi nene, gi tlharihisa xipumbu. Rom. 15:4; 2 Tim. 3:15; 2 Ped. 1:19

Tisimu 25:21

Ngha a wunene ni kululama zi nzi lonzowota, Hakuva mina nza ku langutela.

Tisimu 79:8

U ngave na mavila ha hina hi kota ya zigoho za vadadani va hina; Ngha a tipswalo ta wena ti hatlisa ku hi vikela; Hakuva hi xaniseka nguvu.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Va le Roma 16:19

Hakuva a kuingisa ka nwina ku la su gafe ka vanhu vontlhe. Hikwalaho nza tsaka ha nwina, kanilezi nza lava a kuva mu tlhariha zilweni zo saseka, muva lava va nga tlharihangiko ka lezo za kubiha. Mat. 10:16

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

2 Va le Korinte 11:3

Kanilezi nza chava lezaku, kota lezi a nyoka yi nga khohlisa Eva hi wumbyori ga yona, lezo a maalakanyo ya nwina ma ta onheka ma susiwa wuneneni legi gi nga ka Kristu. Gen. 3:4; Joh. 8:44; 1 Tim. 1:3; 4:1; Maheb. 13:9; 2 Ped. 3:17

Va le Kolosi 3:22

Malanza, ingisani zilweni zontlhe lava va nga venyi va nwina va misava, na mu nga va tireli ntsena loku va mu wona, khwatsi hi lava va tsakisako vanhu, kanilezi hi kupangama ka timbilu ta nwina, na mu chava Hosi.