Nehemia 12:25 - Tshwa Bible

²⁵ Matania, Bakbukia, Obadia, Mexullamu, Talmoni, na Akuba, va wa hi varinzeli va tinyangwa ta yindlu ya wuveketelo, yi nga hi le ti nyangweni.

Nehemia 12:25 ပူးပေါင်းရင်းမြစ်များ

2 Tihosi 7:10

Zinghaho va lo ya vitana a murinzeli wa muti, va mu tivisa vaku: Hi enghenile lomu wugovelweni ga maSiria, kanilezi a hi kumangi munhu hambu ni kuzwa a gezu ga munhu, ntsena a mahaxi ni timbongola ti bohilweko, ni matenda ma wa siyisihve zalezo.

1 Kronekele 23:32

Va wa fanele ku hlayisa a tabemakeli ga mutlhangano, ni wutshamu go basa, ni ku vuna vanakulobye, a vana va ka Aroni, ntirweni wa yindlu ya Jehova. Mitse. 18:3

1 Kronekele 26:12

A ntiro wa ku hlayisa a yindlu ya Jehova wu wa vekilwe mandleni ya mitlawa leyi ya vahlayisi, ni ka tihosana ta tiyindlu tabye, ni ka vanakulobye, kasi va tira lomu ndlwini ya Jehova.

1 Kronekele 26:15

Obedi-Edomi i lo hlawuliwa hi kuhlahluva a kuva tlhelo ga le Dzongeni; a vana vakwe va lo hlawuliwa a kuva vahlayisi va yindlu ya titshomba.

1 Kronekele 26:17

Hi le Mutsuwuka-gambo ku wa hi ni 6 wa va ka Levi; hi le Nwalungu va wa hi mune, hi le Dzongeni va wa hi mune, kada siku ni siku; le ndlwini ya titshomba ku wa hi ni vambiri ni vambiri.

2 Kronekele 8:14

Kota kuleletela ka raru wakwe Davida i lo yimisa a mitlawa ya vapristi mitirweni yabye, ni vaLevi mitirweni yabye, a ku dumisa Jehova ni ku maha mitiro yabye mahlweni ka vapristi siku ni siku; i lo yimisa ni vahlayisi va tinyangwa hi mitlawa yabye, ka nyangwa yinwe ni yinwani, hakuva Davida a munhu wa Nungungulu i lo leletela zalezo.

Isaya 21:8

Zonake i lo kanyuluka khwatsi i nghala, aku: Hosi, nzi yimile laha tshaleni gontlhe siku, Nzi lavelela laha wusiku ginwani ni ginwani.