Mutshawuteli 9:9 - Tshwa Bible

⁹ Hanya hi kutsaka ni sati loyi u mu ranzako wontihe a masiku ya wena ma nga nyawuliko, lawa yena a ku nyikileko lahasi ka gambo, a kuhanya ka wena kontlhe ku nga nyawuliko; hakuva lexo hi xona xiavelo xa wena a wutomini legi ga kukarateka lahasi ka gambo.

Mutshawuteli 9:9 ပူးပေါင်းရင်းမြစ်များ

Genesisi 26:8

Laha na a tshamile kona xikhati xo leha, Abimeleki a hosi ya maFilistia, i lo cuwuka hi laha njhaneleni, i lo wona Isaka na a xwangana na Rebeka a sati wakwe.

Tisimu 144:4

Munhu o fana ni mhehwana, A masiku yakwe me khwatsi i nzhuti loʼwu hunzako.

Tisimu 39:5

U mahile a masiku ya mina a ku khwatsi hi kuanama ka canja; A xikhati xa kuhanya ka mina a hi nchumu mahlweni ka wena; Kunene, ni wihi munhu, hambu loku a tiyile, kuhefemula ntsena. (Sela.)

Mavingu 18:22

Loyi a kumileko sati i kumile a kukateka; a kuma thomo hi ka Jehova.

Mavingu 19:14

A yindlu ni wukosi i tshomba ya vadadani; anilezi a sati a tlharihileko xinyikiwo xi tako hi ka Jehova.

Mutshawuteli 2:10

Zontlhe lezi zi nga naveliwa hi mahlo ya mina, a nzi ma tsimbetelangi; a nzi alelangi mbilu ya mina ni lihi litsako; hakuva yi wa tsakela ntiro wontihe wa mina; lezo hi zona nzi nga bhinzula ntirweni wontihe wa mina.

Mutshawuteli 2:24

Xi hava xilo xa chukwana ka munhu ku hunza lezaku aga, anwa, ni kuva a muhefemulo wakwe wu tsakela ntiro wakwe. Nzi lo wona lezaku lezo kambe zi humela canjeni ga Nungungulu;

Mutshawuteli 3:13

Ni kambe, loku munhu aga, anwa a tsakela ntirweni wakwe wontihe, xinyikiwo xa Nungungulu.

Mutshawuteli 3:22

Hikwalaho mina nzi lo wona lezaku zi mu sasekele nguvu munhu lezaku a tsakela mitiro yakwe, hakuva hi xona xiavelo xakwe. Hakuva himani a ta nga mu wuyisa, kasi ku ta wona ni ku tsaka hi lezi zi ta nga humelela nzhako kakwe?

Mutshawuteli 5:18

Nzi wonile lezaku zi sasekile a kuva munhu aga, anwa, a ti buzisa hi zontlhe lezi a zi tirileko lahasi ka gambo a masiku wontihe lawa Nungungulu a mu nyikileko wona; hakuva lexo hi xona xiavelo xakwe.

Mutshawuteli 6:12

Hakuva himani a nga tivako lezi zi sasekeleko munhu wutomini gakwe, a masiku wontihe ya kuhanya kakwe ku nga vuniko nchumu, lawa ma hunzako kukotisa nzhuti ke? Kambe himani a nga byelako munhu lezi zi ta ngava kona lahasi ka gambo, yena na a nga ha hi kona?

Mutshawuteli 7:15

Zontlhe lezi nzi zi wonile masikwini ya mina ma nga nyawuliko: i kona munhu a lulamileko a lovako kululameni kakwe, ni munhu wa kubiha a hanyako masiku yo leha kubiheni kakwe.

Malaki 2:15

A hi na muvangi munwe loyi a ranzako ku hlayisa a moya wa hina ke? Ni loyi wa munwe i xuva yini? I wa lava a lixaka ti basileko, hikwalaho ti woneleni mimoyeni ya nwina, ngha a nga hi kona ni munwe a to kala a nga tsumbeki ka sati wa wuswa gakwe.