Mutshawuteli 9:5 - Tshwa Bible

⁵ A vahanyako va zi tiva lezaku va tafa, kanilezi a vafileko a va tivi nchumu, ge, kuva ni nchachazelo, hakuva a va ha alakanyiwi.

Mutshawuteli 9:5 ပူးပေါင်းရင်းမြစ်များ

2 Samueli 14:14

Hakuva zi te dlunya lezaku hi tafa hakunene; hi fanana ni mati lawa ma halatilweko lahasi ma nga ha kotekiko ku wungeletelwa kambe, Nungungulu a nga susi wutomi ga munhu, kanilezi i xuva lezaku loyi a hlongolweko ngha a nga hambani naye. Tis. 89:49; Ezek. 18:23, 32

Joba 14:21

A vana vakwe loku va kuma wudzunzo, yena a nga zi tivi; Hambu loku va tsongahatiwa, yena a nga va alakanyi.

Joba 30:23

Hakuva mina nza zi tiva lezaku u nzi yisa kufeni: Ndlwini leyi u yi longiseleko vo ntlhe vahanyako.

Tisimu 109:15

Ngha ziva mahlweni ka Jehova xontlhe xikhati, A mahe lezaku va nga ha kumbukiwi laha misaveni.

Tisimu 6:5

Hakuva kufeni a ka ha alakanyiwi; Himani a ta nga ku bonga le Xeole ke? Tis. 88:11; Isa. 38:18

Tisimu 88:13

Kanilezi nza rila ka wena, Jehova, A mukombelo wa mina wu ta ku khinga laha mixweni.

Mutshawuteli 1:11

Lava va nga hi kona kale a va ha alakanyiwi; ni lava va ta ngava kona anzhako ka hina va nga ta alakanyiwa hi lava va ta ngata.

Mutshawuteli 2:16

Hakuva a tlhari ni xipumbu, hi wumbiri gabye a va alakanyiwi kala kupinzuka; a ka zikhati za ha tako zontlhe zi ta rivaliwa. A tlhari yifa kota xipumbu!

Mutshawuteli 7:2

I chukwana kuya ndlwini ya xirilo ku hunza a kuya ndlwini ya mubuzo; hakuva lawo hi wona magumo ya vontlhe vanhu; ni munhu loyi a hanyako i fanele ku ehleketa ha kona.

Mutshawuteli 8:10

Nzi wonile a vakubiha va lahliwa, va kuma kuhumula, kasi a vakululama vaya kule ni wutshamu go basa, va rivaliwa mutini. Lezo na zonawu a zi nyawuli.

Mutshawuteli 9:10

Ni xihi lexi a canja ga wena gi xi tirako, xi mahe hi ntamu wa wena: hakuva a ku na ntiro, hambu makungo, ni kutiva, ge, hambu wutlhari le Xeoli lomu u yako kona. Tis. 6:5; Isa. 38:18; Joh. 9:4

Mutshawuteli 9:4

Loyi a nga xikari ka vahanyako i na ni kutsumba, hakuva a mbyana yi hanyako yi hunza a nghala yi fileko.

Isaya 26:14

Lava va fileko va nga ta ha hanya, Ziruti ntsena, va nga ta ha vuka; Hakuva u va tsayisile, u va lovisa, U fuvisile mavito yabye, ma nga ha alakanyiwi. Deut. 32:26; Joba 14:14

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Luka 20:32

Anzhako ka lezo ni wasati kambe i lofa.

Maheberu 9:27

Kambe kota lezi ku yimiselweko vanhu a kuva vafa kanwe, va lamulwa; Gen. 3:19; 2 Kor. 5:10; Kuv. 20:12