Mutshawuteli 3:20 - Tshwa Bible

²⁰ Zontlhe ziya wutshamu ginwe; zontlhe zi mahilwe hi ntshuri, hikwalaho zontlhe zi tlhela ziya ntshurini kambe. Gen. 2:19; Tis. 104:29; Joba 34:15

Mutshawuteli 3:20 ပူးပေါင်းရင်းမြစ်များ

Genesisi 25:17

A malembe ya wutomi ga Ixmaeli, ma wa hi 137, i lo nyikela a moya wakwe afa, i lo amukelwa ka va ka kabye.

Genesisi 25:8

Abrahama i lo nyikela a moya wakwe, i lofa na a hi wa kale, na a khosahele, na a hi ni malembe ya kutala, i lo amukelwa ka va ka kabye.

Genesisi 3:19

U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.

Joba 14:10

Kanilezi loku a munhu afa, i mbhelelwa hi ntamu; Ina, loku a nyikela moya wakwe, a ngava kwihi ke?

Joba 14:14

Loku ku wo khwatsi a munhu a fileko wa tlhela a hanya kambe, Xikhatini xa mina xontlhe xi yimisilweko nzi wa ta rinzela, Kala kuta a kutlhatlhiswa ka mina.

Joba 17:13

Loku nzi rinzela, a Xeole xiva yindlu ya mina; Nzi ta andlala a sango ga mina tlhelweni ga munyama.

Joba 30:24

Ahemba, loyi a wako a nga nawuluti canja ke? Ni loyi a nga khombyeni a nga kombeli ku vuniwa ke?

Joba 34:15

Yontlhe nyama yi wa ta lova khatiginwe, Ni munhu a tlhelela tshurini.

Joba 7:9

Khwatsi hi refu gi hangalakako gi nwalala, Hilezo ni loyi a relelako nkeleni, cima a nga ta ha wuya.

Tisimu 103:14

Hakuva yena wa tiva lezi hi nga wumbiswa zona, Wa alakanya lezaku hina hi ntshuri.

Tisimu 104:29

Zi karateka loku u fihla a nghohe ya wena, Loku u susa moya wa zona, zafa, Zi tlhelela tshurini.

Tisimu 49:14

Va yiswa le Xeole khwatsi i ntlhambi, A kufa hi murisi wabye; Ni mixo a valulamileko va ta va fumela, A wumbhuri gabye gi ta giwa hi Xeole, A va na ginwani wuakelo.

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

Mutshawuteli 3:21

Himani a tivako loku a moya wa vana va vanhu wuya hehla, ni loku a moya wa zihari zi relela lahasi misaveni?

Mutshawuteli 6:6

Ina, hambu loku a nga hanya 2,000 wa malembe, na a nga woni kusaseka—vontlhe a vayi wutshamu ginwe ke?

Mutshawuteli 7:2

I chukwana kuya ndlwini ya xirilo ku hunza a kuya ndlwini ya mubuzo; hakuva lawo hi wona magumo ya vontlhe vanhu; ni munhu loyi a hanyako i fanele ku ehleketa ha kona.

Mutshawuteli 9:10

Ni xihi lexi a canja ga wena gi xi tirako, xi mahe hi ntamu wa wena: hakuva a ku na ntiro, hambu makungo, ni kutiva, ge, hambu wutlhari le Xeoli lomu u yako kona. Tis. 6:5; Isa. 38:18; Joh. 9:4

Danieli 12:2

Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28

Mitsengo 27:13

loku u gi wonile, u ta amukelwa ka va ka nwina khwatsi hi lezi nakuloni Aroni a amukelweko.