Mutshawuteli 3:17 - Tshwa Bible

¹⁷ Nzite mbilwini ya mina; Nungungulu i ta lamula valulamileko ni va kubiha; hakuva i vekele xikhati ka mhaka yinwe ni yinwani ni ntiro munwe ni munwani.

Mutshawuteli 3:17 ပူးပေါင်းရင်းမြစ်များ

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Tisimu 96:13

Mahlweni ka Jehova hakuva wata, Hakuva i tela ku ta lamula misava, I ta lamula tiko hi nongameto, Ni matiko hi kutsumbeka kakwe. Miti. 17:31

Tisimu 98:9

Mahlweni ka Jehova, hakuva wata a ku ta lamula misava; I ta lamula tiko hi nongameto, Ni matiko hi kululama kakwe. Miti. 17:31

Mutshawuteli 1:16

Nzi waku mbilwini ya mina: Languta, nzi ti kumele a wutlhari ga hombe go hunza vontlhe va nzi rangeleko va fuma lomu Jerusalema; ina, a mbilu ya mina yi kumile wutlhari ni kupimisisa ka hombe.

Mutshawuteli 11:9

O jaha, tsakela a wuswa ga wena, a mbilu ya wena a yi ku tsakise masikwini ya wuswa ga wena; famba hi tindlela ta kuranza ka mbilu ya wena, ni kuwoneni ka mahlo ya wena; kanilezi tiva lezaku Nungungulu i ta ku lamula hi zontlhe lezi zilo. Mat. 12:36; 2 Kor. 5:10

Mutshawuteli 12:14

Hakuva Nungungulu i ta yisa a mitiro yontlhe kulamuleni, ni zontlhe lezi zi fihlilweko, hambu zi sasekile, kutani za kubiha. 1 Kor. 4:5; 2 Kor. 5:10; Kuv. 20:12

Mutshawuteli 2:1

Nzite mbilwini ya mina: Ngone, nzi ta ku ringa hi kutsaka, ti buzise hi litsako; kanilezi, languta, lezi kambe zi wa nga nyawuli. Lu. 12:19

Mutshawuteli 3:1

A xilo xinwe ni xinwani xi nani nguva ya xona, ku nani xikhati ka zilo zontlhe lezi zi mahiwako lahasi ka tilo.

Mutshawuteli 8:6

Hakuva a mhaka yinwe ni yinwani yi na ni xikhati xa yona ni tsemela; Hakuva a kubiha ka munhu ka mu binzela.

Danieli 11:40

A xikhatini xa magumo a hosi ya le Dzongeni yi talwa naye; a hosi ya le Nwalungu yi ta mu hlongolisa kota a xipupuri hi tikareta ta yimpi ni vakhileli va mahaxi ni mataru yo tala. I ta enghena lomu matikweni a kukuleta khwatsi i ntalo, a hunza.

Danieli 12:4

Kanilezi wena Danieli, hlayisa a timhaka leti, u lema a bhuku kala xikhatini xa magumo. Vanyingi va ta gi hlotisisa, kasi wutivi gi enzeleka.

Danieli 12:9

Yena aku: Famba Danieli, hakuva a timhaka leti ti hlayisilwe, ti lemiwa kala xikhatini xa kugumesa.

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Johani 5:22

Tlhatakumbiri, Dadani a nga lamuli munhu ni munwe, kanilezi i hendleletele Nʼwana a kulamula kontlhe; Mat. 11:27; 28:18; Miti. 17:31; 1 Ped. 4:5

Mitiro 1:7

Yena aku ngalo kabye: A zi nyikwangi ka nwina ku tiva a zikhati ni tinguva, lezi Dadani a zi yimisileko hi ntamu wakwe. Deut. 29:29; 1 Tes. 5:1

Mitiro 17:31

Hakuva i vekile a siku legi a ta nga lamula ha gona tiko hi kululama hi munhu loyi a mu yimisileko; hi ka kona i nyikile a xitsumbiso ka vanhu vontlhe, hilezi a nga mu vuxa hi ka vafileko. Xip. 2:24; 10:42; Rom. 2:16

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

1 Va le Tesalonika 5:1

Kanilezi xungetano ni masiku ni zikhati, vamakabye, a zi laveki a kuva mu tsalelwa nchumu ha zona. Mat. 24:3, 36

Kuvululelwa 11:18

A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava. Dan. 7:10; Xip. 13:10; 19:5

Kuvululelwa 20:2

Yi lo khoma drako, a nyoka leyi ya kale, yi nga Muhlevi na Satani, yi mu boha a 1,000 wa malembe. Juda 6; Xip. 12:9