Mutshawuteli 2:24 - Tshwa Bible

²⁴ Xi hava xilo xa chukwana ka munhu ku hunza lezaku aga, anwa, ni kuva a muhefemulo wakwe wu tsakela ntiro wakwe. Nzi lo wona lezaku lezo kambe zi humela canjeni ga Nungungulu;

Mutshawuteli 2:24 ပူးပေါင်းရင်းမြစ်များ

1 Tihosi 4:20

A vaJuda ni va ka Israeli va wa tele nguvu khwatsi i seke wa fungu wa bimbi. Va loga, vanwa, va tsaka. Gen. 13:16; 22:17

Nehemia 8:10

Zonake aku kabye: Ti fambeleni, mu yaga tinyama ti nonileko, munwa kunwa ko nanziha, mu rumela zakuga ka lava va nga ti longiselangiko nchumu, hakuva legi i siku gi basileko ka Hosi ya hina. Mu nga tsanwi, hakuva a litsako la Jehova i ntamu wa nwina.

Mutshawuteli 2:10

Zontlhe lezi zi nga naveliwa hi mahlo ya mina, a nzi ma tsimbetelangi; a nzi alelangi mbilu ya mina ni lihi litsako; hakuva yi wa tsakela ntiro wontihe wa mina; lezo hi zona nzi nga bhinzula ntirweni wontihe wa mina.

Mutshawuteli 2:25

Hakuva himani a zi kotako a kuga ni ku tsaka a handle ka yena?

Mutshawuteli 2:3

Nzi lo ehleketa mbilwini ya mina a kuva nzi tsakisa a miri wa mina hi vinya—kanilezi a mbilu ya mina na yi tira hi wutlhari—zinwe ni ku khomisisa wupumbu, kala nzi wona lezi zi sasekelako vana va vanhu, a kuva va maha zona lahasi ka tilo a masiku wontihe ya kuhanya kabye.

Mutshawuteli 3:22

Hikwalaho mina nzi lo wona lezaku zi mu sasekele nguvu munhu lezaku a tsakela mitiro yakwe, hakuva hi xona xiavelo xakwe. Hakuva himani a ta nga mu wuyisa, kasi ku ta wona ni ku tsaka hi lezi zi ta nga humelela nzhako kakwe?

Mutshawuteli 5:17

Ni ka masiku wontihe yakwe i gela munyameni; na a hi ni hlomulo wa hombe, ni kubayiseka ni zanga.

Mutshawuteli 6:12

Hakuva himani a nga tivako lezi zi sasekeleko munhu wutomini gakwe, a masiku wontihe ya kuhanya kakwe ku nga vuniko nchumu, lawa ma hunzako kukotisa nzhuti ke? Kambe himani a nga byelako munhu lezi zi ta ngava kona lahasi ka gambo, yena na a nga ha hi kona?

Mutshawuteli 6:2

a munhu loyi Nungungulu a mu nyikileko wukosi, ni titshomba, ni wudzunzo, laha kaku a nga vumali nchumu lexi a mbilu yakwe yi xi navelako, kanilezi Nungungulu a nga mu nyiki ntamu wa ku ziga, kanilezi zi giwa hi wa matiko; lezo a zi nyawuli, i khombo gi bayisako nguvu. Estere 5:11; Tis. 39:6

Mutshawuteli 8:15

Zonake nzi lo dzunza litsako, hakuva munhu a nga na xilo xa chukwana lahasi ka gambo ku hunza lezaku aga, anwa, a tsaka, hakuva hi lexo a xi bhinzuleko hi ntiro wa masiku lawa Nungungulu a mu nyikileko lahasi ka gambo.

Isaya 56:12

Vaku: Ngonani, nzi ta lava vinya, Hi tanwa byala, hi kolwa! Manziko hi ta maha khwatsi hi nyamutlha, Giva siku go saseka ku hunza mpimo! 1 Kor. 15:32

Malaki 2:2

Loku mu nga xi ingisi, ni loku mu nga xi veki timbilwini ta nwina, lezaku mu dzunza vito ga mina, ku wula Jehova wa tiyimpi, zoriake nzi ta rumela a nzhukano hehla ka nwina, nzi rukatela a makatekwa ya nwina. Ina, nzi sina nzi ma rukatele, hakuva a mu xi khataleli. Deut. 28:15

Mitiro 14:17

Hambu lezo a nga vumalangi Wukustumunyu ka wona, hakuva i lo maha kusaseka, a mu nyika vula hi le tilweni ni tinguva ta mihanzu, a mu anzisela zakuga, a tatisa timbilu ta nwina hi kutsaka. Deut. 11:14; Levi 26:4; Mat. 5:45

1 Va le Korinte 15:32

Za nzi vuna yini lezaku nzi lwile ni zihari le Efesusi? (na nzi wulawula kota vanhu.) Loku a vafileko va nga vuki, a hi geni, hinwa, hakuva manziko hi tafa. Isa. 22:13; Lu. 12:19; 2 Kor. 1:8

Deuteronome 12:12

Mu ta ti tsakela mahlweni ka Jehova Nungungulu wa nwina, nwina ni varisanyana va nwina, ni vanhanyana va nwina, ni vasati va nwina, ni zitiri za nwina za xinuna ni za xisati, ni vaLevi lava va nga lomu mitini ya nwina, hakuva a va nyikiwangi xiavelo ni tshomba zinwe na nwina.

Deuteronome 12:18

Kanilezi lezi zilo u taga mahlweni ka Jehova Nungungulu wa wena, ka wutshamu legi Jehova Nungungulu wa wena a ta nga gi hlawula, u taga laho zinwe ni varisanyana va wena, ni vanhanyana va wena, ni malanza ya wena ya xinuna ni ya xisati, ni vaLevi lava va nga laha mutini wa wena; u ti tsakela mahlweni ka Jehova Nungungulu wa wena, mitirweni yontlhe ya mandla ya wena.

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.