Mutshawuteli 2:18 - Tshwa Bible

¹⁸ Ina, nzi lo venga a ntiro lowu nzi nga wu mahile laha hasi ka gambo; hakuva nzi fanele ku yi siyela loyi a tako nzhako ka mina.

Mutshawuteli 2:18 ပူးပေါင်းရင်းမြစ်များ

Tisimu 17:14

Nzi tlhatlhise ka vanhu va misava hi canja ga wena, Jehova, Lava va nga ni xiavelo xabye kuhanyeni loku; Lava u xurisileko hi tshomba ya wena: Va na ni vanana vo tala, Va siyela misalelwa ka vazukulu vabye. Lu. 16:25; Fil. 3:19

Tisimu 39:6

A munhu wa famba a ku fanana ni xiruti, A ti karata mahala; Wa hlengeletela, kanilezi a nga zi tivi lezaku zi ta giwa hi mani. Joba 8:9; 14:2; Mutsa. 2:18, 21

Tisimu 49:10

Hakuva wa wona a titlhari na tifa, A zipumbu ni zigwela zi lova zinwe, Va siya titshomba tabye ka vanwani. Mutsa. 2:16, 18; Jer. 17:11

Mutshawuteli 1:13

Nzi lo nyiketela a mbilu ya mina a ku hlotisisa hi wutlhari a zilo zontlhe lezi zi mahiwako lahasi ka tilo; i ntiro wo bayisa lowu Nungungulu a wu nyikileko ka vanana va vanhu lezaku va ti karata ha wona. 1 Tih. 4:29

Mutshawuteli 1:3

I bhinzula yini munhu hi mitiro yakwe yontlhe a yi mahako lahasi ka gambo ke?

Mutshawuteli 2:11

Kanilezi laha nzi nga cuwukisa mitiro leyi a mandla ya mina ma yi mahileko, nzi alakanya a kukarateka loku nzi nga hi nako loku nzi yi maha, languta, zontlhe zi wa nga nyawuli, zi wa hi ku lanza mheho ntsena; ku wa nga hi na bhinzu lahasi ka gambo.

Mutshawuteli 2:21

Hakuva hambu loku munhu a mahile a ntiro wakwe hi wutlhari ni wutivi ni kupinyama, i ta wu siyela munhu loyi a kalako a nga ti karatangi nchumu. Lezo na zonawu a zi nyawuli, kambe zi bihile nguvu.

Mutshawuteli 2:26

Hakuva Nungungulu i nyika a wutlhari ni wutivi ni litsako ka munhu loyi a mu xalalisako; kanilezi a ka muonhi i mu nyika a ntiro wa ku hlengeletela ni ku wungeletela, kasi ku nyika loyi a xalalisako Nungungulu. Lezo kambe a zi nyawuli, hi ku lanza mheho ntsena.

Mutshawuteli 3:22

Hikwalaho mina nzi lo wona lezaku zi mu sasekele nguvu munhu lezaku a tsakela mitiro yakwe, hakuva hi xona xiavelo xakwe. Hakuva himani a ta nga mu wuyisa, kasi ku ta wona ni ku tsaka hi lezi zi ta nga humelela nzhako kakwe?

Mutshawuteli 4:3

kanilezi lava va kalako va nga se kuva kona va katekile ku hunza vontlhe, hakuva a va wonangi a mitiro ya kubiha leyi yi mahiwako lahasi ka gambo.

Mutshawuteli 5:18

Nzi wonile lezaku zi sasekile a kuva munhu aga, anwa, a ti buzisa hi zontlhe lezi a zi tirileko lahasi ka gambo a masiku wontihe lawa Nungungulu a mu nyikileko wona; hakuva lexo hi xona xiavelo xakwe.

Mutshawuteli 9:9

Hanya hi kutsaka ni sati loyi u mu ranzako wontihe a masiku ya wena ma nga nyawuliko, lawa yena a ku nyikileko lahasi ka gambo, a kuhanya ka wena kontlhe ku nga nyawuliko; hakuva lexo hi xona xiavelo xa wena a wutomini legi ga kukarateka lahasi ka gambo.

Luka 12:20

Kanilezi Nungungulu aku ngalo kakwe: Phuphulu nzi wena, a wusiku legi a muhefemulo wa wena wu ta vitaniwa wu suka ka wena, zonake a zilo lezi u zi veketeleko zi ta lumba mani ke? Joba 20:22; Tis. 52:7; Jak. 4:14

1 Va le Korinte 3:10

Hi tipswalo ta Nungungulu leti nzi nyikilweko tona, nzi lo aka a xiseketelo khwatsi hi gogwe wa kuaka, ni munwani i lo aka hehla ka xona. Kanilezi ngha munwe ni munwani a tlhariha lezaku i akisa kuyini ka xona. Rom. 15:20; 1 Ped. 4:11