Mitsengo 18:23 - Tshwa Bible

²³ Hilezo a vaLevi va ta tira a ntiro wa tenda ga mutlhangano, va rwala a nanzu wabye. Lexi xi tava xileletelo xa kala kupinzuka zizukulwaneni za nwina; va nga tava ni tshomba xikari ka vanana va ka Israeli.

Mitsengo 18:23 ပူးပေါင်းရင်းမြစ်များ

Eksodusi 27:21

Aroni ni vanana vakwe va ta hlayisa a tabernakeli, hi le handle ka nguwo ya xisirelo, leyi yi nga le mahlweni ka Wumboni, kasi a tikandiya ti ta woninga mahlweni ka Jehova, kusukela gambyeni kala mixweni. Ku tava xilayelo xa kala kupinzuka ka zizukulwana za vanana va ka Israeli.

Ezekieli 44:10

Kanilezi a va ka Levi lava va nzi fulareleko a xikhati lexi a va ka Israeli va nga wa pengile, va lanzela a zifananiso zabye, va ta rwala zigoho zabye,

Mitsengo 18:1

Jehova i te ngalo ka Aroni: Wena ni vana va wena, ni ngango wa raru wa wena, mu ta rwala a nanzu wa yindlu ya kubasa, ni lezaku wena zinwe ni vana va wena mu ta rwala a nanzu wa wupristi ga nwina.

Mitsengo 18:20

Jehova i lo wulawula ka Aroni, aku: Wena u nga ta kuva ni tshomba lomu tikweni gabye, wena u nga tava ni xiavelo xikari kabye; hakuva mina nzi xiavelo xa wena ni tshomba ya wena xikari ka vanana va ka Israeli. Deut. 10:9; Ezek. 44:28

Mitsengo 19:21

Lexi xi tava xilayelo xa kala kupinzuka ka vona. Loyi a ta nga nwatsekela hi mati ya kubasisa, i ta hlaza tinguwo takwe; ni loyi a ta nga khumba a mati ya kubasisa, i tava a nga hlazekangi kala laha gambyeni.

Mitsengo 26:62

A tsengo wabye va wa hi 23,000, vontlhe vavanuna, kusukela ka lava va nga hi ni hweti yinwe a wukale ni ku hunza; hakuva vona a va patsiwangi ka tsengo wa vanana va ka Israeli, hilezi vona a va avelwangi tshomba zinwe ni vanana va ka Israeli.

Mitsengo 3:7

Va ta hlayisa lezi zi vekiwako ka yena, ni lezi zi vekiwako ka ntlhangano mahlweni ka tenda ga mutlhangano, na va ta tira a ntiro wa tabemakeli.

Mitsengo 35:29

Hikwalaho lezi zilo zi tava nayo wa kulamula ka zontlhe zizukulwana za nwina, kontlhe lomu mu ta nga aka kona.

Deuteronome 10:9

Hikwalaho a vaLevi a va na ku avelwa tshomba zinwe ni vamakabye vabye. Tshomba yabye hi Jehova, khwatsi hi lezi Jehova Nungungulu wa wena a mu byelileko. Mitse. 18:20; Jox. 18:7

Joxua 13:14

Ntsena lezaku a lixaka la ka Levi a nga va nyikangi a tshomba; a tshomba yabye hi miphahlo leyi yi hiselwako Jehova Nungungulu wa ka Israeli, khwatsi hi lezi a va byelileko. Deut. 10:9; Ezek. 44:28