Mitiro 9:34 - Tshwa Bible

³⁴ Pedro aku ngalo kakwe: Eneasi, Jesu Kristu wa ku hanyisa: vuka, u songa a sango ga wena. Zalezo i lo vuka. Mat. 9:6; Joh. 5:8

Mitiro 9:34 ပူးပေါင်းရင်းမြစ်များ

Mateu 8:3

Jesu i lo nawuluta a canja gakwe, a mu khumba, aku: Nza zi ranza, basiswa wena! Zalezo a hlokonho yakwe yi lo basiswa.

Mateu 9:6

Kanilezi kasi ma fela ku zi tiva lezaku a Nʼwana wa munhu i nani ntamu misaveni a ku tsetselela zionho, (aku ka loyi a fileko reve): Vuka, u teka sango ga wena, u famba kaya;

Johani 2:11

Lexi hi kusangula ka ziwoniso zakwe, Jesu i lo xi maha le Kana wa le Galilea, a wonekelisa a wukulu gakwe; ni vapizani vakwe va lo kholwa ka yena. Xip. 1:14

Mitiro 16:18

I lo maha lezo masiku manyingi; kanilezi Paule na a karatiwa ha zona, i lo hunzuluka, aku ngalo ka moya lowo: Nza ku laya hi vito ga Jesu Kristu a kuva u huma ka yena! Wu lo huma kakwe hi xwalexo xikhati. Mar. 1:25, 34; 16:17

Mitiro 3:12

Laha Pedro a nga zi wona, aku ngalo ka vanhu: Nwina madota ya ka Israeli, hi yini mu hlamalako hi munhu loyi ke? Hi yini mu cuwukisisako hina, ku khwatsi hi mu mahile a famba hi ntamu ni kululama ka hina? 2 Kor. 3:5

Mitiro 3:16

Hi kukholwa vitweni gakwe, gona vito gakwe gi mu nyikile ntamu loyi munhu, loyi mu mu wonako, mu mu tiva; ina, a kukholwa ka Jesu ku mu hanyisile mahlweni ka nwina nwentlhe. Mat. 9:22; 1 Ped. 1:21

Mitiro 3:6

Kanilezi Pedro aku ngalo: A nzi na siliva ni nzalama; kanilezi lezi nzi nga nazo, nza ku nyika zona: Hi vito ga Jesu Kristu wa le Nazareta, suka U famba. 1 Ped. 4:10; Xip. 4:10

Mitiro 4:10

ngha zi tiveka ka nwina nwentlhe, ni ka vanhu vontlhe va ka Israeli, lezaku loyi munhu a yimileko mahlweni ka nwina, i hanyisilwe hi vito ga Jesu Kristu wa le Nazareta, loyi nwina mu nga mu belela, loyi Nungungulu a nga mu vuxa hi ka vafileko. Xip. 3:6

Mitiro 9:33

A kuma kona a munhu a vitwako Eneasi, loyi a nga wa etlele sangweni a ntlhanu wa malembe ni manharu, hakuva i wa file reve ga tlhelo.

Mitiro 9:35

Vontlhe lava va nga wa akile le Lida, ni le Xaroni, laha va nga mu wona va lo hunzulukela ka Hosi.