Mitiro 9:20 - Tshwa Bible

²⁰ Zalezo i loba hungu hi Jesu lomu masinagogeni, lezaku i Nʼwana wa Nungungulu.

Mitiro 9:20 ပူးပေါင်းရင်းမြစ်များ

Tisimu 2:12

Khizamelani a nisanyana kasi a nga zangari, Mu lova ndleleni ya nwina; Hakuva a nga zangara lokuloku. Va katekile vontlhe va chavelako ka yeng. Tis. 34:9; Isa. 30:18; Jer. 17:7

Tisimu 2:7

Nzi taba nyiwo ya Jehova, Jehova i te ngalo ka mina: Wena u nʼwana wa mina, Nzi ku psweleko nyamutlha.

Mateu 27:43

I tsumbile Nungungulu; a mu tlhatlhise makunu, loku a kari a mu ranza; hakuva i te ngalo: Nzi Nʼwana wa Nungungulu. Tis. 22:8

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Mateu 4:3

Zonake a muringi i lota, a taku ka yena: Loku wena u hi Nʼwana wa Nungungulu, laya a maribye lawa lezaku ma maha zibaba.

Johani 1:49

Nataneli i lo hlamula, aku ngalo: Rabi, wena u Nʼwana wa Nungungulu, U Hosi ya vaIsraeli. Mat. 14:33; 27:42

Johani 19:7

A vaJuda va lo hlamula, vaku; Hina hi na ni nayo, hi nayo lowu i yimelwe hi kufa, hakuva i ti mahile a Nʼwana wa Nungungulu. Levi 24:16; Mat. 26:65; Xip. 5:18

Johani 20:28

Tomasi i lo hlamula, aku kakwe: Hosi ya mina ni Nungungulu wa mina.

Johani 20:31

Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9

Mitiro 13:14

Vona va lo tsemakanya Perga, va chikela Antiokia wa le Pisidia; va enghena sinagogeni hi siku ga sabado, va tshama.

Mitiro 13:33

lezaku Nungungulu i xi tatisile ka hina, vana vabye, hilezi a nga vuxa Jesu; kota lezi ku tsalilweko lomu ka Lisimu la wumbiri, ku ngalo: Wena u Nʼwana wa mina, nzi ku psweleko nyamutlha. Tis. 2:7; Maheb. 5:5

Mitiro 13:46

Zonake Paule na Barnabasi va lo wulawula hi kutiya, vaku: Zi wa lavekile lezaku a mhaka ya Nungungulu yi kanelwa ka nwina kuranga. Kanilezi kota lezi nwina mu yi alako, mu ti lamula lezaku a mu fanelwi hi wutomi ga pinzukelwa, mangabye, hi hunzulukela ka vamatiko. Isa. 55:5; Mat. 10:6; 21:43; Rom. 1:16

Mitiro 13:5

Laha na va chikele le Salami, va loba hungu hi mhaka ya Nungungulu masinagogeni ya vaJuda; va wa hi na Johani a nga hi muvuni wabye. Xip. 12:25

Mitiro 14:1

Le Ikoniume, Paule na Barnabasi va lo enghena zinwe sinagogeni ga vaJuda va kanela, laha ka kuva ku kholwa a xidlemo xa hombe xa vaJuda ni vaGreki.

Mitiro 16:13

Hi siku ga sabado hi lo huma handle ka muti hiya congweni, laha ku nga hi kona a wutshamu ga kukhongela; hi lo tshama hasi, hi kanela ka vavasati lava va nga tsombene laho.

Mitiro 17:10

A vamakabye va lo fambisa Paule na Silasi hi xikavikavi ni wusiku le Berea; laha va nga chikele kona va lo enghena sinagogeni ga vaJuda.

Mitiro 17:17

Lezo i lo wulawulisana sinagogeni ni vaJuda hi lava va chavako Nungungulu; ni masiku wontihe i lo maha lezo le hubyeni ni lava a nga tlhangana navo kona.

Mitiro 17:2

Paule hi kutolovela kakwe, i lo enghena kabye a masabado manharu, a wulawulisana navo hi timhaka ta Mitsalo, Lu. 4:16; Xip. 9:20; 13:5

Mitiro 18:19

Vona va lo chikela Efesusi, a va siya laho; yena a enghena sinagogeni a wulawula ni vaJuda.

Mitiro 18:4

I lo gonzisa sinagogeni a masabado wontihe, a kholwisa a vaJuda ni vaGreki.

Mitiro 19:8

Zonake Paule i lo enghena sinagogeni; tihweti tinharu i lo wulawula hi kutiya, a kanela ni ku va kholwisa hi timhaka ta mufumo wa Nungungulu. Xip. 1:3; 17:2; 18:4; 28:23

Mitiro 8:36

Kota lezi va nga ha longoloka ni ndlela, va lo chikela laha ku nga ni mati. A nduna yi te ngalo; A mati hi lawa; xana nzi beletelwa hi yini ku bapatizwa?

Mitiro 8:37

Filipu aku: Loku u kholwa hi mbilu ya wena yontlhe u nga vumelwa. Yiku: Nza kholwa lezaku Jesu Kristu i Nʼwana wa Nungungulu.

Mitiro 9:22

Kanilezi Saule i lo enzeleka hi ntamu, a hlula a vaJuda lava va nga hi le Damasku, a va kombisa lezaku Jesu hi Kristu. Xip. 18:28

Va le Roma 1:4

A kombisiwa hi ntamu lezaku i Nʼwana wa Nungungulu hi Moya wa wubaswa, hi kuvuka kakwe hi ka vafileko. Hi yena Jesu Kristu a Hosi ya hina, Miti. 13:33; Maheb. 9:14

Va le Galatia 1:16

laha a nga ranza ku wonekelisa a Nʼwana wakwe ka mina, lezaku nzi fela ku mu kanela xikari ka vamatiko, a nzi lombangi wusungukati ka nyama ni nkhata; Mat. 16:17; 2 Kor. 4:6

Va le Galatia 2:20

Nzi belelwe zinwe na Kristu; makunu a nza ha hanyi mina, kanilezi hi Kristu a hanyako ka mina; ni kuhanya loku nzi hanyako makunu le nyameni nzi hanya hi kukholwa ka Nʼwana wa Nungungulu, loyi a nga nzi ranza, a ti nyikela hi kota ya mina. Rom. 6:6; 2 Kor. 5:15

Kuvululelwa 2:18

Tsalela a ngelosi ya bandla ga le Tiatira, uku: A Nʼwana wa Nungungulu loyi a nga ni mahlo yo khwatsi malangavi ya nzilo, ni mikonzo yo khwatsi i suku wu ngangamelako, i ngalo: