Mitiro 9:15 - Tshwa Bible

¹⁵ Kanilezi a Hosi yiku ngalo ka yena: Famba, hakuva loyi hi xibya xi hlawulilweko xa mina, a ku yisa a vito ga mina ka vamatiko ni ka tihosi, ni ka vanana va ka Israeli; Xip. 13:2; Rom. 1:1; 2 Tim. 1:11

Mitiro 9:15 ပူးပေါင်းရင်းမြစ်များ

Jeremia 1:5

Nzi ku tivile na nzi nga se ku ku wumba lomu rumbyini ga mamani wa wena; nzi lo ku hlawula na u nga se ku huma nyimbeni, nzi ku wumbele a kuva muprofeti wa matiko. Isa. 49:1; Gal. 1:15

Jeremia 1:7

Kanilezi Jehova i te ngalo ka mina: U nga wuli uku: Nzi nwanana. Hakuva u ta famba ka vontlhe lava nzi ta nga ku ruma ka vona, u ta ya kanela zontlhe nzi ta nga ku laya zona.

Mateu 10:18

Ina, mu ta yisiwa mahlweni ka vafumeli ni tihosi hi kota ya mina, a kuva mu kustumunya ha mina ka vona ni ka vamatiko.

Johani 15:16

A hi nwina mu nga nzi hlawula, kanilezi hi mina nzi mu hlawulileko, nzi mu yimisa lezaku mu ya pswala mihanzu, ni mihanzu ya nwina yi simamisa; kasi ni xihi lexi mu ta nga mu kombela Dadani hi vito ga mina, a fela ku mu nyika xona. Mat. 28:19; Xip. 14:13; 1 Joh. 4:10

Mitiro 13:2

Na va kari va tira a ntiro wa Hosi, na va yila, a Moya wa ku Basa wu te ngalo: Nzi hambanyiseleni Barnabasi na Saule a ntirweni lowu nzi va viteleko wona. Efe. 3:7, 8; 1 Tim. 2:7

Mitiro 21:19

Laha a nga va losetele, i lo hlawutela hi ku lanzelana zontlhe lezi Nungungulu a nga zi mahile xikari ka vamatiko hi kutira kakwe. Xip. 1:17; 15:4, 12; Rom. 15:18, 19

Mitiro 22:14

Yena aku: Nungungulu wa vakoko va hina i ku hlawule a kuva u tiva a kuranza kakwe, u wona loyi wa Kululama, ni kuzwa a gezu ga nomu wakwe. Xip. 3:13, 14; 5:30; 1 Kor. 9:1; 11:23

Mitiro 22:21

Aku ngalo ka mina; Famba, hakuva nzi ta ku rumela kule, uya ka vamatiko. Xip. 9:15; 13:2; Rom. 1:5; 1 Tim. 2:7

Mitiro 25:22

Agripa aku ngalo ka Festu: Minawu nzi wa ta ranza a kuzwa loye munhu. Yena aku: U ta muzwa manziko. Xip. 9:15

Mitiro 26:1

Agripa aku ngalo ka Paule: Wena u vumelwe a kuva u ti hlamulela ba wece. Zonake Paule i lo nawuluta canja, a ti hlamulela, aku:

Mitiro 26:32

Agripa aku ngalo ka Festu: Loyi munhu ngha a tlhatlhiwa loku a nga yisangi a mhaka yakwe ka Kesari. Xip. 25:11

Mitiro 27:24

yiku: U nga chavi, Paule; wena u yimelwe hi ku yima mahlweni ka Kesari; wangabye, Nungungulu i ku nyikile vontlhe lava va fambako zinwe na wena tarwini.

Mitiro 28:17

Anzhako ka masiku manharu, Paule i lo ramba a vahombe va vaJuda; laha va nga tsombene i te ngalo kabye: Vamakabye, hambu lezi nzi nga mahangiko nchumu xo vukela vanhu va hina, kutani a mikhuwo ya vadadani va hina, nzi lo khonʼwa le Jerusalema, nzi nyikelwa mandleni ya vaRoma.

Mitiro 28:28

Hikwalaho ngha zi tiveka ka nwina, lezaku a kuhanvisa loku ka Nungungulu ku rumelwe ka vamatiko, vona va ta ingisa. Mat. 21:41, 43; Xip. 13:46-47; Rom. 11:11

Va le Roma 1:1

Paule, a nanza ga Jesu Kristu, nzi vitanilweko a kuva mupostoli, nzi bambanyiselwa ku kanela ivangeli ya Nungungulu, 1 Tim. 1:11; Miti. 9:15

Va le Roma 1:5

loyi nzi nga amukela hi yena a tipswalo ni wupostoli, lezaku a vitweni gakwe nzi yisa a vanhu va matiko wontihe a kuingiseni ka kukholwa. Efe. 3:8; Miti. 9:15

Va le Roma 11:13

Kanilezi nzi wulawula ka nwina lava mu nga vamatiko. Kota lezi nzi nga mupostoli wa vamatiko, nzi dzunza a ntiro wa mina; Miti. 9:15

1 Va le Korinte 15:10

Kanilezi hi tipswalo ta Nungungulu nzi lezi nzi nga zona, ni tipswalo takwe a nzi nyikiwangi tona mahala; hakuva nzi tirile nguvu ku hunza vona vontlhe; na ku nga hi mina, kanilezi hi tipswalo ta Nungungulu leti ti nga hi zinwe na mina. 2 Kor. 11:23; Gal. 2:8; Efe. 3:7

1 Va le Korinte 9:16

Hakuva loku nzi kanela ivangeli, a nzi na nchumu lowu nzi nga ti dzunzako ha wona; hakuva nzi yimelwe hi ku maha lezo, ina i khombo ka mina loku nzi nga kaneli ivangeli.

Va le Galatia 1:1

Paule, a mupostoli (na ku nga hi ka vanhu, hambu ku mahiwa hi munhu, kanilezi hi Jesu Kristu, ni Nungungulu a Dadani, loyi a nga mu vuxa hi ka vafileko), Miti. 9:6

Va le Efesusi 3:1

Hikwalaho mina Paule, nzi nga peresu ya Jesu Kristu hi kota ya nwina vamatiko,— Miti. 21:33; 2 Tim. 2:10

1 Timote 2:7

legi nzi nga yimiswa a kuva mukaneli ni mupostoli wa gona (nzi wula zinene, a nzi hembi wunwa), a kuva mugonzisi wa vamatiko hi kukholwa ni zinene.

2 Timote 1:11

leyi nzi nga yimiswa a kuva mukaneli ni mupostoli ni mugonzisi wa yona.

2 Timote 2:4

Loku a munhu aya yimpini a nga ti binzisi hi mitiro ya loku kuhanya, hakuva i fela ku tsakisa loyi a mu hlomisileko. 1 Kor. 9:25

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19