Mitiro 7:5 - Tshwa Bible

⁵ Kanilezi a nga mu nyikangi tshomba ka gona, ge, hambu ni ya ku veka konzo wakwe kona; kanilezi i lo mu tsumbisa lezaku i ta gi nyika kakwe, giva gakwe ni ga pswalo wakwe, hambu lezi a nga ngha a nga seva na nʼwana. Gen. 12:7; 15:3; 17:8; 26:3

Mitiro 7:5 ပူးပေါင်းရင်းမြစ်များ

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Genesisi 13:15

hakuva a tiko gontlhe legi u gi wonako, nzi ta gi nyika ka wena ni pswalo wa wena kala kupinzuka.

Genesisi 15:18

Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:

Genesisi 16:2

Na Sarai aku ngalo ka Abrama: Languta, makunu Jehova i nzi beletele ku beleka; enghena ka gona a nanza legi ga mina ga xisati; kutani nzi ta kuma nʼwana hi ka yena. Abrama i lo ingisa a gezu ga Sarai.

Genesisi 17:8

Nzi ta nyika ka wena, ni ka pswalo wa wena anzhako ka wena, a tiko legi u nga muluveli ka gona, a tiko gontlhe ga Kanani gi, tava tiko ga nwina kala kupinzuka; nzi tava Nungungulu wabye.

Genesisi 23:4

Mina nzi muluveli ni muenzi xikari ka nwina; nzi heni wutshamu ga xilahla xikari ka nwina, kasi nza lahla a mufi wa mina, kasi a nga havi kona mahlweni ka mina.

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Nehemia 9:8

u kuma mbilu yakwe na yi kholekile mahlweni ka wena, u maha naye xivumelwano xo nyika vana vakwe a tiko ga maKanani, ni ga vaHiti, ni ga vaAmori, ni ga vaPerizi, ni ga vajebusi, ni ga vaGirgaxi, u tlhela u tatisa timhaka ta wena; hakuva wena u lulamile.

Ezekieli 33:24

Nʼwana wa munhu, lava va akileko marumbini ya tiko ga ka Israeli ve ngalo: Abrahama i wa hi munwe basi, hambu lezo i loga tshomba ya tiko. Kanilezi hina hi vanyingi, a tiko gi nyikilwe ka hina akuva tshomba.

Deuteronome 10:11

Na Jehova i te ngalo ka mina: Suka u famba, u ya rangela a vanhu, va ya enghena va teka a tiko legi nzi nga hlambanya ka vararu vabye ku va nyika.

Deuteronome 11:9

kasi ma fela ku anziselwa masiku ya nwina lomu ka misava leyi Jehova a hlambanyileko ka vararu va nwina a ku va nyika vona ni vazukulu vabye, a misava leyi yi khulungako a masi ni wulombe.

Deuteronome 2:5

mu nga holovi navo, hakuva cima nzi nga ta mu nyika nchumu lomu tikweni gabye, hambu ni laho mu ta nga kanzihela hi nkonzo wa nwina, hakuva a xitsunga xa Seire nzi nyikile Esau a ku maha tshomba yakwe. Gen. 36:8

Deuteronome 34:4

Jehova i te ngalo kakwe: Legi hi gona tiko nzi gi hlambanyileko ka Abrahama, ni ka Isaka, ni ka Jakobe, nziku: Nzi ta gi nyika ka pswalo wa wena; hikwalaho mina nzi ku kombisile gona kasi u gi wona hi mahlo ya wena, kanilezi u nga ta tlhatukela ka gona. Gen. 12:7

Deuteronome 9:5

A ku engheni ku ti tekela a tiko gabye hi kota ya kululama ka wena ni wunene ga mbilu ya wena, kanilezi Jehova Nungungulu wa nwina i hlongola matiko lawa mahlweni ka wena hi kota ya kubiha ka wona, ni lezaku a fela ku tiyisa a gezu legi Jehova a hlambanyileko ka vararu va wena, Abrahama na Isaka na Jakobe.