Mitiro 5:20 - Tshwa Bible

²⁰ Fambani, mu ya yima tempeleni, mu byela vanhu a timhaka tontlhe ta Wutomi legi. Joh. 6:68; 17:3; 1 Joh. 10:11

Mitiro 5:20 ပူးပေါင်းရင်းမြစ်များ

Eksodusi 24:3

Zinghaho Mosi i loya byela a vanhu tontlhe timhaka ta Jehova, ni zileletelo zontlhe. Zonake a vanhu va lo hlamula hi gezu ginwe, vaku: A timhaka tontlhe leti ti wulilweko hi Jehova, hi ta ti maha.

Isaya 58:1

Kanyuluka hi ntamu, u nga tsetsi a gezu ga wena; Tlakusa a gezu ga wena giku khwatsi i mpunzu, U tlhatlhambutela ka tiko ga mina a kuhambunyeta ka gona, Ni ka yindlu ya ka Jakobe a zionho zabye.

Jeremia 26:2

Jehova i ngalo: Yima hi laha hubyeni ya yindlu ya ka Jehova, u wulawula ka vanhu ya miti ya ka Juda, lava va tako ku ta khozela ndlwini ya ka Jehova, a timhaka tontlhe leti nzi ku layileko a ku ti kanela kabye, u nga siyi yo siya. Deut. 4:2; Jer. 7:2

Jeremia 36:10

Zonake Baruke i lo gonza lomu bhukwini a timhaka ta Jeremia lomu ndlwini ya Jehova, lomu tsawini ga Gemaria a nʼwana Xafani, mutsali, a hubyeni ya le hehla, a nyangweni yiswa ya yindlu ya Jehova, a gonza tindleveni ta vanhu vontlhe.

Jeremia 7:2

Yima lomu nyangweni ya yindlu ya Jehova, na uba hungu laho hi mhaka leyi, uku: Zwanani a mhaka ya Jehova, nwina nwentlhe va ka Juda mu enghenako hi tinyangwa leti a ku ta khozela Jehova.

Ezekieli 33:7

Zinghaho wena nʼwana wa munhu, nzi ku vekile kota murinzeli wa yindlu ya ka Israeli; hikwalaho zwana a mhaka yi humako nonwini wa mina, u va tlhatlhisa vitweni ga mina.

Mateu 10:27

Lezi nzi mu byelako munyameni, zi wulawuleni kuwonekeleni; ni lezi zi hlebyiwako tindleveni ta nwina, banani hungu ha zona le hehla ka tiyindlu.

Mateu 21:23

Laha na a enghenile tempeleni, a vapristi va hombe ni masingalakati ya vanhu va lota ka yena laha a nga kari a gonzisa, va taku ngalo: I ntamu muni u mahako ha wona lezi zilo ke? Himani a nga ku nyika lowu ntamu ke? Ekso. 2:14; Mar. 11:27; Miti. 4:7

Johani 12:50

Nza zi tiva lezaku a kulaya kakwe hi wutomi ga pinzukelwa; hikwalaho lezi nzi zi kanelako, nzi kanela zona kota lezi Dadani a nzi byelileko.

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Johani 17:8

Hakuva nzi va nyikile a timhaka leti u rizi nyikileko tona; va ti amukele, va zi tiva lezaku kunene nzi humele hi ka wena, va kholwa ku ngalo u nzi rumile. Xip. 12:49; 16:27

Johani 18:20

Jesu i lo mu hlamula, aku: Nzi kanele kubaseni lomu tikweni; nzi wa gonzisa masinagogeni, ni lomo tempeleni, laha va tsombanako kona a vaJuda vontlhe; a nzi kanetangi nchumu xihundleni. Mat. 26:55; Lu. 4:15; Xip. 7:14, 26

Johani 6:63

A moya hi wona wu hanyisako, a nyama a yi vuni nchumu. A timhaka leti nzi mu byelileko tona, hi moya ni wutomi. 2 Kor. 3:6

Johani 6:68

Simoni Pedro i lo mu hlamula, aku: Hosi, hi taya ka mani ke? Wena u na ni timhaka ta wutomi ga pinzukelwa. Miti. 5:20

Mitiro 11:14

yena i ta ta ku byela a timhaka leti u ta nga hanyiswa ha tona, wena ni yindlu ya wena yontlhe.

Mitiro 13:26

Vamakabye, vana va lixaka la ka Abrahama, ni vona lava xikari ka nwina va chavako Nungungulu, a mhaka ya kuhanyisa loku yi rumelwe ka hina.