Mitiro 5:14 - Tshwa Bible

¹⁴ Lava va nga kholwa ka Hosi va lo engetelwa nguvu, a wunyingi ga vavanuna ni vavasati;

Mitiro 5:14 ပူးပေါင်းရင်းမြစ်များ

2 Samueli 6:19

Zonake i lo avela zakuga ka vontlhe vanhu va ka Israeli, vavasati ni vavanuna; a nyika ka munwe ni munwani a xibaba xinwe ni xitluwu xa nyama, ni xikhekhetselo xa tisote ta mauva. Zonake vontlhe vanhu va phalaleka, loyi ni loyi a ti yela ndlwini yakwe.

Ezra 10:1

Makunu laha Ezra a nga wa ha khongela, a ti wulela na a kari a rila, na a khizamile mahlweni ka yindlu ya Nungungulu, ku lo tsombana kakwe a gotsovanyano wa hombe nguvu wa va ka Israeli, vavanuna ni vavasati ni vanana, hakuva a vanhu va lo rila hi kubayiseka ka hombe nguvu.

Nehemia 8:2

Mupristi Ezra i lo neha milayo leyo mahlweni ka hlengeletano ya vavanuna ni vavasati, ni vontlhe lava va nga wa zi kota ku yizwa va yi pimisisa, hi siku go ranga ga hweti ya wu 7.

Eksodusi 35:22

Ku lota vavanuna ni vavasati; vontlhe lava va zi ranzako hi timbilu tabye va neha zingwavila, ni masinza, ni tiphera, ni tixakaxaka ta mitiro ya nzalama; loyi ni loyi i lo nyikela a munyikelo wakwe wa nzalama lowu a wu longiseleko Jehova.

Isaya 45:24

Ku wulilwe ku ngalo: A kululama ni ntamu zi le ka Jehova yece. Va tata kakwe na va kanganyiseka Vontlhe lava va mu zangareleko.

Mitiro 11:24

Kakuva i wa hi munhu nene, a teleko hi Moya wa ku Basa ni kukholwa; ni vanhu vo tala va lo ti nyikela ka Hosi.

Mitiro 2:41

Lava va nga amukela a timhaka takwe va lo bapatizwa; hi lego siku ku lo engetelwa a 3,000 wa vanhu lomu bandleni.

Mitiro 2:47

na va bonga Nungungulu, va ranzeka ka vanhu vontlhe; masiku ni masiku a Hosi yi lo engetela ka handla hi lava va nga hanyisilwe. Rom. 14:18; 8:30

Mitiro 22:4

Nzi wa hi muxanisi wa Ndlela leyi nzi lava ku yi daya, nzi boha vavanuna ni vavasati nzi va yisa paxweni. Xip. 8:3; Fil. 3:6; 1 Tim. 1:13

Mitiro 4:4

Kanilezi a vanyingi va lava va ngazwa a mhaka va lo kholwa; ni tsengo wa vavanuna wu wa hi kusuhani ka 5,000.

Mitiro 6:7

A mhaka ya Nungungulu yi lo anza, ni ntsengo wa vapizani wu lo enzelekelana ha hombe le Jerusalema; ni vapristi vanyingi va lo kholwa. Kol. 1:6; 2 Tim. 3:1; Joh. 12:42

Mitiro 8:12

Kanilezi laha va nga kholilwe ka Filipu, loyi a nga kanela ivangeli ya mufumo wa Nungungulu, ni vito ga Jesu Kristu, a vavanuna ni vavasati va lo bapatizwa. Xip. 1:3

Mitiro 8:3

Kanilezi Saule i lo hlasela a handla, a enghena tindlwini, a rorovisa a vavanuna ni vavasati, a va valela paxweni. 1 Kor. 15:9; Gal. 1:13

Mitiro 9:2

a ya mu kombela a mapapilo ya kuya ha wona masinagogeni ya le Damasku, lezaku loku a kuma lava va lanzako leyi Ndlela, a vavanuna kutani vavasati, a fela ku va yisa Jerusalema na va bohilwe.

Mitiro 9:31

Lezo a handla gi wa hi ni kurula a Judia gontlhe, ni le Galilea, ni le Samaria; gi lo akiswa gi famba kuchaveni ka Hosi ni kutangalisweni ka Moya wa ku Basa. Tis. 119:165

Mitiro 9:35

Vontlhe lava va nga wa akile le Lida, ni le Xaroni, laha va nga mu wona va lo hunzulukela ka Hosi.

Mitiro 9:42

A mhaka leyi yi lo tiveka le Jopa gontlhe, ni vanyingi va lo kholwa ka Hosi.

2 Va le Korinte 6:15

Hi kwihi a kuzwanana ka Kristu na Beliali ke? Kuhlengela muni a nga nako loyi a kholwako ni loye a nga kholwiko ke?

Va le Galatia 3:28

A ka hi kona muJuda hambu muGreki, a ka hi kona khumbi hambu a tlhatlhekileko, a ka hi kona wanuna hambu wasati; hakuva nwina nwentlhe mu munwe ka Kristu Jesu. Joh. 10:16; 17:21; Rom. 10:12