Mitiro 4:21 - Tshwa Bible

²¹ Zonake loku va va honokele, va lo va tsika; a va kumangi nchumu xa ku va tsayisa ha xona, hi kota ya vanhu; hakuva vanhu vontlhe va lo dumisa Nungungulu hi lezi zi mahilweko. Mat. 21:26; Lu. 20:6; 22:2; Xip. 3:7, 8

Mitiro 4:21 ပူးပေါင်းရင်းမြစ်များ

Mateu 15:31

ku kala a zidlemo zontlhe zi rewuka, loku zi wona timbeveve ti wulawula, ni zikhurubu zi hanyiswa, ni zilema zi famba, ni zikhumu zi wona; zi lo dumisa Nungungulu wa Israeli.

Mateu 21:46

va lo lava ku mu khoma, kanilezi va chava a zidlemo, hakuva a vanhu a vaku muprofeti.

Mateu 26:5

kanilezi vaku ngalo: Ngha zi nga mahiwi laha mubuzweni, ku nga vuka vilinganya xikari ka vanhu.

Mateu 9:33

Laha a dimoni na gi humesilwe, a mbeveve yi lo wulawula. A zidlemo zi lo hlamala, ziku: Cima a ku na nga wonwa zo kota lezi ka Israeli!

Mateu 9:8

Laha vanhu va nga zi wona, va lo rewuka va dumisa Nungungulu, loyi a nyikileko ntamu wa kunghahi ka vanhu.

Luka 13:17

Laha a nga wula leti timhaka, vontlhe a valala vakwe va lo chelwa tingana; ni xidlemo xontlhe xi lo tsaka hi mitiro yontlhe yo saseka leyi yi nga mahiwa hi yena.

Luka 20:19

A vatsali ni vapristi va hombe va lo lava ku mu khoma hi xikhati lexo; hakuva va wa zi tiva lezaku i kanele a mufananiso lowu ha vona; kanilezi va lo chava vanhu.

Luka 20:6

Kanilezi loku hiku: Hi ka vanhu; a vanhu vontlhe va ta hi gandla hi maribye; hakuva va kholwa nguvu lezaku Johani i wa hi muprofeti.

Luka 22:2

A vapristi va hombe ni vatsali va lo lava lezaku va nga mu dayisa kuyini Jesu, hakuva va wa chava vanhu. Tis. 2:2; Joh. 11:47; Miti. 4:27

Luka 5:26

Vontlhe va lo rewuka, va dumisa Nungungulu, na va chava nguvu, vaku: Nyamutlha hi wonile zirewukiso.

Mitiro 4:17

Kanilezi lezaku a mhaka leyi yi nga nonohisi yi hangalaka xikari ka vanhu, a hi va tsimbeteni, lezaku va nga ha wulawuli ka munhu ni munwe hi vito legi.

Mitiro 4:22

Hakuva a munhu loyi a nga hanyisilwe hi xirewukiso lexo, i wa hi ni 40 wa malembe ma hlamusa.

Mitiro 5:13

Xikari ka vanwani ku wa nga hi kona ni munhu a nga tiya ku ti tlhanganyisa na vona; kanilezi a vanhu va lo va dzunza nguvu. Joh. 9:22; 12:42; 19:38; Xip. 2:47

Mitiro 5:26

A nduna yi loya zinwe ni malanza a ku ya va neha; kanilezi va wa nga va susumetangi hi ntamu, hakuva va lo chava vanhu, vaku va nga gandliwa hi maribye. Mat. 14:5; 21:26

Mitiro 5:40

Vona va lo mu ingisa. Laha na va vitanile a vapostoli, va lo vaba, va va laya lezaku va nga ha kaneti hi vito ga Jesu, va va tsika va famba. Mar. 13:9; Lu. 20:10