Mitiro 4:19 - Tshwa Bible

¹⁹ Kanilezi Pedro na Johani, va lo va hlamula, vaku: Kutani zi sasekile mahlweni ka Nungungulu a ku ingisa nwina ku hunza ku ingisa Nungungulu, lamulani ha nwece; Xip. 5:29; Gal. 1:10

Mitiro 4:19 ပူးပေါင်းရင်းမြစ်များ

1 Tihosi 12:30

Lezo zi lo maha xionho, hakuva a vanhu va lo ya khozela mahlweni ka marole hambu ni le Dani. Ekso. 20:4

1 Tihosi 13:19

Zinghaho a munhu wa Nungungulu i lo tlhela naye, a yaga zakuga ni kunwa mati lomu ndlwini yakwe.

1 Tihosi 14:16

Jehova i ta nyikela va ka Israeli hi kota ya zionho za Jeroboamu, lezi a zi mahileko ni lezi a onhisileko va ka Israeli ha zona.

1 Tihosi 21:11

A vavanuna va muti wabye, a masingalakati ni manghanakana, lava a akeleneko navo, va lo maha khwatsi hi lezi Jezebeli a nga wa va tsalele mapapilweni a va leletela.

1 Tihosi 22:14

Mikaia i lo hlamula aku: Nzi hlambanya hi Jehova a hanyako, lezaku lezi Jehova a ta nga nzi byela, hi zalezo nzi ta nga zi wula. Mitse. 22:38

2 Tihosi 16:15

Hosi Ahaza i lo leletela mupristi, aku: U ta hisela laha ka alati legi ga hombe a munyikelo wa kuhiswa wa laha mixweni ni muphahlelo wa laha gambyeni, ni munyikelo wa kuhiswa wa hosi, ni munyikelo wa kuhiswa wa vanhu vontlhe va tiko, ni zakunwa zabye. U ta nwatsekela kwalaho a nkhata wontihe wa munyikelo wa kuhiswa; kasike a alati legi ga suku nza ha ta alakanyela ha gona.

2 Tihosi 16:16

Zinghaho mupristi Urija i lo maha zontlhe lezi a leletelweko hi Ahaza.

Tisimu 58:1

Loku mu rutisa, mu wulawula kululama ke? Nwina vana va vanhu, mu lamula hi nongameto ke?

Eksodusi 1:17

Kanilezi a masungukati ma lo chava Nungungulu; a ma mahangi kota lezi a hosi ya Gipite yi nga va leletele ku maha; kanilezi va lo ponisa vafana.

Jeremia 26:12

Jeremia i lo hlamula tontlhe tihosana ni vanhu vontlhe, aku: Jehova i nzi rumile ku profeta hi yindlu leyi ni muti lowu, hi tontlhe a timhaka leti mu ti zwileko.

Danieli 3:18

Hambu loku zi nge nghaho, zi tive hosi, lezaku hi nga ta khozela a vanungungulu va wena, ge hambu ku khizamela a xifananiso xa nzalama lexi wena u xi yimisileko. Ekso. 20:4; 23:24

Danieli 6:10

Laha Danieli a ngazwa lezaku a nayo wu tiyisilwe, i loya ndlwini yakwe, laha a tinjhanela ta kwaruto yakwe ya le hehla ti nga vululwe ngomama ni Jerusalema, a khizama hi madzolo a khongela makhati manharu hi siku, na a bonga Nungungulu wakwe khwatsi hi zikhati zi hunzileko. 1 Tih. 8:44, 48

Hosea 5:11

Efraime i tsimbeketilwe, i tshovekile kulamuleni; hakuva i wa lanzela a zileletelo lezi zi mu tsakisako.

Amosi 7:16

Makunu zwanake a mhaka ya Jehova, wena u nge: U nga profeteli Israeli, hambu ku wulawulela a yindlu ya ka Isaka.

Mika 6:16

Hakuva u hlayisa a zilayelo za Omri, ni matirela wontlhe ya yindlu ya ka Ahabi, u famba hi tindlela tabye. Hikwalaho nzi ta ku hahlula, a vaaki va wena va hlekulwa; zonake u ta rwala a nzhukano ya vanhu va mina. 1 Tih. 16:25, 26, 30-33

Mateu 22:21

Vaku ka yena: Za Kesari. Zonake i te ngalo kabye: Tlhelisani ka Kesari lezi zi nga za Kesari, ni ka Nungungulu lezi zi nga za Nungungulu. Xip. 17:25; Rom. 13:7

Luka 22:8

Jesu i lo ruma Pedro na Johani, aku: Fambani mu ya hi longisela a pasika, kasi hi fela kuga.

Johani 7:24

Mu nga lamuli hi kota ya lezi zi wonekako, kanilezi lamulani hi nongameto. Deut. 1:16; Mav. 24:23

Mitiro 4:13

Laha na va wonile a kutiya ka Pedro na Johani, na va tiva lezaku mbanhu va nga gonzangiko, va nga vanhu ntsena, va lo hlamala; zonake va lo va tiva, lezaku va wa hi zinwe na Jesu. Mat. 11:25; 1 Kor. 1:27

Mitiro 5:28

aku: Hi lo mu layisisa nguvu lezaku mu nga gonzisi hi vito legi; hambu zi hi tano, mu tatisile Jerusalema hi kugonzisa ka nwina, mu xuva ku neha a nkhata wa loyi munhu hehla ka hina. Mat. 23:35; 27:25; Xip. 4:18; 2:23; 3:15

Mitiro 5:29

Pedro ni vapostoli va lo hlamula vaku ngalo: Hi fanele ku ingisa Nungungulu ku hunza ku ingisa vanhu. Gal. 1:10

1 Va le Korinte 10:15

Nzi wulawula ku khwatsi hi ka lava va tlharihileko; pimani nwina venyi lezi nzi zi wulako.

2 Va le Korinte 4:2

kanilezi hi tsikile a zilo zi fihlilweko za tingana, a hi fambi hi mano, hambu ku bihisa a mhaka ya Nungungulu; kanilezi hi humesa zinene ziku dlunya, na hi ti yimela ka livalo la munhu munwe ni munwani mahlweni ka Nungungulu. 1 Tes. 2:3, 5

Va le Efesusi 6:1

Vanana, ingisani a vapswali va nwina Hosini, hakuva lezi zi sasekile. Mav. 23:22

1 Timote 2:3

Lezi zi sasekile, za amukeleka mahlweni ka Nungungulu a Muhanyisi wa hina, Rom. 12:2

Maheberu 11:23

Hi kukholwa Mosi na a belekilwe, i lo fihlwa tihweti tinharu hi vabeleki vakwe, hakuva va lo wona lezaku i nwanana a sasekileko; a va chavangi nchumu hi kulaya ka hosi. Ekso. 1:16; 2:2

Jakobe 2:4

Xana a mu mahi xihlawulela xikari ka nwina ke, muva Valamuli va nga ni maalakanyo ya kubiha ke?