Mitiro 26:24 - Tshwa Bible

²⁴ Na a ha ti hlamulela kota lezo, Festu aku ngalo hi gezu ga hombe: Paule, u hungukile, a wutivi ga wena ga hombe ga ku hungukisa. Joh. 10:20; 1 Kor. 1:23; 2:13, 14

Mitiro 26:24 ပူးပေါင်းရင်းမြစ်များ

2 Tihosi 9:11

Zonake Jehu i lo huma aya ka malanza ya hosi yakwe, vona vaku kakwe: Khwatsi lezo! A munhu loyi wo hunguka i wo tela yini ka wena? Yena a va hlamula, aku: Ma mu tiva khwatsi loyi munhu ni mahungu yakwe. Jer. 29:26; Hos. 9:7

Jeremia 29:26

Jehova i ku yimisile a kuva mupristi a wutshanwini ga Jehoyada a mupristi, kasi kuva kona varangeli ndlwini ya Jehova, lezaku u boha hi makhotso ni tisinga lava va hlanyako, va ti maha vaprofeti.

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Marku 3:21

Laha maxaka yakwe na ma zi zwile, va lo famba a ku ya mu khoma, hakuva va waku: Wa pepuka.

Johani 7:15

A vaJuda va lo hlamala, vaku: A munhu loyi i tivisa kuyini mitsalo, lezi cima a nga gonzangi ke? Mat. 13:54; Miti. 2:7

Johani 8:48

A vaJuda va lo hlamula, vaku kakwe: Kasi a hi wulangi zona, laha hi nge ngalo, lezaku u muSamaria, ni ku u na ni dimoni?

Johani 8:52

A vaJuda vaku kakwe: Makunu ha zi tiva lezaku u na ni dimoni. Abrahama i file, ni vaprofeti kambe; na wena u ngalo: Loku munhu a hlayisa mhaka ya mina, cima a nga tazwa kufa. Zak. 1:5; Maheb. 11:13

Mitiro 17:32

Kanilezi laha va ngazwa hi kuvuka hi ka vafileko, vanwani va lo mu tseketsela; kanilezi vanwani vaku ngalo: Hi ta tlhela hi kuzwa kambe hi mahungu laya.

Mitiro 22:1

Vamakabye ni vadadani, ingisani makunu a kutihlamulela ka mina mahlweni ka nwina. Xip. 7:2

Mitiro 24:25

Kanilezi laha a nga kanela hi kululama, ni kutikhoma, ni kulamula ku tako, Felisi i lo chava, a hlamula, aku: Ti fambele makunu, nzi ta tlhela nzi ku vitana loku nzi kuma xikhati xi nene.

Mitiro 24:27

Kanilezi na ku hunzile malembe mambiri, Porkiu Festu i lo enghena xikhundleni xa Felisi; kanilezi Felisi na a lava ku khesiwa hi vaJuda i lo siya Paule makhotsweni. Xip. 12:3; 25:9, 14

Mitiro 26:11

Lomu masinagogeni wontihe nzi lo va tsayisa zikhati zinyingi, nzi ringa ku va kurumeta a kuva va rukatela; na nzi zangarile nguvu ha vona, nzi lo va xanisa ni le mitini ya vamatiko. Xip. 22:19

1 Va le Korinte 1:23

kanilezi hina hi kanela Kristu loyi a belelweko; loyi a nga xikhunguvanyiso ka vaJuda, ni wupumbu ka vamatiko; Isa. 8:14; Mat. 11:6

1 Va le Korinte 4:10

Hina hi zipumbu hi kota ya Kristu, kanilezi nwina mu tlharihile ka Kristu; hina hi na ni gome, kanilezi nwina mu na ni ntamu; nwina ma dumiswa, kanilezi hina ha kanyiswa. Miti. 26:24; 2 Kor. 13:9

2 Va le Korinte 5:13

Hakuva loku hi hungukile, hi hungukele Nungungulu; hambu loku hi hi ni kupima ku nene, hi nako hi kota ya nwina. Xip. 11:1

2 Timote 3:15

ni lezaku a kusukela wuhlangini ga wena u tivile a mitsalo yo basa, leyi yi nga ni ntamu a ku ku maha u tlhariha, u kala u hanyiswa hi kukholwa loku ku nga ka Kristu Jesu. Tis. 119:11; Joh. 20:31; Rom. 10:17