Mitiro 26:18 - Tshwa Bible

¹⁸ a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Mitiro 26:18 ပူးပေါင်းရင်းမြစ်များ

Tisimu 119:18

Vulula mahlo ya mina, Kasi nza wona mahanjalati ya nayo wa wena.

Tisimu 146:8

Jehova wa vulula mahlo ya zikhumu, Jehova wa ololoxa lava va koramileko, Jehova wa ranza lava va lulamileko. Isa. 35:5; Mat. 11:5

Isaya 29:18

Hi siku lego a ziwiri zi tazwa a timhaka ta bhuku, Ni mahlo ya zikhumu ma ta susiwa phume ma wona munyameni;

Isaya 32:3

A mahlo ya lava va wonako ma nga ta kuva xilutsu, Ni tindleve ta lava va zwako ti ta ingisela.

Isaya 35:5

Zonake a mahlo ya zikhumu ma ta vululiwa, Ni tindleve ta ziwiri ti ta vululeka.

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 42:7

Lezaku u vulula a mahlo ya zikhumu, U tlhatlhisa tiperesu lomu paxweni. Ni ku humesa wukhumbini lava va tshamileko munyameni,

Isaya 43:8

Humesani a vanhu va zikhumu laʼva nga ni mahlo, Ni ziwiri lezi zi nga ni tindleve.

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Isaya 9:2

A vanhu lava va nga fambile munyameni va wonile a kuwonekela ka hombe; Lava va akileko tikweni ga nzhuti wa kufa A kuwonekela ku woningile hehla ka vona. Lu. 1:79; Joh. 1:9

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Mateu 4:16

A vanhu va nga tshamile munyameni va lo wona a kuwonekela ka hombe, Ni lava va nga tshamile tikweni ga nzhuti wa kufa, A kuwonekela ku woningile hehla ka vona. Isa. 42:7; Lu. 2:32

Luka 1:77

A kuva u tivisa vanhu va yona hi kuhanyiswa Kutsetselelweni ka zionho zabye,

Luka 1:79

A ku va woninga lava va tshamileko munyameni ni le nzhutini wa kufa, Ni ku rangela a mikonzo ya hina ndleleni ya kurula. Isa. 9:2; Mat. 4:16

Luka 2:32

A kuwonekela ka ku woninga a vamatiko, Ni wudzunzo ga vanhu va wena va Israeli. Isa. 9:2; 60:1, 2, 3; Miti. 13:47

Luka 24:45

Zonake i lo vulula a kupima kabye, lezaku kasi va fela ku pima mitsalo; Miti. 16:14

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

Luka 4:18

A Moya wa Hosi wu le hehla ka mina, Hakuva yi nzi totile a kuva nzi kanela a mahungu yo saseka ka lava va vumalako; Yi nzi rumile a kuba hungu hi kutlhatlhiswa ka laʼva bohilweko, Ni kutlheliselwa kuwona ka zikhumu, Ku tlhatlhisa lava va giswako mbhukutsa, Isa. 61:1

Johani 17:17

Va basise zineneni; a mhaka ya wena zinene. 2 Sam. 7:28; Miti. 15:9; Efe. 5:26

Johani 3:19

A kulamula hi kwaloku, lezaku a kuwonekela ku tile misaveni, kanilezi vanhu va ranzile munyama ku hunza kuwonekela; hakuva mitiro yabye yi wa bihile. Joba 24:13, 17; Efe. 5:13

Johani 4:10

Jesu i lo hlamula, aku kakwe: Loku u wa xi tivile a xinyikiwo xa Nungungulu, ni lezaku himani a nge ngalo ka wena: Hi nga nziha nzinwa, ngha u kombele yena, zonake ngha na yena a ku nyikile a mati ya kuhanya. Isa. 12:3; Jer. 2:13; Zak. 13:1

Johani 4:14

kanilezi kani hi wihi a nwako mati laya nzi mu nyikako wona, cima a nga tazwa tora; kanilezi a mati laya nzi mu nyikako wona, ma ta maha a xibuka xa mati nzeni kakwe, laya ma velako ma yisa wutomini ga pinzukelwa. Xip. 6:35, 58; 7:38

Johani 8:12

Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

Johani 9:39

Jesu aku: Nzi tile misaveni a ku ta lamula vanhu; lezaku kasi lava va nga woniko va fela ku wona, ni lezaku lava va wonako va maha zikhumu. Mat. 13:13; Xip. 5:22, 27

Johani 9:5

Laha nzi nga kona tikweni, nzi kuwonekela ka tiko. Xip. 1:5, 9; 3:19; 8:12

Mitiro 10:43

Hi yena loyi a vaprofeti vontlhe va mu mahelako wukustumunyu, lezaku munwe ni munwani a kholwako ka yena, i ta amukela a kurivalelwa ka zionho. Isa. 53:11; Jer. 31:34; Gal. 3:22

Mitiro 13:47

Hakuva zinghaho a Hosi yi hi layile, yiku: Nzi ku yimisile a kuva a kuwonekela ka vamatiko, Kasi uva kuhanyiswa kabye ku kala le magemeta-musi. Isa. 49:6

Mitiro 15:9

A nga hambanyisangi nchumu xikari ka hina na vona, laha a nga basise timbilu tabye hi kukholwa. Rom. 10:11; 1 Kor. 1:2

Mitiro 2:38

Pedro aku ngalo kabye: Hunzulukani, mu bapatizwa nwentlhelele vitweni ga Jesu Kristu, kutsetselelweni ka zionho za nwina; zonake mu ta amukela a xinyikiwo xa Moya wa ku Basa. Mat. 3:2, 8; Lu. 24:47; Xip. 3:19; 17:30

Mitiro 20:21

na nzi tiyisa ka vaJuda ni ka vaGreki hi kuhunzulukela ka Nungungulu, ni kukholwa hi Hosi ya hina Jesu Kristu. Xip. 2:38; Mar. 1:15; Lu. 24:47

Mitiro 20:32

Makunu nza mu veka ka Nungungulu, ni ka mhaka ya tipswalo takwe, leyi yi zi kotako a ku mu aka, ni ku mu nyika tshomba xikari ka vontlhe lava va basisilweko. Maheb. 9:15; Efe. 1:18; 1 Ped. 1:4

Mitiro 26:19

Makunu, wena hosi Agripa, nzi wa nga hi na ku kaneta a xiwoniso xa le tilweni;

Mitiro 26:23

Lezaku Kristu i yimelwe hi kuxaniseka, ni kuva wo ranga a ku vuka kufeni, aba hungu hi kuwonekela ka vanhu va hina ni ka vamatiko. Lu. 2:32; 1 Kor. 15:20; Kol. 1:18

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Va le Roma 8:17

Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye. Miti. 26:18

1 Va le Korinte 1:2

ha losa a bandla ga Nungungulu legi gi nga le Korinte, lava va basisilweko ka Kristu Jesu, lava va vitilweko a kuva vobasa, zinwe ni vontlhe lava va khongelako hi vito ga Hosi ya hina Jesu Kristu matshanwini wontihe, yi nga Hosi yabye ni ya hina, hiku: Joh. 17:19; Rom. 3:22; Xip. 8:6; 2 Tim. 1:9

1 Va le Korinte 1:30

Kanilezi i ntiro wakwe lezi nwina mu nga ka Kristu Jesu, loyi Nungungulu a nga mu yimisa a kuva wutlhari ga hina, ni kululama ka hina, ni kubasiswa ni kutirulwa.

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

2 Va le Korinte 6:14

Mu nga bohelwi ntsungwa munwe ni va nga kholwiko; hakuva kunengela muni xikari ka kululama ni kubiha ke? Kutani hi kwihi a kutlhangana ka kuwonekela ni munyama ke? Deut. 7:2, 3; 1 Sam. 5:2; Efe. 5:7

Va le Galatia 2:20

Nzi belelwe zinwe na Kristu; makunu a nza ha hanyi mina, kanilezi hi Kristu a hanyako ka mina; ni kuhanya loku nzi hanyako makunu le nyameni nzi hanya hi kukholwa ka Nʼwana wa Nungungulu, loyi a nga nzi ranza, a ti nyikela hi kota ya mina. Rom. 6:6; 2 Kor. 5:15

Va le Galatia 3:14

lezaku a xikatekiso xa Abrahama xi fela kuta ka vamatiko ha Jesu Kristu; lezaku hi amukela a xitsumbiso xa Moya hi kukholwa. Isa. 32:15; 44:3; Ezek. 36:27; Joeli 2:28; Rom. 4:9

Va le Galatia 3:2

Nza ranza ku mu wutisa hi mhaka leyi ntsena: Xana mu amukele Moya hi mitiro ya nayo, kutani hi lezi mu nga ingisa mu tlhela mu kholwa ke? Miti. 2:38; Rom. 10:16; Maheb. 6:4

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17

Va le Efesusi 1:14

lowu wu nga seve wa tshomba ya hina, kala va tirulwa lava Nungungulu a nga ti kumela vona, kasi ga dumiswa a wudumo gakwe. Miti. 20:28; Rom. 8:23; 2 Kor. 5:5

Va le Efesusi 1:18

Ngha a woninga a mahlo ya timbilu ta nwina, kasi mu fela ku tiva lezaku xini a kutsumba loku a mu vitaneleko kona, ni lezaku gi talisa kuyini a wukosi ga tshomba yakwe xikari ka vobasa, Miti. 26:18

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

Va le Efesusi 2:8

Hakuva hi kota ya tipswalo mu hanyisilwe hi kukholwa; na ku nga hi kumaha ka nwina, xinyikiwo xa Nungungulu. Rom. 4:16; Fil. 1:29

Va le Efesusi 4:18

na va pfhupelisilwe kupimeni kabye, va hambene ni kuhanya ka Nungungulu hi kota ya kungativi loku ku nga kona xikari kabye, hi kota ya kunonoha ka timbilu tabye. Miti. 26:18; Gal. 4:8; Xip. 2:12; 1 Tes. 4:5

Va le Efesusi 5:11

Ngha mu nga hlengeli ni mitiro ya munyama leyi yi nga hiko na mihanzu, kanilezi yi tsetsuleni; Levi 19:17; 1 Kor. 5:9

Va le Efesusi 5:14

Hikwalaho i ngalo: Khindlimuka wena loyi u etleleko, u vu ka hi ka vafileko, Kristu i ta ku woninga. Isa. 60:1; Joh. 5:25; Rom. 6:4, 5

Va le Efesusi 5:8

Hakuva a kale mu wa hi munyama, kanilezi makunu mu kuwonekela Hosini; fambani khwatsi hi vanana va kuwonekela,

Va le Efesusi 6:12

Hakuva a kulwa ka hina a hilwi ni nyama ni nkhata, kanilezi hilwa ni tihosana ta mimoya, ni mintamu, ni tihosi ta munyama lowu, ni mimoya ya kubiha ya le hehla. Joh. 12:31; Rom. 8:38; Kol. 1:13; 2:15

2 Timote 2:26

lezaku va ti tlharihela va pona tlhanwini wa Satani, loyi va phasilweko hi yena, lezaku va maha kuranza kakwe.

Maheberu 10:10

Hi kuranza kwaloko hi basisilwe hi kunyikelwa ka miri wa Jesu Kristu kanwe ku mbhela. Joh. 17:19

Maheberu 10:14

Hakuva hi muphahlelo munwe yena i mbhelelisile kala kupinzuka vona lava va basisilweko.

Maheberu 11:6

Kanilezi ahandle ka kukholwa a zi koteki ku mu tsakisa; hakuva loyi a tshinelako ka Nungungulu i yimelwe hi ku kholwa lezaku ku kona Nungungulu, ni lezaku yena wa chachazela lava va mu lavako.

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

1 Pedro 1:4

lezaku hiva ni tshomba leyi yi nga boliko, yi nga hiko na zivi, leyi yi nga wuniko, yi vekelweko nwina le tilweni, Kol. 1:5; 2 Tim. 4:8

1 Pedro 2:25

Hakuva mu wa pengile khwatsi hi tiyivu ti lahlekileko; kanilezi makunu mu tlhelele ka Murisi ni Muhlayisi wa mihefemulo ya nwina. Ezek. 34:6; Joh. 10:11, 14, 16

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Johani 1:9

Loku hi vumela a zionho za hina, Nungungulu i tsumbekile ni kululama, lezaku a hi tsetselela a zionho za hina, ni ku hi hlaza kontlhe a kungalulami. Tis. 32:5; 51:2; Mat. 28:13

1 Johani 2:12

Nza tsala ka nwina, vanana va tsongwani, hakuva a zionho za nwina zi tsetselelwe hi kota ya vito gakwe. Mat. 4:12; Lu. 24:47

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14

1 Johani 5:19

Hina ha zi tiva lezaku hi va ka Nungungulu, ni lezaku a tiko gontlhe gi le ntanwini wa loyi wa kubiha.

Juda 1:1

Mina Juda, nzi nga nanza ga Jesu Kristu, a nakulobye wa Jakobe, nza rungula lava va vitanilweko, va nga lava va ranzekako ka Nungungulu Dadani, va hlayiselweko Jesu Kristu, nziku: Lu. 6:16; Joh. 17:11; Rom. 1:7

Kuvululelwa 21:27

Cima ku nga ta enghena ka wona ni xihi xilo xo nyenyeza, hambu ni loyi a mahako manyala ni mawunwa; ku enghena ntsena lava va tsalilweko bhukwini ga wutomi ga Yivana. Isa. 52:1; Fil. 4:3; Xip. 3:5