Mitiro 26:13 - Tshwa Bible

¹³ Nzi wa hi laha ndleleni ni hlikanhi, Hosi, nzi lo wona a kuhatima ka le tilweni, ko hunza a kungangamela ka gambo, ku nzi renzelekela ni lava va nga hi pfhumba ginwe na mina.

Mitiro 26:13 ပူးပေါင်းရင်းမြစ်များ

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Mateu 17:2

I lo hunzuka mahlweni kabye; a nghohe yakwe yi ngangamela kota gambo, ni tinguwo takwe ti basa kota kuwonekela.

Mitiro 22:6

Ku te laha nzi nga kari nzi famba, kusuhani ni ku chikela Damasku, hi xikhati xa hlikanhi, hi xitshuketi nzi lo ranzelwa hi kuhatima ka hombe ka le tilweni. Xip. 9:3; 26:12, 13

Mitiro 22:9

Lava va nga hi zinwe na mina, va lo wona a kuhatima loko, kanilezi a gezu ga loyi a nga wulawula ka mina a va gi zwangi. Dan. 10:7; Xip. 9:7

Mitiro 26:12

Hi lezo nzi nga yela zona le Damasku, na nzi hi ni ntamu ni kulayiwa hi vapristi va hombe. Xip. 9:3; 22:6

Mitiro 26:14

Laha hi nga wa wile hasi hontlhe, nzi lozwa a gezu giku ka mina hi lirimi la xiHeberu: Saule, Saule, hi yini u nzi xanisako ke? Za tsanza ka wena ku vindla mbhanya.

Mitiro 9:3

Laha a nga wa famba, a tshinela Damasku, hi xitshuketi xa zalezo i lo ranzelwa hi kuwonekela ka le tilweni. Xip. 22:6

Kuvululelwa 1:16

Lomu canjeni gakwe ga xinene i wa hi ni ntlhanu wa tinyeleti ni timbiri; a nonwini wakwe ku lo huma a supado yo kariha ya wutlha gimbiri; a nghohe yakwe yi wa kota gambo loku gi ngangamela hi ntamu wa gona. Isa. 49:2; Miti. 26:13; Efe. 6:17

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20