Mitiro 24:14 - Tshwa Bible

¹⁴ Hakunene nza vumela ka wena lezaku nzi khozela Nungungulu wa vadadani va hina hi ndlela leyi va yi wulako Kupenga; kanilezi nzi kholwa zontlhe lezi zi tsalilweko nayweni ni lomu ka mitsalo ya vaprofeti. Xip. 9:2; 26:22; 23:23; 2 Tim. 1:3

Mitiro 24:14 ပူးပေါင်းရင်းမြစ်များ

1 Kronekele 29:18

Jehova Nungungulu wa vadadani va hina, Abrahama, na Isaka, na Israeli, maha lezaku a timbilu ta vanhu va wena tiva ni maalakanyo ni mixuvo ya kunghahi kala kupinzuka, ni kuranza ka maalakanyo yabye, u koka a timbilu tabye ka wena.

Tisimu 119:46

Nzi ta hlawutela wumboni ga wena mahlweni ka tihosi, Cima nzi nga tava na tingana.

Eksodusi 3:15

Nungungulu a engeta aku ka Mosi: U ta va byela uku: Jehova, Nungungulu wa vararu va nwina, Nungungulu wa Abrahama, Nungungulu wa Isaka, Nungungulu wa Jakobe, i nzi rumele ka nwina. Hi vito ga mina ga kala kupinzuka; i vito ga xialakanyiso xa mina zizukulwaneni zontlhe.

Amosi 8:14

Lava va hlambanyako hi xionho xa Samaria, vaku: Hi wutomi ga nungungulu wa wena Dani! niku, Hi wutomi ga ndlela ya le Berexeba! Na vonawu va tawa, va nga ha vuki kambe. 1 Tih. 12:28; Hos. 10:8

Mika 4:2

A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Mateu 10:32

Kani hi mani loyi a ta nga nzi vumela mahlweni ka vanhu, minawu nzi ta mu vumela mahlweni ka Dadani wa mina loyi a nga le tilweni. Lu. 12:8; Rom. 10:9, 10; Kuv. 3:5

Mateu 22:40

A milayo leyi mimbiri hi tshinya ga milayo yontlhe ni vaprofeti.

Mateu 7:12

Hikwalaho zontlhe lezi mu ranzako a kuva vanhu va zi maha ka nwina, va maheleniwo zona; hakuva lezi i nayo ni vaprofeti. Levi 19:18; Lu. 6:31; Rom. 13:8

Luka 1:70

Kota lezi a nga tsumbisa kaleloko hi milomu ya vaprofeti vakwe vo basa,

Luka 16:16

A nayo ni vaprofeti zi lo simamisa a kala a chikela Johani; ku sukela lexo xikhati ya kanetwa a ivangeli ya mufumo wa Nungungulu, munwe ni munwani a maha hi ntamu ku enghena ka wona. Mat. 4:17; 11:12, 13; Xip. 7:29

Luka 16:29

Kanilezi Abrahama aku ngalo: Va na na Mosi ni vaprofeti; ngha va ingisa vona. Isa. 8:20; Joh. 5:45; Miti. 15:21

Luka 24:27

Zonake i lo sangula hi ka Mosi, ni vaprofeti vontlhe, a va tlhamusela hi ka mitsalo yontlhe a timhaka leti ti kuengetilweko yena. Vesi 45; Gen. 3:16; Isa. 7:14

Luka 24:44

Aku ngalo kabye: Hi tona timhaka leti nzi nga ti kanela ka nwina, laha nzi nga wa ha hi na nwina, nziku: Timhaka tontlhe leti ti tsalilweko ha mina nayweni wa Mosi, ni ka vaprofeti, ni lomu ka Tisimu, ti fanele ku tatiseka. Mat. 16:21; Mar. 8:31

Johani 1:45

Filipu i lo kuma Nataneli, aku kakwe: Hi mu kumile loyi Mosi a nga tsala ha yena nayweni, kambe ni vaprofeti, hi Jesu wa le Nazareta, a nʼwana Josefa. Gen. 3:15; Deut. 18:18; Isa. 4:2; Mika 5:2

Mitiro 10:43

Hi yena loyi a vaprofeti vontlhe va mu mahelako wukustumunyu, lezaku munwe ni munwani a kholwako ka yena, i ta amukela a kurivalelwa ka zionho. Isa. 53:11; Jer. 31:34; Gal. 3:22

Mitiro 13:15

Anzhako ka kuva na ku gonzilwe a nayo ni vaprofeti, a varangeli va sinagoga va lo va vitana, vaku: Vamakabye, loku mu hi ni mhaka ya ku khongotela vanhu, wulani. Lu. 4:16; Maheb. 13:22

Mitiro 15:5

Kanilezi a vanwani va ntlawa wa vaFarisi, lava va kholilweko, va lo suka, vaku: Za laveka lezaku a vamatiko va engheniswa wukwera, va layiwa a kuva va hlayisa a nayo wa Mosi.

Mitiro 19:23

Hi lexo xikhati ku lo vuka a woyonga ga hombe hi kota ya leyi Ndlela. 2 Kor. 1:8; Xip. 9:2

Mitiro 19:9

Kanilezi laha a vanwani va nga ti nonohisa va nga ingisi, va wulawula kubiha hi Ndlela mahlweni ka xidlemo, yena i lo suka kabye zinwe ni vapizani, a ya gonzisa masiku ni masiku xikoleni xa Tirano. 2 Tim. 1:15; 2 Ped. 2:2; Juda 10

Mitiro 22:14

Yena aku: Nungungulu wa vakoko va hina i ku hlawule a kuva u tiva a kuranza kakwe, u wona loyi wa Kululama, ni kuzwa a gezu ga nomu wakwe. Xip. 3:13, 14; 5:30; 1 Kor. 9:1; 11:23

Mitiro 24:22

Kanilezi Felisi loyi a nga tiva khwatsi a gonzo leyi, i lo va tlhelisa, aku: Loku a tile Lisia a nduna ya hombe, nzi ta hlolisisa a mhaka ya nwina.

Mitiro 24:5

Hi kumile lezaku munhu loyi i bihile, muvuxi wa vilinganya xikari ka vontlhe vaJuda lava va akileko misaveni yontlhe, ni murangeliwa lihunzu la vaNazareta; Lu. 23:2; Xip. 6:13; 16:20; 17:6

Mitiro 25:8

Paule i lo ti hlamulela, aku ngalo: A nzi onhangi nchumu hi nayo wa vaJuda, hambu ka tempeli, ge ni ka Kesari. Xip. 6:13; 24:12; 28:17

Mitiro 26:22

Kanilezi lezi nzi kumileko a kuvuniwa hi Nungungulu, nza ha yimile kala nyamutlha, nzi kustumunya ka vatsongwani ni ka vahombe, na nzi nga wuli nchumu ahandle ka lezi a vaprofeti na Mosi va ngaku zi ta maheka. Lu. 24:27, 44; Xip. 24:14; Joh. 5:46

Mitiro 26:27

Hosi Agripa, wa kholwa vaprofeti ke? Nza zi tiva lezaku wa va kholwa.

Mitiro 26:4

A hanyela ga mina, legi nzi nga hanya ha gona xikari ka va ka hina, ni le Jerusalema, kusukela wusweni ga mina, va gi tiva vontlhe vaJuda.

Mitiro 26:6

Makunu nzi yimile laha nzi kecariwa hi kota ya ku tsumba a xitsumbiso lexi a vakoko va hina va tsumbisilweko xona hi Nungungulu; Gen. 3:15; 49:10; 2 Sam. 7:12; Isa. 7:14

Mitiro 28:22

Kanilezi ha zi ranza a kuzwa ha wena lezi u zi alakanyako; hakuva hi kukumbuka a lihunzu lolu, ha zi tiva lezaku la kanetiwa matlhelweni wontihe. Lu. 2:34; Xip. 25:5, 14; 1 Ped. 2:12

Mitiro 28:23

Laha vona va nga mu yimisele a siku, va lota ndlwini yakwe na va hi Vanyingi; yena i lo tlhamusela hi mufumo wa Nungungulu, a kustumunya ha wona, na a va pimisa hi Jesu hi le nayweni wa Mosi ni vaprofeti, a sangula ni mixo ku kala laha gambyeni. Lu. 24:27; Xip. 17:3; 19:8

Mitiro 3:13

A Nungungulu wa Abrahama, ni wa Isaka, ni wa Jakobe, a Nungungulu wa vakoko va hina, i dumisile a Nanza gakwe Jesu; loyi nwina mu nga mu nyikela ka Pilatu, mu mu kaneta mahlweni kakwe, laha yena a nga lava ku mu tlhatlha. Xip. 5:30; Joh. 7:39; 12:16; 17:1; Fil. 2:9

Mitiro 5:30

A Nungungulu wa vakoko va hina i vuxile Jesu, loyi nwina mu nga mu daya mu mu hayeka sinyeni. Xip. 10:39; Gal. 3:13; 1 Ped. 2:24

Mitiro 7:32

Hi mina Nungungulu wa vakoko va wena, a Nungungulu wa Abrahama, ni wa Isaka, ni wa Jakobe. Mosi i lo rurumela, i wa nga hi na hlana wa ku cuwuka. Mat. 22:32

Mitiro 9:2

a ya mu kombela a mapapilo ya kuya ha wona masinagogeni ya le Damasku, lezaku loku a kuma lava va lanzako leyi Ndlela, a vavanuna kutani vavasati, a fela ku va yisa Jerusalema na va bohilwe.

Va le Roma 1:9

Hakuva Nungungulu loyi nzi mu tirelako hi moya wa mina ivangelini ya Nʼwana wakwe, i kustumunyu wa mina lezaku a nzi tsiki ku mu alakanya.

Va le Roma 3:21

Kanilezi makunu ku wonekelisilwe a kululama ka Nungungulu a handle ka nayo, na ku kustumunyelwe hi nayo ni vaprofeti, Maheb. 11:4; 1 Ped. 1:10; 2 Ped. 1:1

1 Va le Korinte 11:19

Hakuva ku fela kuva kona mitlawa xikari ka nwina, kasi ku ta woneka lava va nga va nene xikari ka nwina. Lu. 17:1; 1 Joh. 2:19

Va le Galatia 5:20

Ni ku khozela vanungungulu va hava, a wutumbe, a wulala, a timholova, a xiluse, a zanga, a kubangana, a kuhambana, a kukanetana,

2 Timote 1:3

Mina nza mu bonga Nungungulu, loyi nzi mu tirelako hi livalo li basileko, kukotisa vakokwani, lezaku a mumu ni wusiku a nzi tsiki ku ku alakanya mikombelweni ya mina,

Titusi 3:10

A munhu loyi a gonzisako lezi zi hambanako ni zinene, u ta tsawukana naye anzhako ka kuva na u mu lulekile kanwe kutani kumbiri; Mat. 18:17; 2 Kor. 13:2; 2 Tim. 3:5; 2 Joh. 10

1 Pedro 1:11

na va lavisisa lezaku xikhati muni, kutani xi tava xa kuyini a xikhati lexi xi nga kombiwa hi Moya wa Kristu lowu wu nga hi ka vona, laha wu nga kustumunya hi mahlweni hi zixaniso za Kristu, ni kungangamela loku ku ta nga lanzela hi lenzhako. Isa. 53:3; Dan. 9:26; 2 Ped. 1:21

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9