Mitiro 20:27 - Tshwa Bible

²⁷ Hakuva a nzi lovangi a kuba hungu ka nwina hi khungo gontlhe ga Nungungulu. Lu. 7:30; Joba 15:15; Efe. 1:11

Mitiro 20:27 ပူးပေါင်းရင်းမြစ်များ

Tisimu 32:11

Tsakeleni Jehova, mu nengela nwina va kululama, Mu hlalela hi litsako nwina nwentlhe mu longamileko mbilwini. Fil. 4:4

Tisimu 40:10

Mina a nzi fihlangi a kululama ka wena mbilwini yanga; Nzi tlhatlhambutele a kutsumbeka ka wena ni kuhanyisa ka wena. A nzi tumbetangi a wunene ga wena ni zinene za wena le hlengeletanweni wa hombe.

Jeremia 23:22

Loku va wa yimile hubyeni ya mina, ngha va tivisile a vanhu va mina a timhaka ta mina, va va hunzulusa ndleleni yabye yo biha, ni ka zimaho zabye zo biha.

Jeremia 26:2

Jehova i ngalo: Yima hi laha hubyeni ya yindlu ya ka Jehova, u wulawula ka vanhu ya miti ya ka Juda, lava va tako ku ta khozela ndlwini ya ka Jehova, a timhaka tontlhe leti nzi ku layileko a ku ti kanela kabye, u nga siyi yo siya. Deut. 4:2; Jer. 7:2

Jeremia 34:6

Jeremia muprofeti i lo byela Zedekia hosi ya ka Juda tontlhe leti timhaka le Jerusalema,

Jeremia 42:21

Nzi mu byelile-ke nyamutlha, kanilezi a mu ingisangi a gezu ga Jehova a Nungungulu wa nwina ni ka xihi xilo lexi a nga nzi ruma xona ka nwina.

Ezekieli 40:4

A munhu loye ite ka mina: Nʼwana wa munhu, Cuwukisisa hi mahlo ya wena, u ti zwela hi tindleve ta wena, u xiyisisa zontlhe lezi nzi ta nga ku kombisa zona; hakuva u tisilwe laha a ku kasi nza ku kombisa zona; u ta tlhatlhambutela ka yindlu ya ka Israeli zontlhe lezi u zi wonako.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Luka 7:30

Kanilezi a vaFarisi ni vagonzisi va nayo na va nga bapatizwangi hi yena, va lo nyenya a kungo ga Nungungulu. Miti. 20:27

Johani 15:15

A nza ha mu vitani lezaku mu malanza; hakuva a nanza a gi zi tivi lezi zi mahiwako hi hosi ya gona; kanilezi nzi mu vitanile nziku mu maxaka, hakuva nzi mu tivisile zontlhe lezi nzi nga zizwa ka Dadani. Miti. 20:27

Mitiro 13:36

Hakuva anzhako ka kuva Davida a tirile a khungo ga Nungungulu xizukulwaneni xakwe, i lo etlela, a lahliwa zinwe ni vakoko vakwe, a wona kubola;

Mitiro 2:23

loyi a nyikelweko ntanwini wa nwina, hi khungo gi tiyileko ga Nungungulu, ni kutiva kakwe ka kale; nwina mu mu belele, mu mu daya hi mandla ya zihunza-milayo. Lu. 24:44; Xip. 4:28

Mitiro 20:20

lezaku a nzi mu lovelangi a timhaka ti vunako, kanilezi nzi lo mu kanelela, nzi mu gonzisa kubaseni ni lomu tindlwini,

Mitiro 20:35

Hi zilo zontlhe nzi lo mu kombisa, lezaku hi ku tira lezo mu yimelwe hi ku vunetela lava va nga ni gome, ni ku alakanya a timhaka ta Hosi Jesu, leti yena wutsumbu a nga wula, aku: Ku katekile ku nyika ku hunza ku nyikiwa. Rom. 15:1; 1 Kor. 9:12; Efe. 4:28

1 Va le Korinte 11:23

Hakuva mina nzi amukele ka Hosi lezi nzi mu tivisileko zona; lezaku a wusiku lego a nga nyikelwa ha gona, Hosi Jesu i lo teka xibaba; Gal. 1:12

2 Va le Korinte 4:2

kanilezi hi tsikile a zilo zi fihlilweko za tingana, a hi fambi hi mano, hambu ku bihisa a mhaka ya Nungungulu; kanilezi hi humesa zinene ziku dlunya, na hi ti yimela ka livalo la munhu munwe ni munwani mahlweni ka Nungungulu. 1 Tes. 2:3, 5

Va le Galatia 4:16

Xana nzi nala wa nwina, hilezi nzi mu byelako a zinene ke?

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17

1 Va le Tesalonika 2:4

Kanilezi kota lezi hi kumilweko hi Nungungulu, hi hi ni fanelo a kuva hi nyikwa a ntiro wa ivangeli, hina ha yi kanela, na ku nga hi ku xalalisa vanhu, kanilezi kasi ku xalalisa Nungungulu, loyi a hlolako timbilu ta hina. Mav. 17:3; 1 Kor. 7:25; 1 Tim. 1:11; Tit. 1:3

Joxua 8:35

Ku wa nga hi kona ni mhaka yinwe ka tontlhe timhaka leti ti leletelweko hi Mosi, yi nga kala ku gonziwa hi Joxua mahlweni ka tlhangano wontihe wa ka Israeli, ni mahlweni ka vavasati ni vanana ni valuveli lava va nga xikari kabye.