Mitiro 20:24 - Tshwa Bible

²⁴ Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Mitiro 20:24 ပူးပေါင်းရင်းမြစ်များ

1 Kronekele 11:18

A tinhenha leti tinharu ti lo Suka ti tsemakanya a mabutho ya vaFilistia, ti yakha mati le hlobyeni ya le nyangweni ya Betlehema, ti ma neha ka Davida; kanilezi Davida i lo ala ku manwa, a ma chulula mahlweni ka Jehova,

Luka 16:28

hakuva nzi na ni ntlhanu wa vanakulori; kasi a fela ku va khongotela, lezaku va ngati na vonawu ka wutshamu legi ga kuxaniseka.

Johani 15:27

Na nwina mu ta kustumunya, hakuva mu wa hi na mina hi kusanguleni. Miti. 1:8, 21; 10:39; 1 Joh. 1:1

Johani 17:4

Nzi ku dumisile misaveni, hi ku mbheta a ntiro lowu u nzi nyikileko wona a ku wu tira. Xip. 5:36; 13:31; 15:10

Mitiro 1:17

Hakuva i wa hlayilwe zinwe na hina, a amukela xiavelo xakwe ntirweni lowu. Lu. 6:16; Xip. 12:25

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

Mitiro 13:25

Laha Johani a nga lava ku mbhetisa a ntiro wakwe, aku ngalo: Mu alakanya muku nzi mina mani ke? A hi mina yena. Kanilezi wata munwe anzhako ka mina, loyi a zilato za mikonzo yakwe nzi nga faneliko ku zi tlhatlha.

Mitiro 14:3

Ahemba-lezoke a vapostoli va lo tshama kona a xikhati xa hombe, va kanela hi kutiya hi Hosi; leyi yi nga kustumunyela a mhaka ya yona ya tipswalo hi ziwoniso ni zirewukiso zi nga mahiwa hi vona. Mar. 16:20; Rom. 15:19; Maheb. 2:4

Mitiro 15:7

Anzhako ka kuva na va xuxile nguvu, Pedro i lo suka, aku ngalo kabye: Vamakabye, nwina ma zi tiva lezaku kale Nungungulu na a nzi hlawulile xikari ka nwina, lezaku a vamatiko vazwa a mhaka ya ivangeli hi nomu wa mina, va kholwa.

Mitiro 18:5

Laha Silasi na Timote va nga chikele vata hi le Makedonia, Paule i wa ti nyikela ku kanela mhaka, a kustumunya ka vaJuda lezaku Jesu hi Kristu. Xip. 17:14; Joba 32:18

Mitiro 20:21

na nzi tiyisa ka vaJuda ni ka vaGreki hi kuhunzulukela ka Nungungulu, ni kukholwa hi Hosi ya hina Jesu Kristu. Xip. 2:38; Mar. 1:15; Lu. 24:47

Mitiro 20:23

Sine lezaku a mitini yontlhe a Moya wa ku Basa wa nzi tivisa lezaku a ziboho ni zixaniso zi nzi lavelele.

Mitiro 20:32

Makunu nza mu veka ka Nungungulu, ni ka mhaka ya tipswalo takwe, leyi yi zi kotako a ku mu aka, ni ku mu nyika tshomba xikari ka vontlhe lava va basisilweko. Maheb. 9:15; Efe. 1:18; 1 Ped. 1:4

Mitiro 21:13

Kanilezi Paule i lo hlamula aku: Hikuyini mu rilako mu panza a mbilu ya mina ke? Kasi mina a nzi longelangi ku bohiwa ntsena, kanilezi ni ku fela a vito ga Hosi Jesu le Jerusalema. Xip. 20:24

Mitiro 22:21

Aku ngalo ka mina; Famba, hakuva nzi ta ku rumela kule, uya ka vamatiko. Xip. 9:15; 13:2; Rom. 1:5; 1 Tim. 2:7

Mitiro 9:15

Kanilezi a Hosi yiku ngalo ka yena: Famba, hakuva loyi hi xibya xi hlawulilweko xa mina, a ku yisa a vito ga mina ka vamatiko ni ka tihosi, ni ka vanana va ka Israeli; Xip. 13:2; Rom. 1:1; 2 Tim. 1:11

Va le Roma 11:6

Kanilezi loku ziya hi tipswalo, a za hayi hi mitiro; hakuva loku zi hi tano a tipswalo a ta hi tipswalo. Deut. 9:4, 5

Va le Roma 4:4

Makunu ka loyi a tirako a hakhelo a wu hlayiwi a ku khwatsi ngwa tipswalo, kanilezi khwatsi hi ku rihiwa. Xip. 11:6

1 Va le Korinte 15:58

Hikwalaho vamakabye va mina va ranzekako, tiyani muku ndende, mu nga tsekatseki, kanilezi mu anza mitirweni ya Hosi xontlhe xikhati, na mu tiva lezaku a ntiro wa nwina a hi wa ipahala Hosini. 2 Kro. 15:7; 2 Ped. 3:14

2 Va le Korinte 12:10

Hikwalaho nza xalala gomeni, ni kurukatelweni, ni kuvumaleni, ni le kuxanisweni, ni le kukaratekeni hi kota ya Kristu; hakuva loku nzi hi ni gome, hi kona nzi nga ni ntamu. Rom. 5:3; Xip. 7:4; 13:4

2 Va le Korinte 4:1

Kota lezi hi nga ni ntiro lowu, hi wuxinji legi hi mahelweko gona, a hi mbheli ntamu;

2 Va le Korinte 4:12

Hizalezo a kufa ku tira ka hina, kanilezi a kuhanya ku tira ka nwina.

2 Va le Korinte 5:8

Nzi ngalo: Hi tiyilehlana, na hi ranza a kuva hi rura a mirini, hi ya tshama kaya zinwe ni Hosi. Fil. 1:23

2 Va le Korinte 7:4

Nzi na ni kutsumba ka hombe ha nwina, nza ti kulisa nguvu hi kota ya nwina; nzi tele hi kutangala, nzi pupuma hi kutsaka kuxanisekeni kontlhe ka hina. 1 Kor. 1:4; Fil. 2:17

Va le Galatia 1:1

Paule, a mupostoli (na ku nga hi ka vanhu, hambu ku mahiwa hi munhu, kanilezi hi Jesu Kristu, ni Nungungulu a Dadani, loyi a nga mu vuxa hi ka vafileko), Miti. 9:6

Va le Efesusi 1:6

kasi ku dumisa a kungangamela ka tipswalo takwe, leti a nga hi nyika tona hi kota ya Xiranzwa xakwe. Isa. 43:21; Mat. 17:5; Rom. 3:24

Va le Efesusi 3:13

Hikwalaho nza mu kombela lezaku mu nga rereki hi kota ya zikarato za mina hi kota ya nwina, hakuva wudumo ga nwina.

Va le Filipi 2:17

Hambu loku a nkhata wa mina wu lombelwa muphahlelweni laha ku mahiwako muphahlo wa kukholwa ka nwina, ni lezo kambe nzi ta tsaka na nwina nwentlhe.

Va le Filipi 2:30

Hakuva i wa hi kusuhani ni kufa hi kota ya ntiro wa Kristu, a nyikela wutomi gakwe mhangweni kasi ku ta nzi nyika lezi zi nga kiyela a ku nzi khozeleni ka nwina. 1 Kor. 16:17; Xip. 4:10

Va le Kolosi 1:24

Makunu nza tsaka kuxanisekeni ka mina, loku nzi xanisekako hi kota va nwina; nzi tatisa nyameni ya mina lezi zi nga sele a kuxanisekeni ka Kristu hi kota ya miri wakwe, wu nga bandla gakwe. Efe. 1:23; Fil. 3:10

1 Va le Tesalonika 2:2

Kanilezi hambu lezi hi nga rangile hi xaniseka ni ku khonʼwa hi tingana le Filipi (kota lezi mu zi tivako), hi lo tiya-hlana ka Nungungulu wa hina, hi kanela ka nwina a ivangeli hi kulwa ka hombe. Miti. 16:22; 17:2

1 Va le Tesalonika 3:3

lezaku ku nga tsekatsekiswi ni munwe hi zixaniso lezi; hakuva ma zi tiva lezaku hina hi yimelwe hi kuva nazo. Joh. 16:33; Miti. 9:16; Efe. 3:13

2 Timote 1:12

Hi kota ya lezo nza xaniseka hi lezi zilo; kanilezi a nzi na tingana, hakuva nza mu tiva loyi nzi kholwako kakwe; nza tsumba lezaku i na ni ntamu wa ku hlayisa lezi nzi zi vekileko ka yena, a zi hlayisela lego siku. 1 Ped. 4:19

2 Timote 3:11

ni le kuxanisweni, ni kuxanisekeni loku nzi nga humelelwa ha kona le Antiokia, ni le Ikoniume, ni le Listra. Kuxaniseka ka kuyini nzi nga hi nako! kanilezi Hosi yi lo nzi hlanguta ka kona kontlhe. Tis. 34:19; Miti. 13:45; 14:2; 2 Kor. 1:10

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Titusi 1:3

kanilezi hi xikhati xakwe i lo wonekelisa a mhaka yakwe hi mahungu lawa nzi nga nyikiwa wona hi kulaya ka Nungungulu, a Muhanyisi wa hina. 1 Tes. 2:4; 2 Tim. 1:10

Titusi 2:11

Hakuva a tipswalo ta Nungungulu ti wonekile, ti neha kuhanyiswa ka vanhu vontlhe, Joh. 1:9; 1 Tim. 2:4

Maheberu 10:34

Hakuva mu lo va zwela wusiwana lava va nga lomu makhotsweni, kambe mu lo vumela hi kutsaka laha mu nga wutlelwa a zibya za nwina, na mu tiva lezaku mu na ni za chukwana, lezi zi te ku tsoma. Lu. 12:33; Miti. 5:41; Fil. 1:7

1 Pedro 5:12

Mina nzi tsalile a timhaka leti ti tsongwani ha yena Silvanusi, a nakulori a tsumbekileko hi kuwona ka mina, kasi ku mu khongotela ni ku maha wukustumunyu lezaku a tipswalo ti nene ta Nungungulu hi leti. Yimani muku nde ka tona. 1 Kor. 15:1; 2 Kor. 1:19

1 Johani 3:16

Ha li tiva liranzo hi kota ya lexi, lezaku Jesu i lo nyikela kuhanya kakwe hi kota ya hina; hikwalaho hi yimelwe hi ku nyikela a kuhanya ka hina hi kota ya vamakabye. Joh. 3:16; Rom. 5:8

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

Kuvululelwa 6:11

Ku lo hiwa ka munwe ni munwani wa vona a nguwo yo basa yo leha; va lo byeliwa a kuva va humula xikhatanyana, wu kala wu tatiseka a ntsengo wa malanza-kulobye ni vamakabye lava va ta nga dawa khwatsi hi vona. Tis. 68:17; Maheb. 12:22