Mitiro 2:43 - Tshwa Bible

⁴³ A munwe ni munwani i wa hi ni kuchava mbilwini; a zirewukiso zinyingi ni ziwoniso zi lo mahiwa hi vapostoli, Mar. 16:17

Mitiro 2:43 ပူးပေါင်းရင်းမြစ်များ

Estere 8:17

Matikweni wontihe, ka muti ni muti lowu a mhaka ni zileletelo za hosi zi chikelako, a vaJuda va wa tsaka va maha mubuzo ka siku lego. Vanhu vanyingi va matiko lawo va lo ti maha vaJuda, hakuva a vaJuda va wa mahelwa xichavo xa hombe.

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Marku 16:17

A ziwoniso zi ta nga mahiwa hi lava va kholwako hi lezi: Hi vito ga mina va ta hlongola madimoni, va wulawula hi tirimi tiswa; Lu. 10:17; Miti. 2:4, 16, 18

Luka 7:16

Vanhu vontlhe va lo chava, va dumisa Nungungulu, vaku: Ku humele muprofeti wa hombe xikari ka hina; niku: Nungungulu i enzele a vanhu vakwe. Joh. 4:19

Luka 8:37

A vanhu vontlhe va le Gerasa va lo mu kombela a kuva a suka ka vona; hakuva va wa khomilwe hi kuchava ka hombe; zonake Jesu i lo enghena ngalaveni, a tlhela. Mat. 8:34; Miti. 16:39

Johani 14:12

Hizinene nziku ka nwina: Loyi a kholwako ka mina, yenawu i ta maha mitiro leyi nzi yi mahako; ni mitiro ya hombe yo hunza leyi i ta yi maha, hakuva nziya ka Dadani. Mat. 21:21

Mitiro 2:22

Nwina madota ya ka Israeli, ingisani leti timhaka: Jesu wa le Nazareta, loyi a nga mahelwa wumboni mahlweni ka nwina hi Nungungulu, hi mitiro ya ntamu, ni zirewukiso ni ziwoniso, lezi Nungungulu a nga zi maha ha yena xikari ka nwina, kota lezi mu zi tivako nwina wutsumbu; Maheb. 2:4

Mitiro 4:33

A vapostoli va lo kustumunya hi ntamu wa hombe hi kuvuka ka Hosi Jesu; ni tipswalo ta hombe ti wa hi hehla ka vona vontlhe. 1 Tes. 1:5; Xip. 1:22; 2:47

Mitiro 5:5

Laha Ananiasi na a zwile magezu lawa i lowa hasi afa; vontlhe lava va nga zizwa va lo chava nguvu.

Mitiro 9:34

Pedro aku ngalo kakwe: Eneasi, Jesu Kristu wa ku hanyisa: vuka, u songa a sango ga wena. Zalezo i lo vuka. Mat. 9:6; Joh. 5:8

Mitiro 9:40

Kanilezi Pedro i lo va humesa vontlhe, a khizama a khongela; zonake na a hunzulukele xirumbini, i te ngalo: Tabita, vuka! Yena i lo hafula mahlo, ni laha a nga wona Pedro, i lo vuka a tshama. Mat. 9:25; 1 Tih. 17:19-23; Xip. 7:60