Mitiro 2:30 - Tshwa Bible

³⁰ Makunu lezi a nga hi muprofeti, na a zi tiva lezaku Nungungulu i wa hlambanyile ka yena hi xifungo, lezaku i ta veka munwe wa lixaka lakwe laha xitshanwini xakwe xa wuhosi; 2 Sam. 7:13; Tis. 132:11; Lu. 1:32; Rom. 1:3

Mitiro 2:30 ပူးပေါင်းရင်းမြစ်များ

2 Samueli 23:2

A Moya wa Jehova wu wulawulile ha mina, A mhaka yakwe yi lomu lirimini la mina. Mat. 22:43; 2 Ped. 1:21

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Jeremia 30:9

Kanilezi va ta tirela Jehova, Nungungulu wabye, Na Davida, hosi yabye, Loyi nzi to va vuxela yena.

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Mateu 22:43

Aku ngalo kabye: Loku zi hi tano, hikuyini Davida a wulako hi Moya a mu vitana Hosi, aku:

Mateu 27:35

Laha na va mu belele, va lo avelana a tinguwo takwe hi ku hlahluva tihlolo. Mar. 15:24; Lu. 23:34; Joh. 19:24

Marku 12:36

Kasi Davida i wulile hi Moya wa ku Basa, aku: Hosi yi te ngalo ka Hosi ya mina, Tshama hi le reveni ga mina ga xinene, Kala nzi veka a valala va wena a kuva xikhegetelo xa mikonzo ya wena. 2 Sam. 23:2; Tis. 110:1

Luka 24:44

Aku ngalo kabye: Hi tona timhaka leti nzi nga ti kanela ka nwina, laha nzi nga wa ha hi na nwina, nziku: Timhaka tontlhe leti ti tsalilweko ha mina nayweni wa Mosi, ni ka vaprofeti, ni lomu ka Tisimu, ti fanele ku tatiseka. Mat. 16:21; Mar. 8:31

Mitiro 1:16

Vamakabye, zi wa lavekile lezaku a Mutsalo wu tatiseka, lowu Moya wa ku Basa wu nga profeta hi kale hi nomu wa Davida ha Judasi, loyi a nga wa hi murangeli wa vona lava va nga khoma Jesu. Tis. 41:9; Joh. 18:3

Va le Roma 1:3

yi nga ivangeli hi Nʼwana wakwe, loyi a nga belekiwa lixakeni la Davida hi tlhelo ga miri.

Va le Roma 15:12

Na Isaya i ngalo: Ku ta baleka ximilwa mutswini wa ka Jese, Loyi a ta ngata ku ta fumela a vamatiko; A vamatiko va ta tsumba ka yena. Isa. 9:6, 7; 11:1; Kuv. 5:5; 22:16

2 Timote 2:8

Alakanya Jesu Kristu loyi a vukileko hi ka vafileko, wa pswalo wa Davida, khwatsi hi kuwula ka ivangeli leyi nzi yi kanelako, Miti. 2:30; 13:23; Rom. 2:16; 1 Kor. 15:1

Maheberu 1:1

Nungungulu i lo wulawula kale hi zikhati ni zikhati ka vakokwani hi vaprofeti hi mawulawulela ma tsalangeneko; Mitse. 12:6, 8

Maheberu 3:7

Hikwalaho, kota lezi wu wulako a Moya wa ku Basa, wuku: Nyamutlha loku muzwa a gezu gakwe, Tis. 95:7

Maheberu 4:7

yena a engeta a veka siku go kari, gaku: Nyamutlha; hakuva loku ku hunzile a xikhati xo leha i wula bhukwini ga Davida, kota lezi a wulileko kale, ku ngalo: Nyamutlha loku muzwa a gezu gakwe, Mu nga nonohisi a timbilu ta nwina. Tis. 95:7

Maheberu 6:17

Hikwalaho laha Nungungulu a nga ranza ku kombisa ka zigatshomba lezaku a khungo gakwe hi legi gi nga hunzulukiko, i lo gi tiyisa hi kuhlambanya; Rom. 11:29; Xip. 11:9

Maheberu 7:21

Hakunene a vanwani va enghenisilwe xikhundleni xa wupristi a handle ka kuhlambanya, kanilezi yena i lo engheniswa hi kuhlambanya hi loyi a ngaku ngalo kakwe: A Hosi yi hlambanyile, yi nga ha ta hunzuluka, yite: Wena u mupristi kala kupinzuka. Tis. 110:4

2 Pedro 1:21

Hakuva cima a ku na kuprofeta loku ku tileko hi kuranza ka munhu; kanilezi vanhu na va susumetilwe hi Moya wa ku Basa va lo kanela lezi zi nyikilweko vona hi Nungungulu. Lu. 1:70; Miti. 1:18; 2 Tim. 3:18

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4