Mitiro 2:14 - Tshwa Bible

¹⁴ Kanilezi Pedro i lo suka, a yima zinwe ni vakhume ni munwe, a tlakusa gezu, a kanela kabye, aku: Nwina madota ya le Judia, na nwina nwentlhe lava mu akileko Jerusalema, ngha na mu tiva lezi, mu ingisa a timhaka ta mina.

Mitiro 2:14 ပူးပေါင်းရင်းမြစ်များ

Mavingu 8:32

Hikwalaho vana vanga, nzi ingiseni! a katekile lava va hlayisako tindlela ta mina.

Isaya 40:9

Kanzihani xitsungeni xo tlakuka Nwina lava mu nehelako Zioni a mahungu yo saseka, Tlakusani magezu ya nwina hi ntamu, Nwina lava mu nehelako Jerusalema mahungu yo saseka. Tlakusani magezu ya nwina, mu nga chavi, Byelani miti ya ka Juda, muku: Langutani Nungungulu wa nwina.

Isaya 51:1

Nzi ingiseni nwina lava mu hlotako kululama, Nwina lava mu lavako Jehova. Cuwukani ka ribye legi mu tekilweko ka gona, Ni ka mugodi lowu mu humesilweko ka wona.

Isaya 51:4

Ingisa, wena tiko ga mina, Mu kangatela ndleve, nwina hlengeletano ya mina; Hakuva a nayo wu ta huma ka mina, Nzi maha nongameto wa mina a kuva kuwonekela ka tiko.

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Isaya 52:8

A varinzeli va wena va ta kanyuluka, va yimbelela vontlhe hi gezu ginwe, Hakuva hi mahlo yabye va ta wona a kuwuya ka Jehova le Zioni.

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Isaya 58:1

Kanyuluka hi ntamu, u nga tsetsi a gezu ga wena; Tlakusa a gezu ga wena giku khwatsi i mpunzu, U tlhatlhambutela ka tiko ga mina a kuhambunyeta ka gona, Ni ka yindlu ya ka Jakobe a zionho zabye.

Hosea 8:1

Vekela a paratana nonwini wa wena. A nala wa haha kukotisa a gama ngomama ni yindlu ya Jehova, hakuva va tshovile a xivumelwano xa mina ni nayo wa mina. Deut. 28:49; Isa. 58:1; Jer. 4:13

Mateu 2:1

Laha Jesu na belekilwe Betlehema wa le Judia, a masikwini ya hosi Herodi, a vanhu vo tlhariha va le Mutsuwuka-gambo va lota le Jerusalema, vaku: Lu. 2:4, 6, 7

Mitiro 1:26

Zonake va lo va hlahluveta, ni hlolo yi lo khoma Matiasi. Yena i lo hlayelwa zinwe ni vapostoli va khume ni munwe. Levi 16:8

Mitiro 13:16

Paule i lo suka a yima, a khweneta hi canja, aku ngalo: Madota ya ka Israeli, na nwina lava mu chavako Nungungulu, ingisani.

Mitiro 2:22

Nwina madota ya ka Israeli, ingisani leti timhaka: Jesu wa le Nazareta, loyi a nga mahelwa wumboni mahlweni ka nwina hi Nungungulu, hi mitiro ya ntamu, ni zirewukiso ni ziwoniso, lezi Nungungulu a nga zi maha ha yena xikari ka nwina, kota lezi mu zi tivako nwina wutsumbu; Maheb. 2:4

Mitiro 21:28

va kanyuluka, vaku: Vavanuna va ka Israeli, hi vuneni! Hi loyi munhu a gonzisako vanhu matshanwini wontihe a za ku hambana ni tiko ga hina, ni nayo, ni legi wutshamu. Tlhatakumbiri i nehile vaGreki lomu tempeleni, a nyenyezisa wutshamu legi go basa. Xip. 24:5, 6

Mitiro 5:35

Aku ngalo ka hubye: Nwina madota ya ka Israeli, ti woneleni hi ku kumbuka lava vanhu, lezi mu lavako ku va maha zona.

Mitiro 7:2

Stefani aku ngalo: Vamakabye ni vadadani, nzi ingiseni. A Nungungulu wa kungangamela i lo woneka ka koko wa hina Abrahama, laha a nga wa hi le Mesopotamia, na a nga se ku aka Harani,

Deuteronome 27:9

Mosi i lo wulawula zinwe ni vapristi va vaLevi ka vaIsraeli vontlhe, aku: Miyela, Israeli, u ingisa! Inyamutlha u tiko ga Jehova Nungungulu wa wena.

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9