Mitiro 19:18 - Tshwa Bible

¹⁸ A vanyingi va lava va nga kholilwe va lota, va ta vumela va hlawutela a zimaho zabye. Mal. 3:6

Mitiro 19:18 ပူးပေါင်းရင်းမြစ်များ

Tisimu 32:5

Nzi ku tivisile a kuonha ka mina, A kugoha ka mina a nzi ku fihlangi. Nzi te ngalo: Nzi ta vumela a zihambuko za mina ka Jehova; Zonake u tsetselele a nanzu wa kuonha ka mina. (Sela.) 2 Sam. 12:13; 1 Joh. 1:9

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Ezekieli 36:31

Zonake mu ta alakanya a tindlela ta nwina to biha, ni zimaho za nwina zo nyenyeza. Mu ta ti swihala hi kota ya kubiha ka nwina ni manyalataniso ya nwina.

Levi 16:21

Aroni i ta tlhateka mandla yakwe laha hlokweni ya mhongo leyi yi hanyako, zonake i ta wulela hehla ka yona zontlhe zionho za vanana va ka Israeli, ni milanzu yabye yontlhe, hambu ni xihi xihambuko i ta xi veka hlokweni ya mhongo, zonake yi ta heleketwa le xiwuleni hi munhu loyi a yimiselweko ntiro lowo.

Levi 26:40

Kanilezi loku vona va wulela kuonha kabye, ni kuonha ka vadadani vabye loku va nzi goheleko; va vumela lezaku va hambene na mina;

Mateu 3:6

va lo bapatizwa hi yena congweni wa Jordani, va wulela zionho zabye. Miti. 19:4, 18

Mitiro 19:17

A mhaka leyi yi lo tibyiwa hi vaJuda ni vaGreki vontlhe lava va nga akile Efesusi; vontlhe va lo telwa hi kuchava, ni vito ga Jesu gi lo kuliswa. Lu. 1:65; Xip. 2:43; 5:5

Mitiro 19:19

Ni vanyingi lava va tirileko za wutumbe, va lo neha mabhuku yabye, va ta ma hisa mahlweni ka vontlhe: va lo hlaya a ntsengo wa wona, va kuma 50,000 wa macheleni.

Va le Roma 10:10

Hakuva munhu wa hlayelwa kululama hi kota ya kukholwa ka mbilu, a hanyiswa hi kuvumela hi nomu.

Jakobe 5:16

Hikwalaho tivisanani a zionho za nwina, mu khongelelana, kasi ma hanyiswa. A mukombelo wa munhu a lulamileko wa vuna nguvu. Gen. 20:17; Mitse. 11:2; Jox. 10:12

1 Johani 1:9

Loku hi vumela a zionho za hina, Nungungulu i tsumbekile ni kululama, lezaku a hi tsetselela a zionho za hina, ni ku hi hlaza kontlhe a kungalulami. Tis. 32:5; 51:2; Mat. 28:13