Mitiro 18:5 - Tshwa Bible

⁵ Laha Silasi na Timote va nga chikele vata hi le Makedonia, Paule i wa ti nyikela ku kanela mhaka, a kustumunya ka vaJuda lezaku Jesu hi Kristu. Xip. 17:14; Joba 32:18

Mitiro 18:5 ပူးပေါင်းရင်းမြစ်များ

Jeremia 20:9

Loku nziku: Nzi nga ta ha mu kumbuka, Hambu ku xuxa vitweni gakwe; Zonake ku kona a mbilwini ya mina a ku fanana ni nzilo wu vurako, Na wu valelwe lomu marambyini ya mina, Nzi rerekile hi ku ti khoma, a nza ha zi koti.

Jeremia 6:11

Hikwalaho nzi tele hi zanga ya Jehova, Nzi karele hi ku ti khoma. Yi chulule hehla ka vanana lomu maruweni, Ni hehla ka tihlengeletano ta majaha, A nuna ni sati va ta khonwa zinwe, A zikhosana ni loyi a teleko hi masiku.

Ezekieli 3:14

Zonake a moya wu to nzi tlakula, wu nzi susa. Nzi lo famba hi kukarateka na nzi hiseka moyeni wa mina, ni canja ga Jehova gi wa tira hi ntamu hehla ka mina.

Mika 3:8

Kanilezi mina nzi tele hi ntamu hi wona Moya wa Jehova, nzi tele hi nongameto ni wunhenha a kuva nzi tlhatlhambutela ka Jakobe a zihambunyeto zakwe ni ka Israeli a kuonha kakwe.

Luka 12:50

Ku kona a kubapatiza loku nzi ta nga bapatizwa ha kona; nzi xanisekisa kuyini ku kala ku mbhetiseka! Mat. 20:22; Mar. 10:38

Luka 16:28

hakuva nzi na ni ntlhanu wa vanakulori; kasi a fela ku va khongotela, lezaku va ngati na vonawu ka wutshamu legi ga kuxaniseka.

Johani 1:41

A kusangula i lo kuma nakulobye Simoni, aku kakwe: Hi mu kumile Messia, (hi kutlhamusela ku ngalo, Kristu).

Johani 10:24

A vaJuda va lo ta mu ranzela, vaku ngalo kakwe: U ta hi rivata kala rini? Loku u hi Kristu, hi byele ziku dlunya,

Johani 15:27

Na nwina mu ta kustumunya, hakuva mu wa hi na mina hi kusanguleni. Miti. 1:8, 21; 10:39; 1 Joh. 1:1

Johani 3:28

Nwina mu vakustumunyu va mina, lezaku nzi te ngalo: A hi mina Kristu, kanilezi nzi rumilwe a ku mu rangela. Mat. 3:1; Mar. 1:2; Lu. 1:17

Mitiro 10:42

I lo hi layisisa ku kanela ka vanhu, ni ku tiyisa lezaku hi yena loyi a yimisilweko hi Nungungulu a ku maha mulamuli wa va hanyako ni vafileko. Mat. 28:19; Joh. 5:22

Mitiro 15:22

Zonake a vapostoli ni masingalakati, zinwe ni handla gontlhe, vaku, zi sasekile loku ku hlawuliwa a vavanuna xikari kabye, va va rumela Antiokia zinwe na Paule na Barnabasi; ku hlawuliwa Judasi a vitwako Barsaba, na Silasi, va nga varangeli xikari ka vamakabye.

Mitiro 16:1

Zonake i lo chikela le Derbe ni le Listra. Laho ku wa hi kona a mupizani wo kari, a vitwako Timote, loyi a nyine wakwe a nga hi muJuda a kholilweko, kanilezi a raru wakwe i wa hi muGreki. Xip. 14:6; Rom. 16:21; Fil. 2:19

Mitiro 16:12

Ku sukela laho hi loya le Filipi, lowu wu nga muti wa hombe tikweni ga Makedonia, gi nga kolonia ga vaRoma; hi loxwa mutini lowo a masiku yo kari. Fil. 1:1

Mitiro 16:9

Ni wusiku ku lo woneka a muwoniso ka Paule, wa wanuna wa le Makedonia a nga yima a mu khongotela, aku: Tlhatuka, uta leno Makedonia, u ta hi vunetela. Mitse. 12:6; Xip. 10:30

Mitiro 17:3

a va tlhatlhambutela ni ku va kombisa aku zi wa lavekile lezaku Kristu a xaniseka, a tlhela a vuka hi ka vafileko; ni lezaku Jesu loyi nzi mu kanelako ka nwina, hi yena Kristu. Lu. 24:26, 46; Xip. 18:28

Mitiro 18:28

hakuva i lo kanetisana ni vaJuda hi ntamu, a va kona mahlweni ka vanhu, a kombisa hi Mitsalo lezaku Jesu hi Kristu. Xip. 9:22; 17:3

Mitiro 2:36

Hikwalaho ngha yindlu yontlhe ya Israeli yi tiva hi kutiyisilweko, lezaku Nungungulu i mu mahile Hosi ni Kristu, yena Jesu loyi mu nga mu belela. Xip. 5:31

Mitiro 20:21

na nzi tiyisa ka vaJuda ni ka vaGreki hi kuhunzulukela ka Nungungulu, ni kukholwa hi Hosi ya hina Jesu Kristu. Xip. 2:38; Mar. 1:15; Lu. 24:47

Mitiro 20:23

Sine lezaku a mitini yontlhe a Moya wa ku Basa wa nzi tivisa lezaku a ziboho ni zixaniso zi nzi lavelele.

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Mitiro 4:20

hakuva a hi zi koti ku miyela ni lezi hi zi wonileko, ni lezi hi zi zwileko. Xip. 1:8; 2:32; 22:15; 1 Joh. 1:1

Mitiro 9:22

Kanilezi Saule i lo enzeleka hi ntamu, a hlula a vaJuda lava va nga hi le Damasku, a va kombisa lezaku Jesu hi Kristu. Xip. 18:28

2 Va le Korinte 1:19

Hakuva a Nʼwana wa Nungungulu, yena Jesu Kristu, loyi a nga xumayelwa xikari ka nwina hi mina na Silvanusi na Timote, a nga mahangi wa Ina ni Ahihi, kanilezi a kakwe ku na ni Ina xontlhe xikhati. Ekso. 3:14; Mar. 1:1; Lu. 1:35; Miti. 9:20; Maheb. 13:8

2 Va le Korinte 11:9

Laha nzi nga hi muvumali xikhatini lexi nzi nga hi xikari ka nwina, a nzi binzisangi munhu; hakuva laha vamakabye va ngata hi le Makedonia va lo nzi vuna hi lezi nzi nga zi vumala; nzi lo ti hlayisa ha nzoce nzi nga mu binzeli, nza ha ta ti hlayisisa zalezo. Miti. 20:33; Xip. 12:14; Fil. 4:10

2 Va le Korinte 5:14

Hakuva a liranzo la Kristu la hi kurumeta, kota lezi hi alakanyako ku ngalo: Munwe i lo fela vontlhe, hikwalaho vontlhe va file. Rom. 5:15

Va le Filipi 1:23

Hakuva nzi kokiwa hi matlhelo mambiri; nzi navela ku suka nzi ya tshama na Kristu, hakuva zi sasekile nguvu; 2 Kor. 5:8; 2 Tim. 4:6

1 Va le Tesalonika 3:2

Hi lo ruma Timote, a makabye wa hina tlhelo nanza ga Nungungulu ivangelini ya Kristu, lezaku a ta mu tiyisa ni ku mu luleka xungetano ni kukholwa ka nwina, Rom. 16:21; 2 Kor. 1:19

1 Va le Tesalonika 3:6

Kanilezi laha Timote na wuyile hi leyo ka nwina, a ta hi bikela a mahungu ya kutsaka ya kukholwa ka nwina ni liranzo la nwina, ni lezaku ma hi alakanya xikhati xontlhe, na mu navela ku hi wona, kota lezi na hinawu hi navelako ku mu wona nwina; Miti. 18:1; Fil. 1:8

1 Pedro 5:12

Mina nzi tsalile a timhaka leti ti tsongwani ha yena Silvanusi, a nakulori a tsumbekileko hi kuwona ka mina, kasi ku mu khongotela ni ku maha wukustumunyu lezaku a tipswalo ti nene ta Nungungulu hi leti. Yimani muku nde ka tona. 1 Kor. 15:1; 2 Kor. 1:19