Mitiro 18:26 - Tshwa Bible

²⁶ I lo sangula ku kanela hi kutiya sinagogeni. Kanilezi laha Prisila na Akwila va nga mu zwile, va lo mu yisa kaya kabye, va ya mu tlhamusela khwatsi a ndlela ya Nungungulu.

Mitiro 18:26 ပူးပေါင်းရင်းမြစ်များ

Mavingu 1:5

Loyi a tlharihileko i fela kuzwa, a enzelekisa wutivi, oyi a nga ni kupimisisa i ta ti kumela makungo ma nene,

Mavingu 25:12

A mululeki a layako hi wutlhari a ndleve yi ingisako fanana ni phera ya nzalama, ni xingwavila xa nzalama yi hlutilweko.

Mavingu 9:9

Gonzisa a tlhari, yi ta tlhariha nguvu; onzisa a munhu a lulamileko, i ta enzeleka gonzweni yakwe.

Isaya 58:1

Kanyuluka hi ntamu, u nga tsetsi a gezu ga wena; Tlakusa a gezu ga wena giku khwatsi i mpunzu, U tlhatlhambutela ka tiko ga mina a kuhambunyeta ka gona, Ni ka yindlu ya ka Jakobe a zionho zabye.

Marku 10:15

Hizinene nziku ka nwina: Loyi a nga amukeliko a mufumo wa Nungungulu kota nwanana, cima a nga ta enghena ka wona. Mat. 18:3

Luka 19:26

Aku: Nza mu byela lezaku kani himani a nga nazo, i ta nyikiwa zinwani; kanilezi loyi a nga hiko nazo, hambu ni lexi a nga naxo xi ta tekiwa ka yena. Mat. 13:12; 25:29; Mar. 4:25

Luka 24:27

Zonake i lo sangula hi ka Mosi, ni vaprofeti vontlhe, a va tlhamusela hi ka mitsalo yontlhe a timhaka leti ti kuengetilweko yena. Vesi 45; Gen. 3:16; Isa. 7:14

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

Mitiro 14:3

Ahemba-lezoke a vapostoli va lo tshama kona a xikhati xa hombe, va kanela hi kutiya hi Hosi; leyi yi nga kustumunyela a mhaka ya yona ya tipswalo hi ziwoniso ni zirewukiso zi nga mahiwa hi vona. Mar. 16:20; Rom. 15:19; Maheb. 2:4

Mitiro 18:18

Paule na a tshamile kona a masiku yo tala, i lo onekana ni vamakabye, a famba hi taru aya Siria, zinwe na Prisila na Akwila; na a cingile hloko le Kenkrea, hakuva i wa ti bohile hi kuhlambanya. Mitse. 6:18; Xip. 21:24; Rom. 16:1

Mitiro 18:25

I wa gonzisilwe hi ndlela ya Hosi; ni kota lezi a nga vura moyeni i lo wulawula ni ku gonzisa ziku dlunya hi timhaka ta Jesu, hambu lezi a nga tiva a kubapatiza ka Johani ntsena. Rom. 12:11; Xip. 19:3

Mitiro 19:8

Zonake Paule i lo enghena sinagogeni; tihweti tinharu i lo wulawula hi kutiya, a kanela ni ku va kholwisa hi timhaka ta mufumo wa Nungungulu. Xip. 1:3; 17:2; 18:4; 28:23

Mitiro 28:23

Laha vona va nga mu yimisele a siku, va lota ndlwini yakwe na va hi Vanyingi; yena i lo tlhamusela hi mufumo wa Nungungulu, a kustumunya ha wona, na a va pimisa hi Jesu hi le nayweni wa Mosi ni vaprofeti, a sangula ni mixo ku kala laha gambyeni. Lu. 24:27; Xip. 17:3; 19:8

Mitiro 8:31

Yena aku ngalo: Nzi nga zi pima hikuyini loku nzi nga hi na mutlhamuseli? I lo kombela Filipu ku khilela a tshama naye.

1 Va le Korinte 12:21

A tihlo a gi zi koti ku wula ka canja, giku: A nzi ku lavi; hambu ni hloko a yi na ku wula ka mikonzo ku ngalo: A nzi mu lavi.

1 Va le Korinte 3:18

Ngha na munhu a nga ti kanganyisa Loku munwani wa nwina a alakanya lezaku i tlharihile hi wutlhari ga nguva leyi, ngha a maha xipumbu, kasi a fela ku tlhariha.

1 Va le Korinte 8:2

Loku a munhu a alakanya lezaku wa tiva nchumu, a nga se nga tiva kota lezi a faneleko a ku tiva. Gal. 6:3; 1 Tim. 6:4

Maheberu 6:1

Hikwalaho a hi tsikeni ku wulawula hi timhaka to sangula ta gonzo ya Kristu, hi komama mahlweni kumbheleni; hi nga ha aki a xiseketelo, ku nga kuhunzuluka mitirweni leyi yi fileko, ni kukholwa ka Nungungulu, Fil. 3:12-14; Xip. 5:12

2 Pedro 3:18

Kanilezi kutani tipswalweni ni kutiveni ka Hosi ni Muhanyisi wa hina Jesu Kristu. Ka yena a kuve wudzunzo makunu ni kala kupinzuka. Amen. Efe. 4:15; 1 Ped. 2:2; Kuv. 1:6