Mitiro 17:4 - Tshwa Bible

⁴ A vanwani va vona va lo kholwa, va tolovetana na Paule na Silasi; xi lo maha lezo ni xidlemo xa hombe xa vaGreki va chavako Nungungulu, ni vavasati vanyingi va hombe.

Mitiro 17:4 ပူးပေါင်းရင်းမြစ်များ

Mavingu 13:20

Hlengela ni tlhari, u tava tlhariwo; anilezi loyi a mahako wunghana ni zipumbu i ta lobyiswa.

Mavingu 9:6

Tsikani wupumbu, mu ta hanya: ambani hi ndlela ya kupimisisa.

Xizimba xa ka Solomoni 6:1

A muranziwa wa wena i yile kwihi, O wena u sasekileko xikari ka vavasati? I yile kwihi a muranziwa wa wena, Kasi ha fela ku mu lava zinwe na wena?

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Johani 7:35

Hi laha vaJuda va ngaku ngalo xikari kabye: I taya kwihi, laha hi ta nga kala hi nga mu kumi ke? Xana i xuva kuya ka lava va hangalakileko xikari ka vaGreki, a ya gonzisa vaGreki ke? Isa. 11:12; Jak. 1:1; 1 Ped. 1:1

Mitiro 13:43

Laha a hlengeletano yi nga wa hangalakile, a linyingi la vaJuda ni vaproselita va chavako Nungungulu, va lo lanzela Paule na Barnabasi, lava va nga wulawula kabye, va va khongotela lezaku va namarela tipswalweni ta Nungungulu. Xip. 11:23; Tit. 2:11; 1 Ped. 5:12

Mitiro 13:50

Kanilezi a vaJuda va lo kucetela a vavasati va dumileko va chavako Nungungulu, ni vahombe va muti, va vuxela Paule na Barnabasi a kuxaniswa, va va panzanya tikweni gabye.

Mitiro 14:1

Le Ikoniume, Paule na Barnabasi va lo enghena zinwe sinagogeni ga vaJuda va kanela, laha ka kuva ku kholwa a xidlemo xa hombe xa vaJuda ni vaGreki.

Mitiro 14:4

Kanilezi a vanhu va muti va lo hambana, a vanwani va yimela a vaJuda ni vanwani va yimela vapostoli.

Mitiro 15:22

Zonake a vapostoli ni masingalakati, zinwe ni handla gontlhe, vaku, zi sasekile loku ku hlawuliwa a vavanuna xikari kabye, va va rumela Antiokia zinwe na Paule na Barnabasi; ku hlawuliwa Judasi a vitwako Barsaba, na Silasi, va nga varangeli xikari ka vamakabye.

Mitiro 15:27

Hikwalaho hi rumile Judasi na Silasi, lava vona wutsumbu va ta nga mu tivisa timhaka twaleti hi milomu yabye.

Mitiro 15:32

Judasi na Silasi, lezi va nga hi vaprofeti, va lo luleka vamakabye hi magezu yo tala, va va tiyisa. Xip. 14:22; 18:23

Mitiro 15:40

kanilezi Paule i lo hlawula Silasi, a suka na a nyikelwe tipswalweni ta Hosi hi vamakabye. Xip. 14:26

Mitiro 16:3

Paule i wa xuva a kuva a famba naye; i lo mu teka a mu enghenisa wukwera, hi kota ya vaJuda lava va nga hi le matlhelweni lawo; hakuva vontlhe va wa zi tiva lezaku a raru wakwe muGreki. 1 Kor. 9:20; Gal. 2:3

Mitiro 17:10

A vamakabye va lo fambisa Paule na Silasi hi xikavikavi ni wusiku le Berea; laha va nga chikele kona va lo enghena sinagogeni ga vaJuda.

Mitiro 17:12

A vanyingi va vona va lo kholwa; ni vavasati va hombe va vaGreki, ni vavanuna vo tala.

Mitiro 17:14

Zonake a vamakabye va lo hatlisa va fambisa Paule a kala a chikela bimbini; kanilezi Silasi na Timote va lo nonohisa va tshama laho. Mat. 10:23

Mitiro 17:17

Lezo i lo wulawulisana sinagogeni ni vaJuda hi lava va chavako Nungungulu; ni masiku wontihe i lo maha lezo le hubyeni ni lava a nga tlhangana navo kona.

Mitiro 17:34

Kanilezi a vanhu vo kari va lo namarela ka yena, va kholwa; xikari ka vona ku wa hi na Dionisi a muAreopagu, ni wasati a vito gakwe a nga hi Damari, ni vanwani va nga wa hi navo.

Mitiro 18:4

I lo gonzisa sinagogeni a masabado wontihe, a kholwisa a vaJuda ni vaGreki.

Mitiro 19:10

Ku lo simamisa kota lezo a xipimo xa malembe mambiri; laha ka kuva vontlhe lava va nga wa akile le Asia vazwa a mhaka ya Hosi, a vaJuda ni vaGreki. Xip. 20:31

Mitiro 2:44

ni vontlhe lava va nga kholwa va wa hi wutshamu ginwe, va lo hlengela zilo zontlhe. Xip. 4:32

Mitiro 21:28

va kanyuluka, vaku: Vavanuna va ka Israeli, hi vuneni! Hi loyi munhu a gonzisako vanhu matshanwini wontihe a za ku hambana ni tiko ga hina, ni nayo, ni legi wutshamu. Tlhatakumbiri i nehile vaGreki lomu tempeleni, a nyenyezisa wutshamu legi go basa. Xip. 24:5, 6

Mitiro 28:24

Vanwani va lo kholwa lezi zi nga wa kanelwe, kanilezi vanwani a va kholwangi.

Mitiro 4:23

Laha na va va tlhatlhile, va lo tlhelela ka va ka kabye, va ya hlawutela zontlhe lezi a vapristi va hombe ni masingalakati va nga zi wulile kabye. Xip. 12:12

2 Va le Korinte 8:5

A va nyikangi lezi hi nga tsumbile zona ntsena, kanilezi va lo ranga va ti nyikela ka Hosi, zonake va lo ti nyikela ka hina hi kuranza ka Nungungulu. Mat. 25:40; Fil. 4:18; Maheb. 13:16